Jeremías 13:22 - Qheshwa Biblia DC

²² Sichus qan tapukunki imaraykuchus kay imas qhatirisusqanta chayqa, allinta yachay chay jatun juchasniykirayku kasqanta. Chayraykumin p'achaykita ch'uskisunku, chantá qhesachasorqankutaj.

DIOSPA QHELQACHISQAN DEUTEROCANONICAL

²² Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

DIOSPA QHELQACHISQ

²² Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 13:22 ပူးပေါင်းရင်းမြစ်များ

Isaías 20:4

Ajinata Asiria reyqa, Egiptopi kajkunatawan, Etiopiapi kajkunatawan, wayna runasta, jinataj machu runastawan q'alasllata apachenqa, mana ujut'asniyojta, q'ara sikispachata, Egipto p'enqakunampaj jina.

Isaías 3:17

Chayrayku Señorqa chay warmispa umasninkuta q'ara t'ojlullata ruwanqa p'enqayninkutataj q'alallata rikhurichenqa.

Isaías 47:8

Chayrayku, kunanqa uyariy kayta, k'anchilla warmi. Kamachinaykipi kunanqa sumaj sumajta tiyarishanki, sonqoykipitaj nishayki: Noqalla kani. Noqamanta astawan wajqa mana kanchu. Mana noqaqa viudachu kasaj, manataj wawasniypis wañonqankuchu, nispa.

Jeremías 13:26

Noqapis qanta q'alallata sayachisqayki, p'enqayniykita rikhurichisqayki.

Jeremías 14:16

Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

Jeremías 5:19

Maypachachus tapusonqachej: Imaraykutaj kay tukuyta Señor Diosninchej ruwawarqanchejri?, nispa chayqa kay jinata kutichiychej: Imaynatachus Señorta saqerparispa, kikin jallp'aykichejpi yupaychaj kankichej, chay mana rejsisqa dioskunata, ajinallatataj sirvinaykichej kanqa waj llajtayoj mana rejsisqa runata.

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Ezequiel 23:26

P'achasniykita lluch'usonqanku, k'achanchakuna imasniykitapis qhechusonqanku.

Oseas 12:8

Efraenqa nin: Qhapajyaykuni, allin kaj qhatiriwan, jinapis ni pi ch'atanawan kanqachu chay gananciasniyta llullakuspa tarisqaymanta!

Oseas 2:10

Qharisnimpa ñaupaqempi q'alallata rikhurichisaj. Ni pitaj makiymantaqa kacharichiwanqachu!

Oseas 2:3

Mana chayqa imaynatachus nacerqa chay p'unchaypi jina q'alallata saqesaj, ch'aki jallp'a ch'in pampaman tukuchisaj, yaku ch'akiywantaj wañuchisaj.

Oseas 2:5

Maman qhenchachakorqa, honranta t'akarqa kay jinata nispa: Risaj mask'amusaj munasqasniyta, paykuna qowanku t'antayta, ujyanayta, millmayta, linoytapis, chantá aceiteyta ujyanasniytapis.

Nahúm 3:5

Tukuy Atiyniyoj Señor nillantaj: Qhaway, noqa contraykipi kashani: P'achaykita uyaykikama q'ollurisqayki naciones q'ara ukhuykita rikunankupaj, reinospis p'enqayniykita rikunankupajtaj.

Sofonías 1:12

Jaqay p'unchaykunapi uj k'anchanata jap'isaj, Jerusalentataj sumajta qhawaykusaj. Chaypachaqa runasta jasut'isaj pikunachus tiyallanku ñaupa vino jina, chaykunata mana ima llakiyniyoj kashanku chaykunatawan. Paykunaqa sonqonkupi nishanku: Señorqa mana imatapis ruwanqachu. Señorqa allin kajta, nitaj mana allin kajtapis ruwanqachu.

Deuteronomio 18:21

Ichapis sonqoykichejpi niwajchej, imaynapitaj yachasqayku chay palabraqa mana Señorpa palabran kasqantari?, nispa.

Deuteronomio 7:17

Ichapis sonqoykichejpi yuyankichej: Kay nacionesqa noqaykumanta aswan ashkha, imaynamantataj qharqosunmanri?, nispa.

Deuteronomio 8:17

Ama sonqoykichejpi yuyankichejchu: Noqanchejpa atiyninchejrayku sumajta llank'asqanchejrayku kay tukuy qhapajyayqa tiyapuwanchej, nispa.