Jeremías 14:9 - Qheshwa Biblia DC

⁹ Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

DIOSPA QHELQACHISQAN DEUTEROCANONICAL

⁹ Imajtintaj uma muyusqa runa jina kankiri? Wapu soldado jina kaspapis, manachu yanapayta atiwayku? Chaywanpis Tata Dios, qan noqaykuwan kashanki, noqaykutaj sutiykita yupaychayku. Amapuni saqerpariwaykuchu ari, nispa.

DIOSPA QHELQACHISQ

⁹ Imajtintaj uma muyusqa runa jina kankiri? Wapu soldado jina kaspapis, manachu yanapayta atiwayku? Chaywanpis Tata Dios, qan noqaykuwan kashanki, noqaykutaj sutiykita yupaychayku. Amapuni saqerpariwaykuchu ari, nispa.

Jeremías 14:9 ပူးပေါင်းရင်းမြစ်များ

Salmos 10:1

Señor, imaraykutaj karullapi qhepakunki? Imaraykutaj llakiy chayamojtin pakaykukunkiri?

Salmos 27:9

Ama noqamanta pakakuychu. Phiñakuspa ama qhesachawaychu. Qanlla yanapawajniy kanki. Ama sapayta saqerpariwaychu, amataj kachariwaychu, qanmin salvawajniy Diosqa kanki.

Salmos 46:5

Diosninchej chay llajta chaupipi kashan, paytaj sayachenqa, sut'iyajtintaj yanapanqa.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Isaías 51:9

Señorpa makin, rijch'ariy, rijch'ariy ari atiyniykiwan, imaynatachus unay ruwaj kanki jinata rijch'ariy, ñaupa tiempospi jina. Qan Rahabta t'unarparerqanki, chay mar qochapi sierpeta.

Isaías 59:1

Señorpa makenqa mana juch'uychu mana salvasunampajqa, manataj ningrimpis joq'ariyapunchu mana uyarinampajqa.

Isaías 63:19

Noqaykoqa qanman jamuyku, mana jayk'ajpis kamachejniyoj jina; runasqa mana rejsiwaykuchu sutiykimanta.

Jeremías 15:16

Parlamuwajtiykeqa chay palabrasniykita mikhukorqani, chaytaj sonqo qhallallay, kusiytaj sonqoy ukhupi kawarqa, imaraykuchus Señor, Tukuy Atiyniyoj Diosníy, qampataman kani.

Jeremías 51:5

Jinapis Israel aylluwan, Judá aylluwanqa contraypi juchallerqanku, tukuy jallp'amantaj juchata junt'acherqanku. Noqa Tukuy Atiyniyoj Señor, Israelpa Santo Diosnintaj paykunata manaraj qonqarparinichu.

Jeremías 8:19

Aylluypa waqasqasnenqa tukuy jallp'aspiña uyarikun: Señorqa manañachu Siompi kashan? Manañachu reynenqa chaypi kashan?, nispa. Señortaj kutichin: Imaraykutaj phiñachiwarqankichej chay lantikunata yupaychaspa, mana rejsisqa dioskunatari?, nispa.

Lamentaciones 5:20

Imaraykutaj chay jinatapuni qonqakapuwaykuri? Imaraykutaj kay chhika unaytaña saqerpariwaykuri?

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Habacuc 1:2

Señor, mayk'ajkamataj qhaparimusqayki yanapariway nispa, manataj uyarichikuspa? Mayk'ajkamataj qhaparikamusqayki kay millay ruwaykunasmanta, manataj qan jamunkichu kacharichiwaj?

Zacarías 2:5

Chaywampis, noqa kikiy sayaykusaj Jerusalempa muyuynimpi nina perqa jina, kikin llajta chaupipitaj k'anchaj gloriayta rikuchisaj. Noqa Señorniykichej kayta nini.

Zacarías 8:3

Jerusalenman kutillasajtaj chaypi tiyakapoj. Chaypacha Jerusalenqa uj cheqata purej llajta kanqa; Tukuy Atiyniyoj Señorpa orqontaj uj santo orqo nisqa kanqa.

Números 11:23

Señortaj payman kuticherqa: Atiyneyqa pisichu? Kunanqa rikunki kay parlasqayta junt'asajchus manachus chayta.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Deuteronomio 23:14

Señor Diosniykichejqa qankunaj chaupiykichejpi kashan, chay jaraykichejpi ima kajtimpis yanapanasuykichejpaj, enemigosniykichejtapis atipachinasuykichejpaj. Chay jaraykichejqa llimphupuni kanan tiyan, Dios ama chaynejpi ima ch'ichitapis rikunampaj. Mana jina kanqa chayqa Dios qankunamanta karunchakonqa.

Deuteronomio 28:10

Kay pachapi kaj tukuy naciones rikonqanku cheqamanta Señorpa ayllun kasqaykichejta, qankunamantataj manchachikonqanku.

Hebreos 13:5

Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

1 Samuel 12:22

Señorqa sutinta jatunchanarayku mana saqesonqachejchu imaraykuchus payqa munan qankunaqa ayllumpuni kanaykichejta.