Jeremías 10:22 - Qheshwa Biblia DC

²² Allinta uyariychej, uj willay chayamun! Pata lado llajtasmanta uj jatun ch'ajway jamushan, chaytaj Judáj llajtasninta uj ch'in pampaman tukuchenqa atojkunallaña kausanankupaj jina.

DIOSPA QHELQACHISQAN DEUTEROCANONICAL

²² Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

DIOSPA QHELQACHISQ

²² Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

Jeremías 10:22 ပူးပေါင်းရင်းမြစ်များ

Isaías 34:13

Chay palaciosninkupeqa khishkaslla wiñanqanku, pakakunasninkupipis itapalloswan, qhorasllawan wiñanqanku. Chantapis chaykunapeqa atojkunallaña puñonqanku, chay patiosnintaj surispa wasillanña kanqa, osqhollus tiyakonqanku, tarukaspis, cabraspis chaypi qhaparinakonqanku, tuta purej sajrapis chaypi tiyakonqa, samarikonqataj.

Jeremías 1:14

Chaypacha Señorqa niwarqa: Pata ladomantapacha ñak'areyqa jich'akamonqa, kay jallp'api tukuy tiyakojkunaj patanman.

Jeremías 1:15

Noqa Señor cheqamanta niykichej: Pata ladomanta chay tukuy nacionesta wajyamusaj. Reyes jamonqanku, kikin Jerusalempa yaykunasnin punkusnimpitaj tiyanasninkuta churanqanku. Jerusalempa perqasnimpa qayllasninman jina, chantá Judá llajtas qayllamantaj.

Jeremías 2:15

Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 4:15

Danmantapacha, Efraimpa orqo puntasninmantapacha, mana allin willaykuna chayamunku.

Jeremías 4:6

Banderata Sión cheqanejman sayachiychej. Mask'aychej paykunata, amataj sayakuychejchu! Wichay ladomantaqa jatun ñak'ariyta, wañuchinakuytawan apamusaj.

Jeremías 49:33

Hazor llajtaqa ch'inman tukuchisqa kanqa, atojkunaj tiyakunallanña kanqa. Mana pipis chaypi tiyakonqañachu, nitaj ñan purejkunallapis chaypi qhepakonqankuñachu.

Jeremías 5:15

Señorqa nillantaj: Israel, contraykipi karumantapacha waj llajtayojkunata pusamusaj, chay llajtayojkunaqa manchay sinch'i runas kanku, may unay runastaj kanku. Qanqa parlayninkuta mana rejsinkichu, nitaj chay nisqasninkuta yachankichu.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Jeremías 6:22

Señorqa nin: Patakaru jallp'asmanta uj atiyniyoj nación jamunampaj wakichikushan.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Lamentaciones 1:4

Sión llajtaj ñankunasnenqa ch'impacha llakiy, mana pipis jatun fiestanman jamoj kanchu. Llajta punkusqa tukuynin thuñisqas, ch'impachataj; chaynejta sacerdotesqa jik'un jik'unta waqarikunku; llimphu sipaskunasninkoqa manchay llakisqas kanku; Jerusalenqa phutiypa atipasqan kashan.

Ezequiel 12:19

Chay jallp'api tiyakoj runasman, Jerusalempi tiyakojkuna israelitasman ima noqamanta niy: T'antankuta may manchachikuywan mikhonqanku, yakutataj llakikuywan mancha manchalla ujyanqanku. Jallp'asniykichejta t'ajrasman tukuchisqas kanqa, mana ima poqojtaj. Chay llajtapi tiyakojkuna sajrata kausasqankurayku chayqa jina kanqa.