Jeremías 16:13 - Qheshwa Biblia DC

¹³ Chayraykumin kay jallp'amanta wijch'usqaykichej tatasniykichej mana rejsisqankuman, nitaj qankunapis rejsisqaykichejman. Chaypitaj tukuy p'unchay mana rejsisqaykichej dioskunasllata yupaychankichej, manapuni qankunamanta khuyakusajchu, nispa.

DIOSPA QHELQACHISQAN DEUTEROCANONICAL

¹³ Chayraykumin kay suyumanta wijch'usqaykichej, mana tataykichej nitaj qankunapis rejsisqaykichej suyuman. Chaypitaj tuta p'unchay mana rejsisqaykichej dioskunata yupaychankichej, imaraykuchus manapuni qankunamanta khuyakusajchu, nispa.

DIOSPA QHELQACHISQ

¹³ Chayraykumin kay suyumanta wijch'usqaykichej, mana tataykichej nitaj qankunapis rejsisqaykichej suyuman. Chaypitaj tuta p'unchay mana rejsisqaykichej dioskunata yupaychankichej, imaraykuchus manapuni qankunamanta khuyakusajchu, nispa.

Jeremías 16:13 ပူးပေါင်းရင်းမြစ်များ

2 Reyes 25:21

Babiloniamanta reytajrí paykunata Riblapi wañuracherqa Hamat nisqa cheqapi. Ajinata Judamanta kajkunaqa jallp'ankumanta presos apasqas karqanku.

Salmos 81:12

Chayrayku munasqampi saqerqani; yuyasqankuman jinataj kausarqanku.

Jeremías 10:18

Imaraykuchus Señorqa nin: Kunan kutipeqa kay jallp'api tiyakojkunata karuman wijch'usaj. Ñak'ariykunasmantaj churasaj, ichachus jinamanta tariwankuman. Nación kutichin:

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Jeremías 15:14

Enemigosniykej kamachin kanaykita ruwasqayki, chay mana rejsisqayki jallp'aspi. Phiñakuyneyqa astawan nina jina k'ajarin, chaytaj ruphaykusonqa.

Jeremías 15:4

Kay pachapi tukuy naciones kajkunata mayta mancaharichisaj imastachus paykunata ruwasaj chaywan, Judamanta Ezequiaspa wawan Manasés Jerusalempi imatachus ruwasqanrayku.

Jeremías 16:5

Señorqa nillawarqataj: Ama yaykuychu maypichus uj wañusqa runamanta llakisqa kashanku chay wasiman; ama waqaychu, nitaj payrayku llakiyniykitapis rikuchiychu, imaraykuchus kay aylluymantaqa oqhariniña chay sonqo tiyasqa kayniyta, munakuyniyta, chanta khuyakuyniyta ima. Noqa Señor chayta nini.

Jeremías 17:4

Chayaqeykipaj qorqayki chay jallp'ata saqenayki tiyan, jinamantataj enemigosniykej kamachin kanankipaj; mana rejsisqa jallp'api kanaykipaj. Phiñakuyneyqa nina jina ruphaykunampaj jap'ikunña.

Jeremías 22:26

Qantawan mamaykitawan khuskata wijch'usqaykichej, maypichus mana nacekojta rikusorqachejchu chay waj jallp'aman, chaypitaj iskayniykichej wañunkichej, nispa.

Jeremías 22:28

Jeconiasqa mana ni imapaj p'akisqa k'anallachu? Imaraykutaj payqa wawasnintin mana rejsisqa jallp'aman wijch'usqari?

Jeremías 5:19

Maypachachus tapusonqachej: Imaraykutaj kay tukuyta Señor Diosninchej ruwawarqanchejri?, nispa chayqa kay jinata kutichiychej: Imaynatachus Señorta saqerparispa, kikin jallp'aykichejpi yupaychaj kankichej, chay mana rejsisqa dioskunata, ajinallatataj sirvinaykichej kanqa waj llajtayoj mana rejsisqa runata.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Deuteronomio 28:36

Señorqa qankunata, ajllakusqaykichej reyniykichejtawan waj nacionesman apachisonqachej, chay naciontaqa ni qankuna, nitaj tatasniykichejpis rejserqankichejchu. Chaypitaj, k'aspimanta, rumimanta ima ruwasqa waj dioskunata yupaychamunkichej.

Deuteronomio 29:28

Kay runastaqa Señor may sinch'i phiñakuyninwan qharqon jallp'asninkumanta, wijch'umuntaj waj jallp'asman, kunampis kashankuraj.