Jeremías 14:16 - Qheshwa Biblia DC

¹⁶ Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

DIOSPA QHELQACHISQAN DEUTEROCANONICAL

¹⁶ Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

DIOSPA QHELQACHISQ

¹⁶ Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 14:16 ပူးပေါင်းရင်းမြစ်များ

Proverbios 1:31

Mana kasukusqaykichejrayku ñak'arinkichej, sajra ruwayta yuyasqaykichejwan amichikunkichej.

Isaías 51:20

Wawasniykeqa yarqhaywan llauch'iyaspa tukuy ñan pataspi wijch'urakorqanku. Tojllapi jap'isqa tarukas jina. Señorpa k'ajaj phiñakuyninwan jasut'isqas, Diosniykej k'amisqanwan ima.

Isaías 9:16

Chay llajtata kamachejkunaqa ch'aukiyajkuna kanku, kasojkunataj chinkapunku.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 18:21

Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

Jeremías 20:6

Qanrí, Pasur, tukuy aylluykiwan khuska Babiloniaman wijch'usqallataj kanki. Chaypi wañumunki, chayllapitaj p'ampasonqanku, qanta, tukuy kausaqesniykitawan, pikunamanchus qan llullakuspa profeta jina sut'incharqanki.

Jeremías 27:15

Señorqa nimpuni paykunata mana kachamusqanta. Paykunaqa Señorpa sutimpi llullakuspalla parlanku; ajinamanta Señorqa ch'eqerachispa tukuchisunkichejpuni, qankuna jina chay llullata nejkuna profetas wañonqanku.

Jeremías 4:18

Purisqasniyki, ruwasqasniykitaj, kay imaschus qhatirisunki chaytaqa apamun, juchasniykirayku kay jatun llakiykunaqa jamun, chaytaj sonqoykita mayta nanachisunki.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Jeremías 7:33

Chay runaspa ayasnintaqa suwintus, sajra animales ima mikhonqanku, nitaj pipis chaykunata mancharichej kanqachu.

Jeremías 8:1

Señorqa nin: Kay p'unchaykunapimin reyespa tullusninkuta p'ampasqas kasqankumanta orqhonqanku, chantá Judáj kurajkunasnimpata, sacerdotespata, profetaspata, jinallataj Jerusalempi tiyakojkunajtawan.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Jeremías 9:20

Warmis, uyariychej Señorpa nisqanta, parlasqanta allintapuni uyariychej, warmi wawasniykichejman waqayta yachachiychej. Warmi masisniykichejmampis kay jinata waqayta yachachiychej:

Jeremías 9:22

Runaspa ayasninkutaj pampaman wijch'usqas wanu jina kanku. Jinallataj, imaynatachus trigoj umasnin ruthojpa qhepampi t'akakun, manataj pipis chajmanchu ajinata. Señormin chayta nin.

Ezequiel 39:14

Chay qanchis killa pasasqanmantapis, uj t'aqa runasta kachanqanku, mana p'ampasqa ayasta tarispa p'ampamunankupaj, ajinamanta jallp'ata llimphuchanankupaj.

Amós 7:17

Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.

San Mateo 15:14

Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

Apocalipsis 16:1

Templomanta sinch'ita parlamojta uyarerqani, qanchis angelesmantaj nerqa: Riychej, jich'amuychej jallp'aman Diospa k'aja phiñaynimpa chay qanchis vasosmanta.