Jeremías 12:15 - Qheshwa Biblia DC

¹⁵ Jinapis, wijch'uytawankamaqa paykunamanta khuyakullasajtaj wasisninkuman kutichimuspa, kikin jallp'ankuman.

DIOSPA QHELQACHISQAN DEUTEROCANONICAL

¹⁵ Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

DIOSPA QHELQACHISQ

¹⁵ Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Jeremías 12:15 ပူးပေါင်းရင်းမြစ်များ

Jeremías 16:15

Manachayqa ninkichej: Señorpa kausayninrayku, pichus israelitasta wichay jallp'amanta orqhomorqa, jinataj chay tukuy maymanchus ch'eqerachisqas karqankichej chay jallp'asmantapis. Noqa ruwasaj qankuna jallp'aykichejman kutimpunaykichejta, chay ñaupa tatasniykichejman qorqani chay jallp'asman.

Jeremías 24:6

Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 3:12

Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Jeremías 48:47

Jinapis tukukuypiñaqa noqa Moabpa runasninta kutichimpusaj. Noqa Señor chayta nini. Kaymin chay Moabpa contrampi Señorpa jasut'iynenqa.

Jeremías 49:39

Jinapis jamoj p'unchaykunapeqa mana aswan allinman noqa tukuchisaj, Elam runasta llajtankuman kutichimpusaj. Noqa Señor chayta nini.

Jeremías 49:6

Chantá qhepamanqa Amón allajtaj runasninta kutichimpusaj. Noqa Señor chayta nini. Edomitaspa contrampi willay.

Daniel (hebreo) 11:4

Pay sayarejtinkamataj, jatun nacionnin t'ustisqa kanqa, tawamantaj t'aqasqa kanqa. Chay reypa atiynenqa mirayninman mana qosqachu kanqa, manataj jatun nacionnimpis chhika atiyniyojchu kanqa ñaupajta jinaqa. Chaypajqa paymanta qhechusqaña kanqa, wajkunataj kamachenqanku paypa cuentanmanta.

Amós 9:14

Chaymanta karu llajtaman wijch'usqamanta Israel aylluyta pusakampusaj. Watejmanta sayarichenqanku t'unasqa llajtankuta, chaypitaj tiyakonqanku; watejmanta uvaskunata plantanqanku, vinotataj ujyanqanku. Chaymanta huertasta ruwanqanku, chaykunapi poqojtataj mikhonqanku.

Números 32:18

Noqaykoqa kutimpusqayku maypachachus israelitas paykuna kikinkupaj jallp'ata jap'ikojtinkuraj.

Deuteronomio 3:20

Qankunaqa israelita wauqesniykichejwan khuska rinaykichej tiyan, Jordán mayu chimpapi Señor Diosniykichej paykunaman jallp'ata qonankama qankunaman jina, chaymantaraj qankunaqa kutimpunkichej qorqaykichej chay jallp'asman.

Deuteronomio 30:3

Chaypacha Señor Diosniykichejqa kutichimonqa karu llajtasman apasqasta, khuyakusonqachejtaj. Ujtawantaj tantamusonqachej chay tukuy nacionesmanta, maykunamanchus wijch'usorqachej chaykunamanta, kay mundoj cantonkamapis ch'eqerasqa kashajtiykichej. Chaykunamantapacha Señor Diosniykichejqa kutirichimusonqachej.