Jeremías 11:20 - Qheshwa Biblia DC

²⁰ Qanrí Tukuy Atiyniyoj Señor, uj cheqan juez kanki; qan rejsinki tukuy runaj sonqonta imaynachus kasqanta. Rikuchiway imaynatachus chay runasta jasut'inki chayta, makisniykiman churamuni noqamanta kaj ruwana imasta.

DIOSPA QHELQACHISQAN DEUTEROCANONICAL

²⁰ Chantá noqaqa Tata Diosman kay jinata parlarikorqani: Ay, Tukuy Atiyniyoj Tata Dios, qanmin cheqan juez kanki. Qanlla runaj sonqon ukhuta allinta qhawaspa, imaynachus kasqanta yachanki. Chantá imaynatachus runakunata millay ruwasqankumanta jasut'isqaykita rikuchiway, imaraykuchus qanllapi atinikuni.

DIOSPA QHELQACHISQ

²⁰ Chantá noqaqa Tata Diosman kay jinata parlarikorqani: Ay, Tukuy Atiyniyoj Tata Dios, qanmin cheqan juez kanki. Qanlla runaj sonqon ukhuta allinta qhawaspa, imaynachus kasqanta yachanki. Chantá imaynatachus runakunata millay ruwasqankumanta jasut'isqaykita rikuchiway, imaraykuchus qanllapi atinikuni.

Jeremías 11:20 ပူးပေါင်းရင်းမြစ်များ

Génesis 18:25

Señor, tukuchinaykeqa mana allinchu kanman, mana juchayojta juchasapastawan khuska, iskayninkupis juchallatapuni ruwankuman jina. Ama chayta ruwaychu ari. Qan kanki kay mundontinta cheqanchaj, chayrayku, manachu cheqan kajtapuni ruwanayki tiyan?

2 Reyes 19:14

Ezequiastaj chay kachasmanta carta qelqasqasta jap'erqa. Chayta leespataj Señorpa wasinman wicharerqa, chaypitaj Ezequiasqa Señorpa ñaupaqenman churarqa.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

1 Crónicas 29:17

Noqa yachani, Diosníy, qanqa sonqosta allinta qhawanki, cheqan kajtaj qanta kusichisunki. Chayrayku cheqa sonqowan kay tukuyta jaywayki. Kunanqa kusiywan rikuni, kaypi tukuy aylluyki tantasqas jaywanasninkuta munakuywan apamususqankuta.

Job 5:8

Qan kaspaqa, Diosman kutiripuyman, Paypa makisninman tukuy llakiyniyta churayman.

Salmos 139:23

Diosníy, allinta sonqoyta qhawariway, yachay sonqoyta, tukuy yuyasqayta allinta yachaway.

Salmos 35:2

Maqanakuna p'achasta churakuspa, jark'akunatawan oqharikuspa yanapanawaykipaj jamuy.

Salmos 43:1

Justiciata ruwaway, Diosníy. Noqamanta sayakuwanku chay mana creej runasmanta. Sajra runamanta, llulla runamantawan libraway.

Salmos 57:1

Khuyakuway noqamanta, Diosníy. Khuyakullaway. Qampi pakakuyta mask'ani. Lijrasniyki urapi pakakuyta munani, chay jina llakiy pasanankama.

Salmos 58:10

Diosta yuyajkuna kusikonqanku sajra runata jasut'isqata rikuspa. Chakisnintataj yawarninkupi ch'aranchakonqa.

Salmos 7:10

Diosqa pakakunay, salvantaj llimphu sonqoyojkunata.

Salmos 7:8

Señor, qan runasman cheqan kajta ruwanki. Señor cheqanta ruwaway sumaj kausayniyman jina, llimphu kasqayman jina.

Salmos 7:9

Cheqan Dios, qan yachanki runaj sonqonta, yachallankitaj runaj yuyayninta. Chinkachiy sajra runaspa mana allin kayninkuta, astawanqa sinch'ita sayachiy cheqan sonqoyoj runata.

Salmos 98:9

Señorpa ñaupaqempi. Payqa jamushan kay pachata kamachej. Pay kamachenqa kay pachapi llajtasta, cheqan kaywan mana pantaspa.

Jeremías 12:1

Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

Jeremías 12:3

Qantaj, Señor, rejsiwanki, rikuwankitaj, yachankitaj qanwan imaynachus yuyayniypi kasqayta. Kay runasta apakapuy, ovejasta jina wañuyman qhatiykapuy, k'illpiykuy chay wañuchina p'unchaypaj.

Jeremías 15:15

Señor, qan tukuy imata yachanki, noqamanta yuyarikuy ari, jamuytaj yanaparinawaykipaj. Tukuy qhatiykachawajkunaman aynita kutichiy ari. Ama paykunata ch'inllamanta qhawakuychu noqata wañuchinawankukamaqa, qhaway qanrayku tukuy rimapayawasqasninkuta ñak'arishani.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Jeremías 17:18

Qhatiykachawajkunata p'enqaypi rikhurichiy. Paykunalla mancharikuchunku, amataj noqaqa. Paykunaj patankuman ñak'ariykunasta apachimuy, tukuyninkuta kutin kutinta phirirpariy.

Jeremías 20:12

Tukuy Atiyniyoj Señor, qanlla cheqan ñawiwan qhawawanki, qanmin rikunki runaj tukuy sonqonta, noqamampis rikuchiway imaynatachus chay runasta jasut'isqaykita; chayrayku makillaykiman kausayniyta churani.

Lamentaciones 3:58

Almaymanta qanqa Señor kutikuspa sayaykorqanki, kausayniytataj librawarqanki.

Lamentaciones 3:59

Qan rikushawanki, Señor, kajmanta mana kajmanta ñak'arichiwasqankuta; chayrayku, Señor, justiciata ruwaway ari.

Lamentaciones 3:64

Kunanqa, paykunaman kutichiy ari, Señor, imatachus ruwasqankuman jina.

Ezequiel 11:5

Señorpa atiynin yaykumuwarqa, niwarqataj: Kay jinata Señorqa nin: Kay jinata qankuna yuyashankichej, noqa yachani yuyaychakusqasniykichejta.

Hechos 17:31

Diosqa, uj p'unchayta wakicherqa, chaypitaj cheqa kayninman jina, tukuy kay pachapi runakunata juzganqa chay kachamusqan runanejta. Diostaj chayta tukuyman rikuchinña chay runata wañuymanta kausarichimuspa.

Filipenses 4:6

Ama imamantapis llakikuychejchu, astawanqa Dios yachachun tukuy ima mañakusqaykichejta, majakuspa, graciasta qospataj.

2 Timoteo 4:14

Herrero Alejandro ashkha sajra imasta ruwawarqa; paymantaj Señorlla kutichipuchun ruwasqasninman jina.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

1 Samuel 16:7

Señortaj nerqa: Ama allin rijch'ayninta qhawaychu, nitaj jatun kaynintapis, paytaqa noqa qhesachani. Runaqa k'acha kaynillanta qhawan, noqaqa mana runa jinachu qhawani, manachayqa sonqonta qhawani, nispa.

1 Samuel 24:15

Señorqa iskayninchejta cheqanchawasuchun. Pay yachachun noqamanta, paytaj jark'awachun qan reyniymantapis!