Jeremías 12:5 - Qheshwa Biblia DC

⁵ Chakipi purejkunawan churakuspa mayta sayk'unki chayqa, caballospi rejkunawan imaynatataj atipanakuwajri? Mana ima ch'ajwajniyoj jallp'api, mana walejchu kanki chayqa, imanankitaj chay sach'ararasniyoj Jordampiri?

DIOSPA QHELQACHISQAN DEUTEROCANONICAL

⁵ Chantá Diosqa Jeremiasta nerqa: Sichus chakipi rej soldadokunaj qhepanta t'ijurispa sayk'unki chayqa, caballokunapi rejkunawan imaynatataj atipanakuwajri? Sichus ni imamanta manchachikuna pampapi manchachikorqanki chayqa, imanakuwajtaj Jordán mayu kantupi ch'umi ukhupi rikhurispari?

DIOSPA QHELQACHISQ

⁵ Chantá Diosqa Jeremiasta nerqa: Sichus chakipi rej soldadokunaj qhepanta t'ijurispa sayk'unki chayqa, caballokunapi rejkunawan imaynatataj atipanakuwajri? Sichus ni imamanta manchachikuna pampapi manchachikorqanki chayqa, imanakuwajtaj Jordán mayu kantupi ch'umi ukhupi rikhurispari?

Jeremías 12:5 ပူးပေါင်းရင်းမြစ်များ

1 Crónicas 12:15

Kaykuna Jordán mayuta chimparqanku chay ñaupaj kaj killapi, maypachachus mayu junt'a yaku wasaykurispa correshajtin. Chaypacha chay tukuy vallespi kajkunataj ayqerqanku inti llojsimuynej ladoman jinataj inti yaykuynej ladomampis.

Salmos 42:7

Ukhu wayq'ospi yakoj phajchasqan sinch'ita uyarikun, kay chimpaman, jaqay chimpaman. Yaku apachimusqaykita patayta phullchimun.

Proverbios 24:10

Sichus qan llank'ana kashajtin qhellayanki chayqa, kallpayki astawan pisiyanqa.

Proverbios 3:11

Señorpa k'amisusqantaqa amapuni qhesachaychu, wawáy. Ama amichikuychu Pay imatachus nisusqanwanqa,

Jeremías 11:21

Anatotmanta kaj runasman, pikunachus wañunayta munarqanku, kamachiwarqankutaj mana parlanayta Señorpa sutimpi ama wañuchisqa kanaypaj, Tukuy Atiyniyoj Señor nin: Qankunawan pagachikunay kanqa: Wayna kaj runas wañonqanku maqanakupi chaykunaj qhari wawasninku, warmi wawasninkutaj yarqhaywan wañonqanku.

Jeremías 26:8

Señorpa kamachisqanmanta parlayta tukojtinkamataj, sacerdotes, profetas, tukuy llajtapi kaj runaspis, kay jinata nispa: Wañunaykipuni tiyan nispa, jap'iykorqanku.

Jeremías 36:26

Manachayqa reypa ayllun Jerameelta, Azrielpa wawan Seraiasta, Abdeelpa wawan Selemiasta ima kamacherqa jap'ispa presochanankuta Jeremiasta, qelqerin Baructawan. Señortaj paykunata pakaykorqa.

Jeremías 49:19

Mana yuyasqaykichej ratopi jamusaj, imaynatachus uj león llojsimun Jordán mayu cantopi ch'umimanta ajinata, maypicharí q'omer pastos kashanku chayman. Edonmanta kajkunatataj chaymanta ayqechisaj, pitacharí noqa ajllasaj chayta kamachinampaj churasaj. Pitaj noqaman ninakuyta atinmanri? Pitaj noqaman sayaykuyta atinmanri? Mayqen michejtaj ñaupaqeyman churanakoj jamuwanmanri?

Jeremías 50:44

Imaynatachus uj león Jordán mayu qhoras ukhumanta llojsimuspa q'omer pastorman phinkiykun, ajinata noqapis jamusaj, Babiloniamanta kajkunatataj chaynejmanta ayqechisaj, noqa ajllakusqay runaswantaj kamachichisaj. Pitaj noqaman kikinchakuyta atinmanri? Pitaj maqaj sayaykuwanmanri? Mayqen michejtaj ñaupaqeyman sayaykamuwanmanri?

Josué 3:15

Sacerdotes mayuman yaykusqankutawan, yaku cantoman saruykusqankutawan chakisninku joq'ochakojtinkama. Cosecha tiempota Jordán mayoqa wasarejpuni.

1 Pedro 4:12

Munakusqasníy, ama t'ukuychejchu nina larwaypi jina ñak'arisqaykichejmanta; mana rejsisqapis kanman jina.