Jeremías 15:9 - Qheshwa Biblia DC

⁹ Ashkha wawasniyoj mamas mana kallpayoj llauchhusman tukunku, p'enqasqas k'umuykusqastaj. P'unchaypa k'anchaynimpis paykunapaj laqhayaykun. Pipis kausashaj qhepakojqa enemigosninwan wañuchisqallataj kanqa. Noqa Señor chaytaqa nini.

DIOSPA QHELQACHISQAN DEUTEROCANONICAL

⁹ Ashkha wawayoj mamakunaqa mana kallpayoj llawch'iman tukonqanku, samakuytapis mana atenqankuchu. Manaraj wañunankupi wañonqanku. P'enqachisqa, k'umuykachachisqataj kanqanku. Pipis chaymanta kawsashaj qhepakojtaj awqanwan wañuchisqallataj kanqa. Ajinata noqa Tata Dios nini.

DIOSPA QHELQACHISQ

⁹ Ashkha wawayoj mamakunaqa mana kallpayoj llawch'iman tukonqanku, samakuytapis mana atenqankuchu. Manaraj wañunankupi wañonqanku. P'enqachisqa, k'umuykachachisqataj kanqanku. Pipis chaymanta kawsashaj qhepakojtaj awqanwan wañuchisqallataj kanqa. Ajinata noqa Tata Dios nini.

Jeremías 15:9 ပူးပေါင်းရင်းမြစ်များ

Isaías 47:9

Chay iskaynin llakiykuna ujllata uj p'unchayllapi qhatirisonqa, ujllapi mana wawasniyoj, mana qosayojtaj rikhurinki. Chay jina yatirisniyoj, layqasniyoj kashajtiykipis, chay llakiykunaqa kaymanta jinalla chayamusonqa.

Jeremías 19:7

Kay cheqapi noqaqa Judáj, jinataj Jerusalempa imatachus yuyasqasninta chinkachisaj. Saqesajtaj chay wañuchejkunaj enemigosnin atipaykunankuta, wañurachinankutataj. Chay ayasninkurí aycha mikhu phawajkunaj mikhunankupajtaj kanqanku.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

Jeremías 44:27

Noqa qhawashani ñak'ariykunasta apachimunaypaj, mana allin kajkunatachu. Judamanta tukuy Egiptopi tiyakushajkuna, cheqamanta tukuyninku maqanakupi, yarqhaywantaj wañuchisqas kanqanku.

Jeremías 50:12

Nacekusqaykichej llajtaqa p'enqaypi p'enqachisqa rikhurenqa. Tukuy nacionesmanta aswan kulli kaj kanqa, uj ch'aki ch'in pampa tukuy imasnin tukusqa.

Jeremías 6:4

Enemigosninkutaj ninku: Paypa contrampi maqanakupaj wakichikuychej. Jamuychej chaupi p'unchaynejta, yaykuykusunchej! Ay noqanchejmanta ancha llakiypi tarikunchej, chantapis inti yaykuykushanña, ch'isiñataj kashan!

Jeremías 7:19

Chaywan noqamantaqa astawan paykuna kikinkuta, mana allinninkupaj p'enqaynillankupajtaj ruwakunku. Noqa Señor chayta nini.

Lamentaciones 1:1

Jerusalén llajtaqa chay chhika runayoj kashaspa ch'impacha qhepakun! Tukuy llajtasmanta chay chhika jatun llajta kashaspa viudaman jina tukun! Chay llajtaj muyuynimpi kaj suyusta kamachej llajtaqa impuestota paganan tiyan!

Lamentaciones 4:10

Ñaupajta k'acha khuyakuyniyoj warmis kajkunaqa, wawasnillankutataj wayk'uykakaporqanku. Kikin wawasnillankutataj mikhuykakaporqanku, aylluypa llajtan chay jina thuñisqa kajtin.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Ezequiel 5:13

K'ajaj phiñakuyniyta thasnuchisaj. Tukuy phiñakuyniywan paykunaman samarakusaj. Paykunata jasut'isqaypi sonqoyta samarichisaj. Chay jinamanta yachanqanku, noqa paykunamanta tukukuspa parlasqayta, phiñakuyniywan paykunapi samarikusqayta.

1 Samuel 2:5

Ñaupajpi tukuy ima mikhunawan atipachikojkunaqa, kunan uj chhika t'antarayku chhalakushanku. Yarqhasqas kasharqanku chaykunataj, kunanqa manaña yarqhasqaschu kashanku. Mana wawasniyoj kayta aterqachu chay warmipis, qanchis kutitaña wawasta nacechikun. Ashkha wawasniyoj karqa chay warmejtari kallpanqa tukusqaña kashan.