Jeremías 16:19 - Qheshwa Biblia DC

¹⁹ Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

DIOSPA QHELQACHISQAN DEUTEROCANONICAL

¹⁹ Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

DIOSPA QHELQACHISQ

¹⁹ Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 16:19 ပူးပေါင်းရင်းမြစ်များ

1 Reyes 20:23

Siriamanta reypa kamachisnenqa nerqanku: Paykunaj dioskunasninkoqa orqosmanta dioskuna kanku, chayrayku paykunaqa atipawanchej; sichus paykunawan llano pampapi maqanakusunman chayqa, cheqamantapuni atipasunman.

Salmos 18:3

Qanqa, Señor, yupaychanapaj jina kanki. Wajyasojtiy enemigosniymanta salvawanki.

Salmos 19:14

Qhawasqaykiman jina parlasqasniy, yuyasqasniypis allin kachun. Señor qanqa pakakunay chhanka, salvawajniytaj kanki.

Salmos 27:5

Llakiykuna jamojtin, Señorqa pakawanqa. Tiyakunan wasin ukhupi pakawanqa; chhanka patamantaj salvasqata churawanqa.

Salmos 46:1

Diosninchejqa jark'akuwajninchej, kallpanchejtaj. Llakiykunapi mana allin kashajtinchej, usqhayta yanapawanchej.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 46:7

Atiyniyoj Señor Diosninchejqa noqanchejwan kashan. Jacobpa Diosnenqa pakakuyninchej.

Salmos 62:2

Payllapuni salvakunay, pakakunay chhankataj. Mana urmasajchu, imaraykuchus paypi pakakuni.

Salmos 62:7

Diosllamanta salvakunay, sumaj kanaypis jamun. Payllapuni jark'akuwajniy, pakawajniypis.

Salmos 65:3

Sajra ruwasqasniyku atipawayku. Contraykipi juchallisqaykuta pampachawayku.

Salmos 68:31

Egiptomanta kurajkuna kachasqa jamonqanku, Etiopía runas usqhayllata makisninkuta Diosman oqharenqanku.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Proverbios 18:10

Señorpa sutenqa uj sumaj torre jina, chayman cheqan runasqa pakakunankupaj qayllanku.

Isaías 25:4

Qanqa wajchaj pakakunan kanki, llakisqa pisichikojpaj jark'ajnin, para wayramanta jark'aj, ruphaymanta llanthojtaj. Sajra runaspa samayninkoqa, chiri tiempopi llojlla para perqaman seq'on ajina.

Isaías 32:2

Chay sapa ujninku kanqanku wayramanta pakakunapaj jina, llojlla para wayramanta pakakunapaj; ch'aki jallp'api qarpanapaj larq'as jina; ch'in pampapi jatun chhankaj llanthun jina.

Isaías 44:10

Pichus jich'aspa lantista dios nispa ruwajqa, qhasi manakajllata tiemponta usuchin.

Isaías 44:20

Cheqamanta chayqa ushphata mikhoj jinamin; chayqa llulla yuyajkunawan ch'aukiyachikuymin. Chayrayku chay runaqa almanta mana salvanchu, nitaj ninchu: Manachu paña makiypi kajqa lullalla?, nispa.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Isaías 62:2

Chaypacha runasqa cheqanchayniykita rikonqanku, reyespis imaynachus atiyniyki kasqanta rikonqanku. Mosoj sutiwan sutichasqa kanki, chaytataj kikin Señorpuni sutichasonqa.

Jeremías 10:3

Chay aylluspa ususninkoqa mana imapaj walejchu. Montepi uj k'aspita k'utuytawan cincelninwan llajllanku.

Jeremías 10:5

Chay lantisqa p'isqo manchachiman rijch'akunku, imaynatachus chajra tarpusqaman manchachita churanku ajinata; chay lanteqa mana parlanchu, waj q'epiykachanaraj, imaraykuchus mana purinkuchu. Ama paykunamantaqa manchachikuychejchu. Chaykunaqa mana sajrata ruwankuchu, manataj allin kajtapis ruwankuchu.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

Jeremías 17:17

Ama ari qanqa mancharichiwaychu, imaraykuchus qanqa ñak'ariykunasniypi pakaykuwajniymin kanki.

Jeremías 2:11

Ima naciontaj dioskunasninta cambian, manapis cheqa dioskunachu kashajtin. Chaywampis aylluytaqa atiyniyoj Diosninta saqerpariwan, qhasi manakaj lantisman ripunankupaj.

Jeremías 2:8

Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

Jeremías 3:23

Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.

Jeremías 33:9

Kay jallp'api Jerusalenqa noqaj kausayniy, jatunchakuyniytaj kanqa tukuy nacionespa ñaupaqempi. Maypachachus tukuy allin kajta Jerusalempi tiyakojkunaman patanman apachimusqayta uyarenqanku, jinataj tukuy allin kajwan junt'achisqayta parlajta uyarenqanku, chaypachaqa mancharikuywan kharkatenqanku.

Ezequiel 11:16

Chayrayku paykunaman sutiypi niy: Noqa Señormin paykunata waj nacionesman, waj runakunaj jallp'asninkuman wijch'orqani, chaytaj pisi p'unchaykunallapaj kashan. Mayqen jallp'amanchá renqanku chaypeqa noqallataj Diosta yupaychana wasinku kasaj.

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Amós 2:4

Ajinata nin Señorqa: Judamanta kaj runasqa ashkha sajra imasta ruwaspa juchallikunku, chayrayku paykunata jasut'isajpuni; paykunaqa Señorpa yachachiykunasninta qhesacharqanku, manataj kamachisqasninta kasorqankuchu. Manachayqa tatasninku ima lantistachus yupaycharqanku, chaykunallatataj yupaycharqanku.

Nahúm 1:7

Señorqa may k'achamin, waqaychan Paypi confiajkunataqa, waqaychantaj Paypi confiakojkunataqa.

Habacuc 3:19

Señorniymin kallpata qowan; chakisniymampis qon kallpata usqhay usqhayta taruka jina purinaypaj, aswan pata patasnillanta purinaypaj chaypi salvasqa kanaypaj.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Romanos 1:25

Diospa cheqa nisqanta llullakuyman tukucherqanku, ruwasqa kajkunata jatunchaspa, yupaychaspataj; kay pachata ruwajtataj mana yupaycharqankuchu. Payqa yupaychasqamin wiñaypa wiñaynintimpaj. Amén.

1 Pedro 1:18

Qankuna yachankichej Dios kacharichisusqanta chay qhasi mana kaj kausayniykichejmanta, mayqentachus tatasniykichejmanta jap'erqankichej; mana tukukoj imaswanchu rantispa, mana qoriwan jinachu, nitaj qolqewan jinachu, astawanqa, Cristoj qhapaj yawarninwan. Payqa mana ch'ichiyoj, mana onqoyniyoj cordero jinataj wañuchisqa karqa.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.