Jeremías 12:12 - Qheshwa Biblia DC

¹² Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

DIOSPA QHELQACHISQAN DEUTEROCANONICAL

¹² Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

DIOSPA QHELQACHISQ

¹² Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

Jeremías 12:12 ပူးပေါင်းရင်းမြစ်များ

Isaías 34:6

Señorpa espadanqa sumaj yawarchasqa, wiranchasqataj kashan, imaynatachus ovejasta, cabrastapis rikuchikuspaj wañuchinku ajinata. Señorqa uywa wañuchisqa jaywakuta Bosra llajtapi ruwanqa, jinamanta ruwanqa uj jatun ñak'arakuta Edom llajtapi.

Isaías 57:21

Sajra runaspajqa mana sonqo tiyakuy kanchu, nin Señorqa.

Jeremías 15:2

Sichus tapusunkuman: Maymantaj risqaykuri?, nispa chayqa, kay nisqaymanta paykunaman willay: Onqoywan wañunanku kajqa onqoywan wañuchunku. Maqanakupi wañunankupaj kajkunaqa, maqanakupi wañuchunku. Yarqhaywan wañunankupaj kajkunaqa, yarqhaywan wañuchunku. Jallp'ankumanta wijch'usqas kanku, kashan chaykunaqa, wijch'usqas kachunku.

Jeremías 16:5

Señorqa nillawarqataj: Ama yaykuychu maypichus uj wañusqa runamanta llakisqa kashanku chay wasiman; ama waqaychu, nitaj payrayku llakiyniykitapis rikuchiychu, imaraykuchus kay aylluymantaqa oqhariniña chay sonqo tiyasqa kayniyta, munakuyniyta, chanta khuyakuyniyta ima. Noqa Señor chayta nini.

Jeremías 25:11

Tukuy kay llajta phishqa kanqa, raqaykunasmantaj tukuchisqas kanqa. Qanchis chunka watas junt'ata kay naciones Babilonia reypa makisnimpi kanqa.

Jeremías 3:2

Lomasta allinta qhawariy: Maynejpitaj qampa qhenchachakusqayki mana kanchuri? Ch'in pampaspi árabe warmi jina chukuykuspa qharisniykita ñan cantospi suyaj kanki. Kay llajtata ch'ichichakusqasniykiwan, sajra ruwasqasniykiwantaj qhenchacharqanki.

Jeremías 3:21

Ch'in orqospi qhapariykuna uyarikun: Chaykunaqa kanku khuyakuyta mañakuspa israelitaspa waqaynin. Cheqan ñanmanta t'aqakaporqanku, noqa Señor Diosninkutataj qonqakapuwarqanku.

Jeremías 34:17

Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

Jeremías 4:27

Señorqa nin: Tukuy jallp'antin q'arasqa kanqa, chaywampis mana tukuynintapunichu chinkachisaj.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Jeremías 47:6

Ay, Señorpa espadan, mayk'ajkamallataj samarikunkiri? Jallch'anaykiman yaykupuy, amaña kuyukuspa kakuy.

Jeremías 48:2

Moab llajtaj runaykachaynenqa tukukunña. Hesbón llajtapi enemigosnenqa umachakuspa wakichikunku, Moabta imaynamantachus chinkachinankuta. Qampis, Madmén phirisqallataj kanki, maqanakupis qhepallaykitapuni jamonqa.

Jeremías 8:15

Aswan allimpi kayta suyarqanchej, manataj ima allimpis chayamuwarqanchejchu. Kausayta mancharikuyllata suyarqanchej.

Lamentaciones 3:17

Almayqa imachus sonqo tiyakuymanta karunchakun, allin kajkunatapis qonqapuni.

Ezequiel 14:17

Sichus chay nacionman ch'ajwata chayachimuyman, kamachiymantaj runas, jinallataj animalespis wañuranankuta. Chay kinsa runas chaypi kausashankuman chaypis, manapuni salvayta atinkumanchu, qhari wawasninkuta, nitaj warmi wawasninkutapis, paykunalla kinsantinku salvakunkuman. Noqa Señormin kausayniyrayku jurani.

Ezequiel 21:28

Runa, imaschus sutiypi jamunankumanta willaray; chay amonitasman niy: Israelpa contranta parlanku chay amonitaspa contranta Señorqa kay jinata nin: Espadaqa jallp'amanta orqhosqaña kashan amonita runasta ruwarachinampaj, llosq'ochasqataj lliphipirinampaj t'unaykunampajtaj.

Ezequiel 21:4

Arí, cuchilloytaqa jallch'ananmanta orqhosajpuni juchayojta mana juchayojta ujllapi wañurachinaypaj, wichaynejmantapacha uraynejkama.

Ezequiel 21:8

Señorqa parlamuwaspa niwarqa: Runa, imachus chayamunanmanta parlay, sutiypi kay jinata niy: Señorqa nin: Cuchillo, cuchilloqa afilasqaña kashan, lliphipirishantaj.

Ezequiel 5:2

Llajtata muyupayana junt'akojtintaj kinsaman t'aqasqa chujchasmanta uj kajta llajta chaupipi nanawan ruphachinki. Uj cuchillota jap'iy, chaywantaj chay kinsa t'aqamanta uj kaj t'aqa chujchasta llajtaj muyuynimpi k'uturanki. Uj kaj t'aqa chujchastataj wayrawan apachinki. Paykunaj qhepantataj noqa espada oqharisqa risaj.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Amós 9:4

Waj llajtasmanchus enemigosninkunejta apachisqas kanqanku chayqa, chayman espadayta kachasaj wañurachimunampaj. Ñawisniywantaj paykunata qhawasaj mana chinkachispa sajrapaj, manataj allin rinampajchu.

Sofonías 2:12

Ajinallataj qankunapis Etiopiamanta kajkuna, Señorpa espadanwan t'ojsisqas wañonqanku.

Deuteronomio 32:42

T'ojsinasniyta yawarman chhapusaj. Espadayqa aychawan sajsakonqa. Wañusqaspa yawarninman, presochasqaspa yawarninman ima chhapusaj. Espadayqa enemigosniypa umasninkuwan sajsakonqa.

Apocalipsis 6:4

Uj puka caballotaj llojsimorqa. Chaypa patampi lloq'asqa kajmantaj atiyta qorqanku, sonqo tiyakuyta jallp'a patamanta qhechunampaj, ujkuna ujkunataj wañuchinakunankupaj, uj jatun espadatataj payman qorqanku.