Jeremías 13:10 - Qheshwa Biblia DC

¹⁰ Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

DIOSPA QHELQACHISQAN DEUTEROCANONICAL

¹⁰ Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

DIOSPA QHELQACHISQ

¹⁰ Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 13:10 ပူးပေါင်းရင်းမြစ်များ

Salmos 78:8

amataj ñaupa tatasninku jina kanankupaj: Wampus, Diospa contranta oqharikojkuna, sonqonkupitaj iskayta yuyajkuna, Diosta mana kasukoj runa mitas.

Eclesiastés 11:9

Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

Isaías 3:24

Chaypachaqa q'apaj imaspa cuentamantaqa asnaylla kanqa; chumpej cuentanmantaqa uj panoqalla kanqa; sumaj simp'asqa kananmantaqa p'ajla umalla kanqa; sumaj p'acha cuentanmantaqa uj qhasqa p'achalla kanqa; k'achita kananmantaqa, millay ruphasqa uya kanqa.

Jeremías 11:10

Ñaupa tatasninku juchasta ruwasqallankumantaj kutiykapunku. Paykunaqa mana kasuwarqankuchu. Chayrayku waj dioskunata yupaychaj churakorqanku. Israel, jinataj ñaupa tatasninkuwan tratota ruwasqayta p'akerqanku.

Jeremías 11:18

Señorqa willawarqa enemigosniy ima sajratachus ruwanawankupaj wakichikushasqankuta. Pay ñawisniyta kichariwarqa chay tukuyta rikunaypaj.

Jeremías 13:7

Eufrates mayuman rispataj, mask'arqani maypichus pakaykorqani chay cheqata. Chay chumpitaj allin imusqaña kasqa, manañataj ni imapaj allinchu karqa.

Jeremías 16:12

Qankunataj paykunamanta aswan mana allinta ruwajkuna kankichej, sapa ujniykichej mana kasukuspa sonqoykichejpa sajra munayninman jinalla ruwarqankichej, manataj noqaqa kasuwarqankichejchu.

Jeremías 16:4

Wañonqanku millay sinch'i onqoykunawan, mana pipis paykunamanta waqanqachu, nitaj p'ampajkuna kanqachu, pampapi wanu jina wijch'urasqas qhepakonqanku. Maqanakuykuna paykunataqa tukuchenqa. Ayasninkutataj chay aycha mikhu phawajkunawan, monte animaleswan mikhonqanku, nispa.

Jeremías 20:4

Señorqa nisunki: Qan kikiyki mayta mancharikunaykipaj jina ruwasqayki, jinataj tukuy kausayniykipajpis; rikunaykita kausaqesniyki enemigosninkoj espadanwan wañuchisqas kanqanku. Tukuy Judapi kaj tiyakojkunatataj Babilonia reypa makisninman jaywaykusaj, payta jallp'aykichejmanta Babiloniaman apasonqachej, chayri cuchillowan wañurachisonqachej.

Jeremías 22:21

Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

Jeremías 23:17

Pichus palabrayta qhesachajkunata ninku: Tukuy ima allillan risonqachej, nispa. Pischus ruwallankupuni rumi sonqonkoj munasqanman jina, chaykunatapis ninku: mana ni ima sajra kajqa jamusonqachejchu, nispa.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 44:5

Jinapis qankunaqa nisqayta mana ruwarqankichejchu, nitaj kasuwarqankichejchu. Juchasta saqenaykichejtaqa, inciensosta waj dioskunallaman q'osñichinkichej.

Jeremías 5:23

Qankunaj sonqoykichejri ancha rumiyasqa, mana kasukojtaj, saqerpayawaspataj riporqankichej.

Jeremías 7:13

Jinapis kutin kutinta willarqaykichej imaynatachus purishasqaykichejmanta, qankunataj mana kasuyta munawarqankichejchu, nitaj kutichillawankichejpischu. Noqa Señor chayta nini.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Jeremías 9:13

Señortaj kutichin: Kay tukoyqa qhatirisunkichej, qorqaykichej chay yachachiykunasniyta saqerparisqaykichejrayku, mana kasuwarqankichejchu nisqasniyta mana ruwaspa.

Jeremías 9:14

Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

Jeremías 9:6

Señor nillantaj: Qhepampi qhepampi mana allin ruwaylla, qhepampi qhepampi llullakuylla, aylloyqa mana rejsikapuyta munawanchu.

Números 14:11

Señortaj Moisesman nerqa: Mayk'ajkamataj kay runasqa noqata qhesachawanqankuri? Mayk'ajkamataj mana creewanqankuchu, paykunaj chaupinkupi rikushajtinku milagrosta ruwashajtiypisri?

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.