Jeremías 10:7 - Qheshwa Biblia DC

⁷ Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

DIOSPA QHELQACHISQAN DEUTEROCANONICAL

⁷ Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

DIOSPA QHELQACHISQ

⁷ Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

Jeremías 10:7 ပူးပေါင်းရင်းမြစ်များ

2 Reyes 17:39

Astawampis Señorniykichej Diosllata manchachikunkichej, paytaj tukuynin enemigosniykichejmanta librasonqachej.

1 Crónicas 16:25

Señorqa may jatunmin, sinch'i yupaychanapaj jinapuni. Tukuy dioskunamanta nisqaqa aswan manchachikuna.

Ester (hebreo) 1:13

Chaymanta reyqa leyesmanta yachajkunata tapurerqa. Reyqa tapunampuni kaj, runaj cheqan ruwanasninmanta yachajkunata.

Salmos 147:5

Señorninchejqa jatunmin, may atiyniyojtaj, yachaynimpis mana tukukuyniyoj.

Salmos 22:28

Señorqa rey kasqanrayku nacionesta kamachin.

Salmos 47:3

Payqa llajtasta nacionestapis phirerqa, kamachiyninchejmantaj churarqa.

Salmos 72:11

Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

Salmos 76:7

Qanqa manchachikunamin kanki. Pitaj ñaupaqeykipi sayayta atinmanri? K'araj phiñasqa kashajtiykiri?

Salmos 86:8

Señor, qan jina Diosqa mana kanchu, ruwasqasniyki jinaqa mana kanchu.

Salmos 86:9

Señor, tukuy nacionesta qan sayachinki, tukuyninkutaj qanta yupaychasonqanku, sutiykitataj jatunchanqanku.

Salmos 89:6

Ni ima diospis, ni pipis cielopi kajkunamanta, qan jinata kanchu, Señor.

Éxodo 8:10

Faraonqa nerqa q'ayapacha, nispa. Moisestaj nerqa: Qampa munasqaykiman jina mañasaj, ajinamanta qan rejsinaykipaj, Señor Diosniyku jinaqa mana pipis kasqanta.

Éxodo 9:14

Kunan kutipeqa tukuy jasut'iykunasniyta apachimusqayki qampa contraykipi, yanapajkunasniykej contranta, runasniykej contranta ima. Ajinamanta yachanaykipaj, mana pipis kay jallp'a patapi noqa jina kasqanta.

Isaías 2:4

Señortaj nacionesta juzganqa, ashkha runastataj cheqanchanqa. Espadasninkuta arado rejasman tukuchenqanku, fierro choqanasninkumanta hocesta ruwakaponqanku. Nitaj mayqen naciompis maqanakunasninta waj naciompa contranta wakichikonqachu, nitaj ch'ajwapajpis oqharikonqachu.

Jeremías 10:6

Señor, mana pipis qan jina kanchu: Qanqa jatun kanki, sutiykeqa may jatun atiyniyojtaj.

Jeremías 5:22

Noqa Señor nini: Qankuna manachu manchachikuwankichej? Manachu ñaupaqeypi kaspa kharkatitinkichej? Noqa mar qochaj cantosninman t'iyuta churani. Chay tukuyninmanta astawan jaqaymanqa mar qocha mana pasanñachu. Chay qhollchoqeyasqasnenqa astawan astawan, manchayta sonarispa phiñarikun, chaywampis mana pasayta atinchu.

Daniel (hebreo) 2:27

Daniel kuticherqa: Mana kanchu uj yachayniyojpis, ni pi yatiri, ni yachaj, nitaj k'anchaykunata rejsejkuna, willayta atinampaj, rey yachayta munashan chay pakasqa imataqa.

Daniel (hebreo) 2:28

Chay tukuywampis janaj pachapi uj Dios tiyan. Payqa sut'ita rikuchin pakaypi kaj tukuy imasta. Paymin rey Nabucodonosormanqa sut'ita rikuchin, imaschus jamoj p'unchaykunapi chayamunanta. Kayqa, reyman willasaj mosqoyninta, imaschus rikhurerqa puñushajtin chayta.

Habacuc 3:2

Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

San Lucas 12:5

Noqa nisqaykichej pitachus manchachikunaykichejta. Manchachikuychej, pichus wañuchiytawankama, atiyniyoj kashan infiernoman wijch'unampaj, chayta. Arí, manchachikuychej payllata.

1 Corintios 8:6

Noqanchejpajqa uj Dioslla, Tatanchej. Paymanta tukuy ima jamun, noqanchejtaj paypata kanchej; uj kamachejlla, chaytaj Jesucristo. Paynejtataj tukuy imas ruwasqas kanku. Noqanchejpis paynejta kanchej.

Josué 4:24

Ajinapi kay mundopi tukuy llajtas yachanqanku Señorqa may jina atiyniyoj kasqanta; qankunapis Señor Diosniykichejtaqa manchachikuychejpuni.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.