Isaías 9:12 - Qheshwa Biblia DC

¹² Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

DIOSPA QHELQACHISQAN DEUTEROCANONICAL

¹² 12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

DIOSPA QHELQACHISQ

¹² 12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Isaías 9:12 ပူးပေါင်းရင်းမြစ်များ

2 Reyes 16:6

Chay p'unchaykunallapitaj Edommanta reyes Elatta jap'ikaporqa, Edommantaj kutichiporqa. Chaymanta Judiosta qharqospa Edommanta kajkunaqa kunankama chaypi kakushanku.

2 Crónicas 28:18

Jinallataj filisteospis Judá pampasnejpi kaj llajtasmanta, Neguevmanwan qhechuraj yaykusqanku. Jap'ikapusqankutaj: Bet-semesta, Ajalonta, Gederotta, jinallataj Socota, Timnata, Gimzota, ranchosnintintakama. Chaykunaspitaj tiyakapusqanku.

Salmos 79:7

Paykuna Jacobta tukucherqanku, tukuy llajtataj ch'inman tukucherqanku.

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 11:14

Iskaynintaj inti yaykuynejman kachaykukonqanku, filisteosmantaj wasankumanta urmaykonqanku, jinallataj inti llojsimuynejpi tiyakojkunajmanta tukuy imankuta qhechumonqanku. Edom nación, Moab nacionwampis paykunata sirvenqanku, jinallataj Amón naciompi kajkunapis paykunata kasonqanku.

Isaías 31:1

Ay, Egiptoman uraykojkuna yanapachikunankurayku, caballosninkuman atienekojkuna, ashkha carretaspi atienekojkuna, caballospi wapu rejkunapi atienekojkuna, manataj Israelpa Santo Diosninta qhawarinkuchu.

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Isaías 9:21

Manasés aylloqa Efraín aylluwan maqanakonqanku, Efraín ayllutaj Manasés aylluwan. Jinashaspalla Judá aylloj contranta sayarinku. Chaywampis, Señorpa k'ajaj phiñakuynenqa manarajpuni thasnukonqachu, makin oqharisqallapuni kashan.

Jeremías 10:25

Phiñakuyniykita kachaykuy, qanta mana rejsisunkuchu chay nacionespa patanman; jinallataj pikunachus sutiykita mana oqharinkuchu chaykunaman, imaraykuchus Judá aylluta mana ujniyojta tukorqochinku, jinamanta llajtataqa raqaykunasllataña saqerparinku.

Jeremías 15:7

Runasniykitaqa ichhuta jina ch'eqeracherqani, jallp'aykej llajtasninmanta orqhospa. Mana wawasniyojta aylluyta saqerqani, paykunata tukucherqani, imaraykuchus mana chay sajra kausayninkuta saqeyta munarqankuchu.

Jeremías 35:11

Jinapis maypachachus Babiloniaj reynin Nabucodonosor kay jallp'aman yaykuykamorqa, chaypacha Jerusalenman risunman nerqayku caldeospa soldadosninmanta ayqenaykupaj, jinataj arameosmantapis; chayraykumin Jerusalempi tiyakushayku.

Jeremías 4:8

Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

Ezequiel 16:27

Chay jinamanta jasut'isunaypaj makiyta oqharerqani. Mikhunasniykita pisiyacherqani. Filisteoswantaj jap'icherqayki. Paykunaqa chejnikusunku, millay puriyniykimantataj p'enqakunku.

Ezequiel 6:14

Makiyta oqharisaj paykunata jasut'inaypaj, uray ladopi ch'in pampamanta wichaypi kaj Ribla nisqa chaykama. Tukuynejpi tiyakunku chay jallp'astaqa, ch'inmantapis aswan ch'inman tukuchisaj. Chaypacharaj rejsiwanqanku noqa Señor kasqaytaqa.

Oseas 7:10

Israelpa runaykachasqanqa paypa contrallampitaj sut'inchashan. Chaywampis paykunaqa mana kutirikorqankuchu nitaj Señor Diosninkuta mask'arqankuchu.

Amós 4:10

Uj jasut'ita apachimorqaykichej imaynatachus Egiptoman apachimorqani jinata; saqerqani wayna runasniykichejta maqanakupi wañuchinankuta; saqerqani enemigos caballosniykichejta apakapunankuta; muskhicherqaykichejtatj wañusqaspa asnasqankuta. Qankunataj mana kutirimuwarqankichejchu. Ajinata nin Señorqa.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

Amós 4:6

Noqa yarqhayta apachimorqaykichej tukuy llajtasniykichejman; noqa mikhunamanta pisicherqaykichej, tukuy llajtasniykichejpi. Chaywampis qankunaqa mana noqaman kutirimuwankichejchu. Ajinata nin Señorqa.

Amós 4:8

Runastaj llajtamanta llajta rerqanku yakuta mask'aspa manataj tarerqankuchu ch'akiyninkuta thasnunankupaj jina. Qankunataj mana noqaman kutirimuwankichejchu. Ajinata nin Señorqa.

Amós 4:9

Q'oñi wayrawan jasut'erqaykichej, chajrasniykichejtapis khuruykucherqani, huertasniykichejta ch'akicherqani, jinallataj uvasniykichejtapis. Langostaswan mikhuracherqani higos sach'asniykichejta, olivo sach'asniykichejta ima. Qankunataj noqaman mana kutirimuwankichejchu. Ajinata ni Señorqa.

Sofonías 1:6

T'unaykullasajtaj noqamanta karunchakojkunata, sutiytataj mana mask'ajkunata, nitaj jamuriwaspa tapurikuwankuchu chaykunata.

Sofonías 3:2

Señorpa parlasqanta mana uyarerqachu, nitaj cheqanyachikuytapis munarqachu. Señorpi mana confiakorqachu, manataj payman qayllaykorqachu.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?