Jeremías 1:16 - Qheshwa Biblia DC

¹⁶ Kay jasut'i kanantamin kamachisaj saqerpayawarqanku chay juchasapaspa contrampi. Paykunaqa inciensota q'osñichispa yupaycharqanku chay mana rejsisqa dioskunata, paykuna kikinku ruwakusqankuman jaywaspa.

DIOSPA QHELQACHISQAN DEUTEROCANONICAL

¹⁶ Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

DIOSPA QHELQACHISQ

¹⁶ Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 1:16 ပူးပေါင်းရင်းမြစ်များ

2 Reyes 22:17

Paykunaqa noqaqa saqerpariwanku, waj dioskunamantaj inciensosta q'osñichinku, chay tukuy imaymanasta makisninkuwan ruwaspa noqaqa phiñachiwanku. Phiñakuyneyqa kaypi tiyakojkunaj contrampimin, manataj thasnusqachu kanqa.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

2 Crónicas 28:2

Manachayqa Israelpa reykunasnimpa ruwasqasninkuta ruwallarqataj. Metalmanta unuyachispa Baalman rijch'akojta lantista ruwallarqataj.

2 Crónicas 34:25

Paykunaqa saqerpariwanku, waj dioskunamantaj inciensosta q'osñichinku, jinamanta waj ruwasqasninkuwan phiñachiwaspa, chayrayku kay cheqaj contrampi phiñakuyniyta apachimusaj, manataj thasnukonqachu.

2 Crónicas 7:19

Qankunataj noqamanta t'aqakuwankichej chayqa mana junt'aspa leykunasniyta, kamachiykunasniyta qankunaman qorqaykichej chaykunata, manachayqa waj dioskunata kasuwajchej, yupaychawajchejtaj, chaypacha qankunataqa qorqaykichej chay jallp'amanta orqhosqaykichej, wijch'usajtaj ñaupaqeymanta yupaychana wasiyta llimphucharqani chayta, ruwasajtaj tukuy tiempo tukuy naciones ukhupi asipayasqapuni kananta.

Isaías 2:8

Chantá lantiswan junt'allataj kashan, runasqa ima lantistachus ruwasqasninkuta yupaychanku, kikin makisninkoj ruwasqasninta.

Isaías 37:19

Chay llajtaspa dioskunasninkutaqa ninaman enqhaykorqanku, imaraykuchus chaykunaqa cheqamanta manapuni dioskunachu karqanku, mana chayqa runaj, ruwasqallan, k'aspimanta, rumimanta ima; chayrayku chaykunataqa t'unararqanku.

Isaías 44:15

Chaywan runaqa ninata enqhakun, chaywan q'oñikun; chaywan hornopipis t'antata chayachikun. Chay k'aspillamantataj uj diostapis ruwaspa yupaychakun. Chay sach'asllamantataj uj lantita ruwaspa tukuy sonqo chayman qonqorikun.

Isaías 65:3

Chay runasqa sapa kuti phiñachillawankupuni, huertaspi uywa wañuchisqasta jaywaspa, ladrillo pataspi inciensota ruphachispa. Chantaqa sepulturaspi, pakaynejman tutasnin rispa, khuchi aychasta mikhuspa, mana mikhuna uywasta ima mankasninkupi chayachispa.

Jeremías 10:15

Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.

Jeremías 10:3

Chay aylluspa ususninkoqa mana imapaj walejchu. Montepi uj k'aspita k'utuytawan cincelninwan llajllanku.

Jeremías 11:12

Chaypachataj Judamanta kajkunaqa, Jerusalempi tiyakojkunapis mañakoj renqanku, inciensota q'osñichej kanku chay dioskunasninkumanta. Chaywampis chaykunaqa manapuni chay ñak'ariy p'unchay chayamojtenqa paykunata salvanqankuchu.

Jeremías 11:17

Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Jeremías 16:11

Qantaj paykunaman kutichinki: Señorqa nillantaj: Kay tukoyqa qhatirisunkichej ñaupa tatasniykichej saqerpayawarqanku, waj dioskunata, qhepantataj riporqanku yupaychaykunasta qonankupaj; noqata saqerpariwarqanku, manataj junt'arqankuchu chay noqaj yachachisqasniyta.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Jeremías 19:4

Israelitas saqerpariwarqanku, kay cheqatataj uj mana rejsisqa jallp'aman tukucherqanku, chaypi inciensosta waj dioskunallaman q'osñicherqanku. Chaytaqa ñaupa tatasninku, ni paykuna, nitaj Judamanta reykunaspis rejserqankuchu, chaykunapitaj mana juchayoj runaspa yawarninta jich'arqanku.

Jeremías 2:13

Aylloyqa iskay layata juchallin: Noqata saqerpariwarqanku uj ch'uwa kausaj juturi yaku kashajtiy. Allarqankutaj pujyusninkuta, yakusta mana sayachej lajra pujyusta.

Jeremías 2:17

Chay tukuy imas qanta qhatirisorqa, noqa Señor Diosniykita saqerpariwasqaykirayku.

Jeremías 2:19

Kikin juchallaykitaj jasut'isonqa; chay mana kasukoj kasqallaykitaj ch'ataykusonqa. Allinta umacharikuy, imayna sajrachus, k'allkutajchus kasqanta noqata saqerpariwasqayki, noqa Señor Diosniykita mana kasuwasqayki ima. Noqa, Tukuy Atiyniyoj Señor chayta nini.

Jeremías 2:28

Judá, maypitaj chay ruwakusqasniyki dioskuna kashankuri? Mashkhachus llajtasniyki chay chhikallataj dioskunasniyki tiyapusunku. Ñak'ariyman chayajtiyki paykuna jamuspa salvasuchunku.

Jeremías 4:12

Wayrata noqa apachimusaj chay wayraqa, ancha sinch'i wayra kanqa. Kunanrajmari paykunaj contrankupi jasut'i wakichikunanta kamachisaj.

Jeremías 4:28

Tukuy jallp'aman llakiylla junt'aykonqa, janaj pachapis llakiy p'achata churakonqa. Chayta parlani, manataj chay nisqasniymantaqa yuyarikusajchu, chayta niniña, manataj qhepaman kutiymanchu, nispa.

Jeremías 44:17

Manachayqa ruwallasqaykupuni imatachus ruwanaykuta nerqayku chaykunata. Jaywallasqaykupuni inciensosta, vinotapis ch'allasqayku Cielomanta Reina nisqa diosaman, imaynatachus kunankama reyesniyku, noqayku, ñaupa tatasniyku ruwarqanku ajinata, Judá llajtaspi, jinallataj Jerusalén callespipis; ñaupajtaqa ashkha mikhunasniyku tiyapuwarqayku atipachikunaykupaj jina, tukuy imapi allin riwarqayku, manataj ima ñak'ariypis jamuwarqaykuchu.

Jeremías 5:29

Manachu kay tukuymantaqa jasut'isaj? Manachu ajina runasmanqa chay ruwasqankuman jina qopusaj? Noqa Señormin chayta nini.

Jeremías 5:9

Manachu chay tukuymanta jasut'iymanri? Manachu ajina ayllumanqa chayta mask'akusqanman jina qopuymanri?

Jeremías 51:17

Tukuy runasqa mana yuyayniyoj wapus kanku; chay lantikunata ruwajkunata p'enqachin. Chaykunaqa runaj ruwasqan lantislla kanku, chaykunaqa llulla lantislla mana kausayniyojkunataj.

Jeremías 7:17

Manachu Judá llajtaspi, jinataj Jerusalén callespipis ruwasqasninkuta rikunki?

Jeremías 7:18

Wawasqa llant'ata pallanku, tatas kajkunataj ninata jap'ichinku, warmis kajkunataj jak'u masata ñat'unku tortillata ruwanankupaj, chay cieloj reinan ninku chay diosaman jaywanankupaj. Chaywan phiñachiwankichej, jinallataj chay mana rejsisqa dioskunaman vinota jaywasqaykichejwan.

Jeremías 7:9

Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

Ezequiel 16:18

K'acha tukuy laya coloreswantaj ruwasqa p'achasniykita chaykunaman churarqanki, aceiteyta, inciensoytawan jaywarqanki.

Ezequiel 24:14

Noqa Señor chaytaqa nini, junt'akonqataj. Mana qhepaman kutirisajchu, manataj khuyakusajchu, nitaj llakirikusajchu. Ruwasqasniykiman jina, purisqasniykiman jinataj jasut'isqayki, nin Señorqa.

Oseas 11:2

Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Hechos 7:41

Paykunataj ruwarqanku waka uñaj lantinta. Uywasta wañuchispataj, chay waka uña ruwasqankuman jaywarqanku. Kusikorqankutaj chay makisninkuwan ruwasqankupi.

Deuteronomio 28:20

Señor maldicionta apachimusonqachej, iskayrayayta, imaymana sajratapis tukuy ima ruwasqaykichejpi. Ajinamanta pisi tiempollapi qankuna chay llakiykunaswan tukuchisqas kankichej. Sichus Señorta millay ruwasqasniykichejwan saqerparinkichej chayqa, Señorqa apachimusonqachej onqoykunata, maypichus tiyakoj rerqankichej, chay jallp'amanta chinkachisqas kanaykichejkama.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Josué 24:20

Sichus qankuna Señorta saqenkichej, waj dioskunallata yupaychankichej chayqa, payqa qankunata mana allinta ruwasonqachej, jinamanta qankunataqa tukuchisonqachej, chay jina chhika allin imasta qankunapaj ruwashaspa.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.