Jeremías 14:7 - Qheshwa Biblia DC

⁷ Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

DIOSPA QHELQACHISQAN DEUTEROCANONICAL

⁷ Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

DIOSPA QHELQACHISQ

⁷ Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 14:7 ပူးပေါင်းရင်းမြစ်များ

Esdras 9:15

Señor, Israelpa Diosnin, qan cheqan karqanki noqaykuwan. Qan munarqanki noqaykumanta uj puchoj t'aqa kausanaykuta, imaynatachus kunan p'unchay rikukusqanman jina. Noqaykoqa cheqamanta ñaupaqeykipi juchayoj kayku, ajinallatapuneqa mana ñaupaqeykipi kayta atiykumanchu, nispa.

Salmos 115:1

Señor, qan kikiykita jatunchakuy, ama noqaykutaqa; jatunchakuy khuyakuyniykirayku cheqan kayniykiraykutaj.

Salmos 25:11

Jatun sutiykirayku Señor, jatun juchayta pampachapuway.

Salmos 79:9

Salvawajniyku Dios, yanapawayku, librawayku, juchasniykutataj pampachawayku sutiyki jatun kasqanrayku.

Isaías 48:11

Noqarayku, noqa kikiypa munakuyniyrayku ajinataqa ruwarqani, ama sutiy qhesachasqa kanampaj. Noqa jatunchasqa kayniytaqa mana pimampis qosajchu.

Isaías 59:12

Juchasniykoqa ñaupaqeykipi ashkhaman tukun; juchasnillaykutaj mana allin kasqaykuta ch'ataykuwanku; noqallaykuwampuni juchasniykoqa kashan; yachakuykutaj juchayoj kasqaykuta.

Jeremías 10:19

Ay noqamanta, mana imayoj llakiyllapiña rikhurini! Nanachikusqasneyqa mana thañiy atej! Kay nanaytaqa ñak'ariylla kasqanta yuyarqani.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 3:25

May p'enqasqas k'umuykukunachej ari, manaña allimpajchu qhawasqas kanchej, imaraykuchus wawasmantapacha kunankama, noqanchej ñaupa tatasninchejpis juchallerqanchej Señor Diosninchejpa contrampi, manataj payta kasorqanchejchu.

Jeremías 3:6

Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

Jeremías 5:25

Qankunaj juchasniykichejqa kay tukuyta jark'arqa, chayrayku allin imasta mana jap'iyta aterqankichejchu.

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Jeremías 8:14

Aylluytaj nenqa: Imapajñataj kaypi qhepakunchejri? Tukuy ripunachej chay pakakunasniyoj llajtasman ujkama wañurachinawanchejpaj. Señor Diosninchej wañuchiwasunchej, qowasunchejtaj, venenoyoj yakuta, imaraykuchus paypa contrampi juchallerqanchej.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Ezequiel 20:14

Chaywampis, sutiyrayku chay yuyasqayta mana yuyarqanichu, Egiptomanta paykunata orqhomushajta rikuwarqanku, chay jallp'amanta runaspa ñaupaqempi ama p'enqaypi rikhurinayrayku.

Ezequiel 20:22

Sutiyrayku makiyta mana churarasqanichu, chay jallp'api tiyakoj runakunaj ñaupaqeypi ama p'enqaypi rikhurinayrayku. Paykuna rikuwarqanku, imaynatachus Egiptomanta orqhosqayta.

Ezequiel 20:9

Chay tukuywampis, sutiyrayku chay yuyasqayta saqerqani. Paykuna kasharqanku chay llajtasniyoj runakuna rejsiwarqanku, paykunaj ñaupaqempi ama p'enqaypi rikhurinayrayku, paykunata Egiptomanta orqhorqani.

Oseas 5:5

Israelpa runay kachasqanqa uyallanmantaj laq'akamun; Efraintaj kikin juchallampitaj misk'akun, Judapis paykunawan kuskallataj misk'anqa!

Oseas 7:10

Israelpa runaykachasqanqa paypa contrallampitaj sut'inchashan. Chaywampis paykunaqa mana kutirikorqankuchu nitaj Señor Diosninkuta mask'arqankuchu.

Amós 7:2

Chay langostasqa chay chajrasta rukushajtinña noqa nerqani: Señor Dios, juchasniykuta pampachapuwayku. Imaynatataj Jacobpa chhikititan aylluyki ñak'arenqari?

Miqueas 7:9

Señorpa contrampi juchallikuni, chayrayku phiñakuyninta ñak'arillasaj; chaykamaqa. Pay justiciata ruwawanqa juchayoj kasqaymantaqa. Señor pusawanqa k'anchayman rikuchiwanqataj atipayninta.

Efesios 1:12

Noqanchej ñaupajmantapacha Cristopi suyarqanchej, Diospa jatun kayninta yupaychananchejpaj.

Deuteronomio 32:27

Chaytari mana ruwayta atinichu, enemigosniy wapuykachaspa ama ninankupaj: Mana Señorchu kaytaqa ruwashan, manachayqa noqanchej kaytaqa atiyninchejwan ruwashanchej, nispa.

Josué 7:9

Kunanqa kay imasmanta yachanqanku cananeos, tukuy kaynejpi tiyaj runas ima; ujllaman tantaykukuspataj jamuwasqayku, chinkachiwasqaykutaj mana ujniyojta, mana kanqachu yuyarikunallapajpis. Chantá imataj kanqa chay jatun sutiykimantari?