Jeremías 11:19 - Qheshwa Biblia DC

¹⁹ Noqa ch'inlla kakusharqani, imaynatachus uj corderota wañuchej apanku ajinata, mana yachaspa imatachus contraypi ruwayta munashasqankuta. Nisharqanku: Sach'ata k'utunachej, kunan kallpampi kashajtin; t'iranachej kay pachapi kausajkuna ukhumanta, manaña pipis paymanta ujtawan yuyarikunampaj.

DIOSPA QHELQACHISQAN DEUTEROCANONICAL

¹⁹ Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

DIOSPA QHELQACHISQ

¹⁹ Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Jeremías 11:19 ပူးပေါင်းရင်းမြစ်များ

Job 28:13

Chay jina valorniyoj yachay kasqanta, runaqa mana reparallampischu, nitaj kay mundopipis tarinchu.

Salmos 109:13

Miraynimpis tukukapuchun, sutintaj wiñaypaj chinkachun.

Salmos 112:6

Chayrayku, ni jayk'ajpis urmanqachu. Wiñaypaj yuyarisqapuni kanqa cheqan sonqoyoj runaqa.

Salmos 116:9

Noqaqa Señorpa ñaupaqempi purisaj, kay pachapi kausaj runaspa chaupimpi.

Salmos 142:5

Qanmanta qhaparikuyki Señor, niykitaj: Qan pakakunay kanki, tukuy kapuyneyqa qanlla kanki.

Salmos 27:13

Noqaqa Señorpa k'acha kayninta rikusajpuni kay kausaypi.

Salmos 31:13

Runas chhipinakusqankuta uyariyta atini. Tukuynejpi mana allinchu noqapajqa. Uj runa jinalla contraypi sayarinku, wañuchinawankupajtaj wakichikunku.

Salmos 35:15

Urmajtiyrí tukuy noqamanta asikunku. Mana rejsisqay waj runas jina, maqawarqankutaj mana samarispa.

Salmos 52:5

Chayrayku Diosqa wiñaypaj pampachasonqa, wasiykimanta jap'isuspa wijch'usonqa, kay pachamanta chinkachisonqa.

Salmos 83:4

Jamuspa tukuchiyta munawanchej, amaña llajta jina kananchejpaj, amaña Israel suti uyarisqa kanampaj.

Proverbios 10:7

Allin runapajqa bendiciones yuyarisqa, sajra runamantataj usqhayllata qonqapunku.

Proverbios 24:15

Sajra runa ama ima sajratapis ruwaychu, allin runaj contrantaqa, nitaj wasinmanta imastapis suwaychu.

Proverbios 7:22

Ch'inmanta waynaqa qhepanta rillanña, imaynatachus uj toro ñak'anaman yaykun ajinata, uj wampu jasut'ichikunampaj jap'ichikun ajinata.

Isaías 32:7

Ch'auka runaqa mañasniyoj, llullakuspa ch'aukiyayta wakichin, llullakuykunawan wajcha runasta ch'aukiyanampaj, wajcha runa cheqan kajta mañajtin.

Isaías 38:11

Noqaqa nerqani: Manaña Señorta rikusajchu kay jallp'a patapi kausajkunaj chaupimpi. Manaña pitapis kay pachapi kausajta rikusajchu.

Jeremías 1:19

Paykunaqa qanwan maqanakusonqanku, manataj atipasonqankuchu, imaraykuchus qanwan noqa kasaj jark'asunaypaj. Noqa Señor chayta nini.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Jeremías 20:10

Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

Jeremías 26:8

Señorpa kamachisqanmanta parlayta tukojtinkamataj, sacerdotes, profetas, tukuy llajtapi kaj runaspis, kay jinata nispa: Wañunaykipuni tiyan nispa, jap'iykorqanku.

Lamentaciones 3:60

Qan rikushayki imaynatachus ruwanawankupaj wakichikusqankuta, noqaj contraypi tukuy yuyasqankutapis.

Ezequiel 32:24

Elam nisqa ayllupis chaypi p'ampasqa kashan, tukuy soldadosnintaj muyuynimpi. Tukuyninku espadawan wañurachisqas karqanku. Tukuyninku paykunaqa mana circuncidasqas, aswan ukhu kajman yaykonqanku, imaraykuchus paykunaqa kausajkunaj jallp'asninkupi runasta manchacherqanku. Kunantaj p'enqaypi rikhurinku wañojkunaj chaupinkupi.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Oseas 9:8

Dios churarqa profetanta Efrainta qhawanampaj, qankunatajrí chay purinanman tojllasta mast'arqankichej: Diospa yupaychana wasimpipis chejninkichej.

Números 1:14

Gad ayllumanta: Reuelpa wawan, Eliasaf.