Jeremías 13:27 - Qheshwa Biblia DC

²⁷ Qhenchachakuypi purisqasniykita rikuni, chay p'enqayta qhenchachakuypi purisqasniykita, chay millachikuna kajkunata ruwasqasniykita, chay orqospi, jinallataj campospipis. Ay, imachus kanqa qanmanta Jerusalén! Mayk'ajkamataj millay ch'ichi puriykunaspi callenkipuniri?

DIOSPA QHELQACHISQAN DEUTEROCANONICAL

²⁷ Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

DIOSPA QHELQACHISQ

²⁷ Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 13:27 ပူးပေါင်းရင်းမြစ်များ

Salmos 94:4

Chay sajrata ruwajkuna, wapu wapus mana kasukoj kanku, mana kaj ch'ajollislla kanku.

Salmos 94:8

Unanchaychej wampu runas, jayk'ajkamataj yuyayniykichejman mana kutirinkichejchuri?

Proverbios 1:22

Mana ima yachajkuna, mayk'ajkamataj mana ima yachajllapuni kankichejri? Mayk'ajkamataj alqochakullankichejpuniri? Wampus, mayk'ajkamataj yachaytaqa chejninkichejri?

Isaías 57:7

Jatuchaj orqo puntaspi qanqa puñunata wakichikamunki, chaykama qanqa wicharinki uywa wañuchisqata jaywanaykipaj.

Isaías 65:7

Chantá Señorqa nillantaj: Juchasniykichejrayku, ñaupa tatasniykichejpa juchasninrayku ima, paykunaqa orqo puntaspi inciensosta ruphacherqanku, jinallataj loma pataspipis. Chayrayku noqaqa ñaupa juchasniykichejman jina pagota qopusqaykichej. Señorqa chayta nerqa.

Jeremías 11:15

Israel, munasqa kausaqeyqa, imatataj mask'an yupaychana wasiypi chay tukuy millay imasta ruwaytawanri? Yuyanchu wira aychasta jaywawasqanwan, ñak'ariykunata paymanta ayqechinayta? Paytaj ayqeyta atinmanchu?

Jeremías 3:6

Rey Josiaspa p'unchaykunasnimpi Señor niwarqa: Rikunkichu mana kasukoj Israel ayllu imatachus ruwasqanta? Rispa chay jatun orqos patapi, juch'uy orqos patapipis riytawan, qhenchachakuyman qokaporqa, jinallataj tukuy ch'ampa sach'as urapipis.

Ezequiel 16:23

Chayta noqa Señorqa nini: Way, way qanmanta! Tukuy sajra imasta ruwasqasniykimanta qhepata, tukuynin ch'usaj cheqaspi uj altarta ruwakorqanki lantista yupaychanaykipaj.

Ezequiel 2:10

Ñaupaqeypi chay k'uyusqa librota kicharerqa. Chaytaj puraj uyampi qelqasqa karqa: Sonqo nanaywan, qhapariykunawan, ayqoykunawan ima.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Ezequiel 24:12

Chay tukuywampis manapuni llojsinchu chay chhika ch'ichichakusqanqa, ninawampis manapuni llojsinchu.

Ezequiel 24:13

Jerusalén, chay jina millay ch'ichichakusqasniykita llimphuchasuyta munarqani, qantaj manapuni llimphuchakorqankichu, llimphoqa kanki maypachachus noqa phiñakuyniyta qampi thasnusaj chaypacha.

Ezequiel 24:6

Señorqa kay jinata nin: Way, kay runa wañuchi llajtamanta! Millay kharkachasqa mankaman rijch'akun, chay kharkantaj mana mayllana jina. Qan orqhoy chay t'unasqa aychata ujmanta uj, ama ujta puchuchispa.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Ezequiel 36:37

Atiyniyoj Señorqa kay jinata nin: Israel aylloqa mask'awanqaraj aswan imasta ruwapunaypaj. Chayrayku aswan ashkhata runasninta mirachisaj, ovejas miranku ajinata.

Ezequiel 6:13

Maypachachus runa wañurasqasta rikunkichej lantisniykichej chaupipi, altarespa muyuynimpi, chantá alto lomas patapi, lomaspa kinraykunasnimpi, jinallataj q'omer sach'as urapi, encinas nisqa thansarara sach'as urapi, chantá maypichus tukuy lantisniykichejman inciensota jaywarqankichej chay tukuynejpitaj, chaypacharaj yachankichej noqa Señorqa kasqaytaqa.

Oseas 1:2

Señor kay jinata parlayta qallarerqa imastachus Oseasnejta willayta munasharqa chayta: Israel jallp'aqa qhenchachakun noqamanta t'aqakusqanrayku. Ajinallatataj qampis riy warmillikamuy uj sajra purej qhencha warmiwan, wawallikuytaj chay warmiwan, jinamanta qhencha warmej wawasnin kanqanku; nispa.

Oseas 4:2

May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

Oseas 8:5

Qan, Samaria, chay yupaychasqayki waka uñata millachikuni. Phiñakuyniy k'ajarin paypa contrampi. May unaypirajchus llimphuchakuyta atenqankupis, israelitasqa ari? Samariaqa, chay waka uñaqa mana Dioschu! Chayqa uj runaj makisnillanmanta llojserqa; chayraykumin phirisqa kanqa.

Sofonías 3:1

Way qanmanta Jerusalén, mana kasukoj llajta, ch'ichichasqa, mana khuyakuyniyojtaj.

San Mateo 11:21

Nerqataj: Ay qanmanta, Corazín llajta! Ay qanmantapis Betsaida llajta! Tiropi, Sidompi imatajchus milagros qankuna ukhupi jina, ruwakunman karqa chayqa; maypachaña paykunaqa Diosman kutirikunkuman karqa, ushpharara qhashqa p'achata churakuspa.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.

2 Corintios 7:1

Munakusqasníy, imatachus Dios qosqaykichej nisqanqa tiyapuwanchej; chayrayku cuerponchejta, espiritunchejtapis llimphuchakuna tukuy ch'ichi kajmanta. Diosta manchachikuspa juchamanta t'aqakuna tukuy atisqanchejta.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Apocalipsis 8:13

Rikorqanitaj uj angelta, janaj pachaj chaupinta phawashajta, uyarerqanitaj nejta: Ay, ay, ay, jallp'api tiyakojkunamanta! Chay kinsa angelesqa, trompetasta waqachinankuraj tiyan, nispa.