Jeremías 14:22 - Qheshwa Biblia DC

²² Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

DIOSPA QHELQACHISQAN DEUTEROCANONICAL

²² Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

DIOSPA QHELQACHISQ

²² Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Jeremías 14:22 ပူးပေါင်းရင်းမြစ်များ

1 Reyes 17:1

Chanta Galaadpi, Tisbemanta profeta Eliasqa Acabman nerqa: Israelpa Señor Diosnimpa sutimpi, pejpa ñaupaqempichus noqa kashani niyki: Kay wataspi mana paramonqachu nitaj chhullamonqachu noqa ujtawan ninaykama.

1 Reyes 17:14

Imaraykuchus Israelpa Señor Diosnenqa kay jinata nin: Wich'ipi jak'oqa, yurupi aceitepis mana tukukonqachu Señor kay jallp'a pataman parachimunankama.

1 Reyes 18:1

Unay p'unchaykunamanta, Señorpa palabran Eliasman jamorqa, kinsa kaj watapi, nerqataj: Acabman rikuchikamuy, ñapis parachimusajña jallp'a pataman.

Job 28:26

paramampis qorqa leyesta, qhon qhonmampis ñanninta rikucherqa,

Job 5:10

Payqa parata kay jallp'a pataman parachimun; chay yakuwan tukuy camposta qarpan.

Salmos 130:5

Tukuy sonqoywan Señorpi suyakuni; parlasqampi suyakuni.

Salmos 135:7

Jallp'aj k'uchunmantapacha phuyusta orqhomun, para lliuj lliujkunata rikhurichin, wayratapis orqhomun.

Salmos 147:8

Payqa cielota phuyuswan junt'achin. Pay jallp'apaj parata wakichin. Pay orqospi qhorasta wiñachin.

Salmos 25:21

Allin kajniywan, cheqan kajniywan, waqaychawachunku, imaraykuchus qampi suyani Señor.

Salmos 25:3

Qampi suyajqa mana ujpis p'enqaypi rikhurenqachu. P'enqaypi rikhurichunku contraykipi qhasimanta oqharikojkuna.

Salmos 27:14

Señorpi atienekuy, kallpachakuy, ama llauchhuyaychu ari, Señorpipuni atienekuy.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 30:23

Señorqa chajrasniykipaj parachimonqa, jallp'aman tarpojtiykikama. Jallp'ataj tarpojtiykikama trigota sumajta poqochenqa. Chaypacha wakasniykeqa sumaj pasto pampaspi michisqa kanqanku.

Isaías 41:29

Tukuyninku mana imapis kankuchu. Chaykunaqa mana imatapis ruwayta atinkuchu. Chay ruwasqanku lantisqa qhasi mana kaj ch'usajlla kanku.

Jeremías 10:12

Señorqa atiyninwan kay pachata ruwarqa, yachayninwantaj mundota sayacherqa, yachayniyoj kasqanwantaj janaj pachatapis aysatatarqa.

Jeremías 10:13

Jatun sinch'i qhapariyninwan janaj pachapi yakuspis tantakunku, jallp'aj cantosninmantapacha phuyusta wicharichimun, paramunampajpis lliuj lliujkunasta k'ancharichimun, jallch'asqa kasqanmanta wayrasta orqhomun.

Jeremías 10:15

Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.

Jeremías 10:3

Chay aylluspa ususninkoqa mana imapaj walejchu. Montepi uj k'aspita k'utuytawan cincelninwan llajllanku.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 5:12

Israelwan Judawanqa Señorqa qhesachanku, kay jinata nispa: Payqa mana kanchu. Mana ima sajraspis qhatiriwasunchu, mana kanqachu maqanakuykuna, nitaj yarqhaykunapis, nispa.

Jeremías 5:24

Mana unancharerqankichejchu, nitaj nerqankichejchu: Señor Diosninchejta manchachikunachej, payqa maychus tiempompi paratapis apachimuwanchej, ñaupaj parasta, qhepa parastapis. Cosechata oqharinapajtaj uj tiempota wakichipuwanchej.

Jeremías 51:16

Sinch'i qhapariyninwan phuyuspi yakusta sonarichin; kay pachaj cantosninmantapacha phuyusta pataman wicharichin. Paramojtimpis lliuj lliujkunata k'ancharichin; wayratapis jallch'ananmanta orqhomun.

Oseas 2:7

Munasqa qharisninta qhatiykonqa. Chaypacha nenqa: Kutiykapusaj ñaupa qosayman, imaraykuchus paywan kunanmanta aswan sumajta purej kani, nispa.

Joel 2:23

Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

Amós 4:7

Paratapis manallataj parachimporqaykichejchu, kinsa killa junt'ata manaraj cosecha kashajtin. Uj llajtaman parachimorqani, uj llajtamantaj mana; wakin chajraspaj paracherqani, wakimpajtaj mana, chaynejta ch'akipunku yakumanta jina.

Miqueas 5:6

Paykuna Asiriata kamachenqanku, Nimrodpa jallp'antapis t'ojsinasninkoj puntampi apaykachanqanku, jallp'asninchejta yaykumorqanku jallp'anchejmantaj. Junt'aykamorqanku chay asiriosmantataj librawasunchej.

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

San Mateo 5:45

Ajinata ruwaspaqa, janaj pachapi kashaj Tataykichejpa wawasnin kankichej. Payqa, sajra runaspaj, k'acha runaspajpis intita llojsichimun. Kikillantataj parachimun tukuypaj; allin runaspaj, sajra runaspaj ima.

Deuteronomio 28:12

Señorqa qhapaj kaynin janaj pachata kicharipusonqachej, tiempompitaj jallp'aykichejman parachimonqa, tukuy ruwasqasniykichejtataj ñaupajman pusanqa. Qankunaqa ashkha nacionesman manuyta atinkichej, qankunataj ni pimanta manunkichejchu.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.