Jeremías 1:14 - Qheshwa Biblia DC

¹⁴ Chaypacha Señorqa niwarqa: Pata ladomantapacha ñak'areyqa jich'akamonqa, kay jallp'api tukuy tiyakojkunaj patanman.

DIOSPA QHELQACHISQAN DEUTEROCANONICAL

¹⁴ Chantá Tata Dios niwarqa: Wichaynejmanta ñak'areyqa kay suyupi tukuy tiyakojkunaj patankuman jich'akamonqa.

DIOSPA QHELQACHISQ

¹⁴ Chantá Tata Dios niwarqa: Wichaynejmanta ñak'areyqa kay suyupi tukuy tiyakojkunaj patankuman jich'akamonqa.

Jeremías 1:14 ပူးပေါင်းရင်းမြစ်များ

Isaías 14:31

Filistea llajtas, alqo jina qhapariychej, nanaywan qhapariychej, manchariywan kharkatitiychej, imaraykuchus patanejmanta manchay q'osñi phuyu jina jamusonqachej, manañataj ni ujpis tantakunasniykichejpi qhepakunkichejchu.

Isaías 41:25

Patanejpi uj runata rikhurichini, payqa inti llojsimuymanta jamuspa sutiyta oqharin; kamachejkunataqa t'uruta jina saronqa, imaynatachus manka ruwajqa t'uruta sarun, ajinata.

Jeremías 10:22

Allinta uyariychej, uj willay chayamun! Pata lado llajtasmanta uj jatun ch'ajway jamushan, chaytaj Judáj llajtasninta uj ch'in pampaman tukuchenqa atojkunallaña kausanankupaj jina.

Jeremías 11:17

Noqa Tukuy Atiyniyoj Señormin plantarqani, paypa contrampi ñak'ariykunas jamunankuta kamacherqani Israelpa, jinataj Judá aylloj juchasta ruwasqanrayku, paykuna phiñachiwanku Baalman inciensota jaywaspa.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 31:8

Kutichimusqaykichej chay pata jallp'asmanta, tantaykusqaykichejtaj kay pachaj tukuy k'uchusninmantapacha. Paykunawan jamonqanku lerq'os, wist'us, wijsallisqa warmis, nacechikojkuna ima. Manchay ashkhapuni kutimonqanku.

Jeremías 4:6

Banderata Sión cheqanejman sayachiychej. Mask'aychej paykunata, amataj sayakuychejchu! Wichay ladomantaqa jatun ñak'ariyta, wañuchinakuytawan apamusaj.

Jeremías 46:20

Egiptopi uj china malta wakaman rijch'akun. Uj jatun ch'uspi wichaynejmanta jamuspa wach'in.

Jeremías 47:2

Señorqa ajinata nin: Wichaynejmanta yaku junt'aykamun, imaynatachus mayumanta wasaykuspa tukuynin jallp'ata, tukuynin chaypi kajmantaj llump'irispa llajtasman, chaypi kajkunamampis junt'aykun ajinata. Tukuy chay jallp'api tiyakojkuna qhaparinku, runaspis nanaywan ayqonku,

Jeremías 50:41

Wichay karu jallp'asmantapacha uj atiyniyoj nación ashkha reykunasniyojtaj jamunampaj wakichikamushan.

Jeremías 50:9

Noqa wichaynejmanta atiyniyoj aylluta jamuchisaj, Babiloniata jap'ikapoj yaykuykunankupaj. Ñaupajta allinchaykukuytawankama jap'ikaponqanku. Paykunaqa sumajta maqanakuyta yachajkuna kanku, wach'inasninkuta kachaykunku mana ujta pantarispa.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Jeremías 6:22

Señorqa nin: Patakaru jallp'asmanta uj atiyniyoj nación jamunampaj wakichikushan.

Ezequiel 1:4

Chaypacha rikorqani wichaynejmanta uj jatun muyoj wayra jamushajta. Chantá uj jatun phuyumanta nina lauray jina llojserqa, muyuynimpitaj sinch'i k'anchay karqa. Chay nina chaupipi uj broncepis kanman jina lliphipisharqa.

Ezequiel 24:3

Kay mana kasukoj aylluman parlay uj rijch'anachinawan. Noqaj sutiypi kay jinata niy: Uj mankata nina chhaqaman churaykuy, yakutataj chay mankaman jich'aykuy.

Joel 2:20

Wichaymanta jamoj langostastaqa karunchachisaj qankunamanta. Ch'in pampamantaj qharqosaj. Ñaupajpi kajkunata Wañusqa Qochapi jeq'eqachisaj, qhepapi kajkunatataj Mediterráneo nisqa qochapi. Cuerposninkutaj ismuykonqa, asnaykonqataj. Jatuchej imasta ruwasaj!, nin Señorqa.

Zacarías 6:6

Yana caballoswan aysasqa carroqa rishan norte ladoman, yuraj caballoswan aysasqa carrotaj rishan inti yaykuy ladoman, puka caballos aysasqan carrotaj risharqa sur ladoman, nispa.