Jeremías 16:18 - Qheshwa Biblia DC

¹⁸ Jinapis, ñaupajtaqa uj jinatawan pagachikusaj tukuy sajra ruwasqasninkumanta, jinataj juchasninkumantapis, imaraykuchus jallp'ayta ch'ichicharqanku chay millay wañusqa lantisninkuwan, paykuna ruwarqanku chay mana munasqay imasta, chayaqepaj jina qorqani chay tukuy jallp'api.

DIOSPA QHELQACHISQAN DEUTEROCANONICAL

¹⁸ Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

DIOSPA QHELQACHISQ

¹⁸ Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Jeremías 16:18 ပူးပေါင်းရင်းမြစ်များ

Salmos 106:38

Mana juchayojpa yawarninta jich'arqanku, chay wawasninkoj yawarninta, Canaán dioskunamantaj jaywarqanku. Chay jallp'ankutaj yawarninkuwan ch'ichichakorqa.

Isaías 24:5

Jallp'aqa chaypi tiyakojkunanejta ch'ichichasqa; imaraykuchus leyesta p'akinku, kamachisqasta mana kasunkuchu, wiñaypaj ruwasqa tratota p'akinku.

Isaías 40:2

K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

Isaías 61:7

Chay jina p'enqaypi kasqaykichejmanta, chay jina chejnisqa mana allimpaj qhawasqa kasqaykichejmanta, may jina allimpaj qhawasqas kankichej, wiñaypaj kusikuyniyojtaj,

Isaías 65:6

Chaywampis uj qelqasqa noqaj ñaupaqeypi kashan, chaypitaj nishan, manapuni ch'enqa kasajchu, mana chayqa t'inkaykita qopusqayki, mashkhachus pagoyki kashan chayta, nispa.

Isaías 65:7

Chantá Señorqa nillantaj: Juchasniykichejrayku, ñaupa tatasniykichejpa juchasninrayku ima, paykunaqa orqo puntaspi inciensosta ruphacherqanku, jinallataj loma pataspipis. Chayrayku noqaqa ñaupa juchasniykichejman jina pagota qopusqaykichej. Señorqa chayta nerqa.

Jeremías 17:18

Qhatiykachawajkunata p'enqaypi rikhurichiy. Paykunalla mancharikuchunku, amataj noqaqa. Paykunaj patankuman ñak'ariykunasta apachimuy, tukuyninkuta kutin kutinta phirirpariy.

Jeremías 2:7

Noqamin pusamorqaykichej kay sumaj poqoj jallp'amin, chay sumaj poqoykunasninta mikhunaykichejpaj, imaschá allinta poqon chaykunatawan. Chantá qankunataj jamuytawan jallp'asniyta ch'ichicharqankichej. Ruwasqasniykichejqa kay kikin jallp'aypi millachikunaypaj jina kashan.

Jeremías 3:9

Chaytaqa payllamanta imata jina ruwarqa, tukuy nacionnintinta mana allinman churarqa. Judaqa t'aqakuwaspa, rumista, k'ullustawan yupaychaj churakorqa.

Jeremías 44:4

Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

Jeremías 7:30

Señorqa nillantaj: Judamanta runasqa mana walejtachu rijch'ayniypi ruwanku: Chay millachikuna lantisninkuta noqapaj t'aqasqa chay yupaychanawanku wasiyman churarqanku, chaywantaj ch'ichicharqanku.

Ezequiel 11:18

Paykuna llajtankuman kutimponqanku, chantá chinkachenqankutaj kay jallp'api millay ruwaykunata, lanti yupaychaykunata ima.

Ezequiel 11:21

Chantapis pikunachus sajra imasta ruwaspallapuni kausanqanku, millachikunapaj imasta ruwaypitaj, chaykunamanta cuentata mañasaj. Noqa Señor chaytaqa nini.

Ezequiel 36:18

Chayrayku paykunaj patankuman k'ajaj phiñakuyniyta urmachimorqani, imaraykuchus paykunaqa chay jallp'api runasta wañucherqanku, qhasi mana kaj dioskunata yupaychaspataj ch'ichicharqanku.

Ezequiel 5:11

Chantapis Señorqa nin: Noqa kausayniyrayku jurani, tiyakunay cheqanta chhika millay juchaswan ch'ichichasqaykirayku noqapis qanta qhesachasqayki, mana perdonasqaykichu, nitaj khuyakusqaykichu.

Oseas 9:7

Chayamunkuña jasut'ina p'unchaykunaqa! Ña chayamunkuña ruwasqankuman jina pagana p'unchaykunaqa! Israelpis yachanqa chay p'unchaykuna chayamusqankuta! Qankuna ninkichej: Profetaqa wampu, yuyaychasqa runapis ancha uman muyusqa, nispa. Pero chay tukuyta ninkichej juchawan junt'as kasqaykichejrayku, jinataj jatun phiñakuywan junt'as kasqaykichejrayku.

Levítico 26:30

Noqataj t'unarasaj lomas patapi lantista yupaychana wasisniykichejta, incienso altaresniykichejtapis. Qankunaj ayasniykichejta chay mana kausayniyoj lantisniykichej pataman churamusaj. Ajinamanta chejniyniyta rikuchisqaykichej.

Miqueas 2:10

Jatarikuychej rillaychejpunitaj, kayqa mana samarikuna lugarchu; may jinaña sajraman qokapusqaykichejqa.

Apocalipsis 18:6

Payman kutichipuychej, imaynatachus qankunaman qorqasunkichej ajinata; ruwasqasninman jinataj iskay kutitawan kutichipuychej, ima copapichá qankunaman ujyachisorqachej, chayllapitaj iskay kutitawan ujyachiychej.