Jeremías 15:13 - Qheshwa Biblia DC

¹³ Israel, qanta tukuy juchasniykiraykumin enemigosniykej juchasninraykumin jaywaykusaj, qolqesniykita, kapuyniykita, tukuy imaschus jallp'aykipi kajtawan, paykuna chay tukuyta qhasilla apakapunankupaj.

DIOSPA QHELQACHISQAN DEUTEROCANONICAL

¹³ Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

DIOSPA QHELQACHISQ

¹³ Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

Jeremías 15:13 ပူးပေါင်းရင်းမြစ်များ

Salmos 44:12

Yanqhallata aylluykitaqa venderparinki, vendespataj ni imatapis tarinkichu.

Isaías 52:3

Señorqa nin: Qankunaqa mana qolqellapi vendesqas karqankichej, chayrayku mana qolqellawantaj kacharichisqas kankichej.

Isaías 52:5

Kunanqa imanasajtajri? Mana imallamanta aylluytaqa apanku. Paykunata ñak'arichejkunaqa wapuykachaspa qhaparqachanku, noqaj contraytapis sapa p'unchay rimanku.

Jeremías 15:8

Paykuna ukhupi saqerqani viudasta, mar qochaj t'iyusninta jina ashkhata. Kikin chaupi p'unchaypi chinkachejta apachimorqani, wayna wawasniyoj mamaspa patanman, kaymanta jinalla paykunaj patankuman ñak'ariyta, mancharikuytawan.

Jeremías 17:3

Chay campo orqospi kasharqa chaykunamantapis. Juchasniykirayku saqesaj tukuy qhapaj kajkunasniykita, k'acha imasniykipis suwaqas kanankuta. Jallp'aykipi tukuy yupaychana orqosniykitapis qhechusonqanku.

Jeremías 20:5

Jinallatataj kay llajtapipis tukuy ima kajkunasniykichejta, Judapi reykunaspa tukuy imasninkuta Babiloniaman apanankupaj jaywaykullasajtaj.

Ezequiel 38:13

Sabá nisqa llajtayoj runas, chantá Dedanmanta kajkunapis, jinallataj Tarsis llajtayoj qhatu apaykachajkuna, chantá tukuy jatun kamachejkuna tapurisonqanku: Suwajchu jamorqanki? Chaypacha soldadosniykitapis tantaykunkichu tukuy imasta qhechuranaykipaj, qolqeta, qorita, chantapis uywasta, jallp'asta waj kapuykunatawan ashkha imasta qhechuraspa apakapunaykipaj?, nispa.

Sofonías 1:13

Chayrayku waqaychasninkuta, suwas qhechonqanku. Wasisninkutaj thuñisqas kanqa. Wasista ruwakonqanku, manataj chay wasispi tiyakonqankuchu. Uvasta plantanqanku, chay uvas sach'aj poqoyninmantataj vinota mana ujyanqankuchu.