Jeremías 14:21 - Qheshwa Biblia DC

²¹ Sutiyki may jatunchasqa kasqanrayku, ama qhesachawaykuchu ari, amataj aylluykita sajra ñawiwan qhawaychu, maypichus may uyarisqa tronoyki kashan chaytaqa, yuyarikuy noqaykuwan tratota ruwasqaykita.

DIOSPA QHELQACHISQAN DEUTEROCANONICAL

²¹ Chaywanpis sutiyki yupaychasqa kananpaj, ama qhesachawaykuchu ari, amataj Jerusalenpi jatunchasqa kamachinayki tiyanata pisipaj qhawaychu. Yuyarikuy ari noqaykuwan tratota ruwasqaykimanta. Amapuni trato ruwasqaykita p'akiychu.

DIOSPA QHELQACHISQ

²¹ Chaywanpis sutiyki yupaychasqa kananpaj, ama qhesachawaykuchu ari, amataj Jerusalenpi jatunchasqa kamachinayki tiyanata pisipaj qhawaychu. Yuyarikuy ari noqaykuwan tratota ruwasqaykimanta. Amapuni trato ruwasqaykita p'akiychu.

Jeremías 14:21 ပူးပေါင်းရင်းမြစ်များ

Salmos 106:40

Chayrayku Señorqa ayllumpa contranta phiñakorqa, paykunatataj qhesacharqa.

Salmos 106:45

Paykunawan trato ruwasqanmanta yuyarikorqa, sonqontataj nanachikorqa, munakuynin may jatun kasqanrayku.

Salmos 145:11

Rey kasqaykej atiyninmanta parlachunku, atiyniykimanta parlachunku.

Salmos 25:11

Jatun sutiykirayku Señor, jatun juchayta pampachapuway.

Salmos 51:11

Ama qanmanta karunchawaychu, amataj Santo Espirituykita qhechuwaychu.

Éxodo 32:13

Yuyarikuy ari, ima tratotachus ruwasqaykita kamachisniyki Abrahamwan, Isaacwan, Israelwan ima. Qan chayta ruwashaspa nerqanki: Noqa mirayniykichejta mirachisaj qoyllurkunata jina, kay jallp'ata qosaj mirayniykichejman imatachus qosaj nisqayman jina, paykunataj chayaqenkupaj wiñaypaj jap'ikunankupaj.

Isaías 62:6

Jerusalén, perqasniyki patasman qhawajkunata churani. Mana sayk'uspa tuta p'unchay ninkupuni: Señormanta yuyarikojkuna ama sayk'upuychejchu, nispa.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

Jeremías 14:7

Señor, juchasniykupis ch'ataykuwachuyku, ruway ari sutiyki may jatunchasqa kasqanrayku! Ashkha kutista qanmanta t'aqakorqayku, contraykipi juchallikorqayku.

Jeremías 17:12

Diosninchejta yupaychana waseqa Diospa tiyakunanmin, qallarikuymantapacha mayu pataman oqharisqataj.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Lamentaciones 1:10

Enemigosqa Jerusalempata k'acha imasninta jap'ikaporqanku. Jerusalén llajtaqa rikorqa Dioswan parlana wasinman mana creej runas ujllata junt'aykushajta. Chay runastaqa kamacherqanki Señor Dioswan parlana wasiykiman ama yaykunankuta.

Lamentaciones 2:20

Pitachus kay jinata ruwasqaykitaqa khuyariy ari Señor. Kay warmisqa wijsankumanta llojsisqa wawasninkuta mikhullanqankuchu, chay juch'uy wawasninkuta ima? Dioswan parlana cheqapi sacerdoteswan, profetaswanqa wañurachisqaschu kanqanku?

Ezequiel 20:22

Sutiyrayku makiyta mana churarasqanichu, chay jallp'api tiyakoj runakunaj ñaupaqeypi ama p'enqaypi rikhurinayrayku. Paykuna rikuwarqanku, imaynatachus Egiptomanta orqhosqayta.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

Daniel (hebreo) 9:7

Señor, qan cheqampuni kanki. Noqayku judiosqa p'enqaypi rikhuriyku: Jerusalempi tiyakojkuna, jinallataj israelitas, qaylla llajtaspi, chayri, karu llajtaspi tiyakojkunapis. Paykunata qan chay karu llajtasman wijch'orqanki, contraykipi sayarisqankurayku.

Amós 6:8

Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.

San Lucas 1:72

Dios khuyarqa, tatasninchejta yuyarikuspa, sumaj tratonta paykunawan ruwasqanmanta.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

Efesios 2:7

Kayta ruwarqa, jamoj p'unchaykunapi qhapaj khuyakuyninta, munakuynintawan noqanchejpaj Cristo Jesuspi rikuchinampaj.

Deuteronomio 32:19

Chayta rikuspa Señorqa mayta phiñarikorqa, qhesacharqataj qhari wawasninta, warmi wawasninta ima.

Apocalipsis 11:2

Temploj jawampi kaj patiota saqellay. Ama midinkichu; imaraykuchus gentilesman qosqa kashan, pikunachus ajllasqa llajtata, tawa chunka iskayniyoj killata saronqanku.

1 Samuel 12:22

Señorqa sutinta jatunchanarayku mana saqesonqachejchu imaraykuchus payqa munan qankunaqa ayllumpuni kanaykichejta.