Isaías 8:7 - Qheshwa Biblia DC

⁷ Chayrayku, Señorqa paykunaj patankuta yakuwan llump'irichenqa, manchayta correshajta, ashkhawantaj. Chayqa kashan Asiria rey, tukuy atiyninwan. Chay yakoqa tukuy mayusta atipaspa, tukuy mayu cantosta wasarenqa.

DIOSPA QHELQACHISQAN DEUTEROCANONICAL

⁷ Chayrayku Tukuyta Kamachej Dios paykunaj patankuta Éufrates mayu yakuwan llump'irichenqa. Chayqa Asiriata kuraj kamachej, paytaj tukuy atiyninwan paykunaj contranta jamonqa. Chay yakoqa tukuy mayuta atipaspa, tukuy mayu kantunta wasarenqa.

DIOSPA QHELQACHISQ

⁷ Chayrayku Tukuyta Kamachej Dios paykunaj patankuta Éufrates mayu yakuwan llump'irichenqa. Chayqa Asiriata kuraj kamachej, paytaj tukuy atiyninwan paykunaj contranta jamonqa. Chay yakoqa tukuy mayuta atipaspa, tukuy mayu kantunta wasarenqa.

Isaías 8:7 ပူးပေါင်းရင်းမြစ်များ

Génesis 6:17

Noqa jatun parata parachimusaj yakoqa mundota p'ampanankama, mundopi tukuy kausajkunata chinkachinampaj. Jallp'a patapi tukuy ima kausajkuna wañonqanku.

2 Reyes 19:32

Señorqa Asiriaj reyninmanta kay jinata nin: Mana kay llajtaman yaykumonqachu. Manataj flechallantapis kachaykonqachu, manataj payman escudosninwan jamonqachu, manataj muyuyninmampis jark'anata churanqachu.

Esdras 4:10

Chantapis waj nacionesmanta kajkunawan. Tukuy paykunata, jatun kamachej Asnaparqa jap'irachispa apacherqa, Samaria jallp'asmantaj churarqa, Eufrates mayoj inti yaykuyninman.

Salmos 46:4

Uj mayu yaku Diospa llajtanta kusichin, patapi kaj Diosninchejpa llimphu llajtanta.

Salmos 72:8

Kamachichun uj marmanta uj markama, Eufrates mayumanta kay jallp'aj k'uchunkamataj.

Isaías 10:16

Chayrayku Tukuy Atiyniyoj Señorqa, kallpayoj runasninman llauchhuyayta apachimonqa, qhapaj kayninkutataj ninawan jap'iykuchenqa llant'ata jina.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 11:15

Señorqa puka mar qochata ch'akichenqa, manchay atiyninwan makinta oqharenqa Eufrates mayunejman, uj sinch'i wayrata wayrachimuspataj chay mayuta qanchis mayusman t'aqarparenqa, chay jinamanta ujut'asnillankuwanña chimpanankupaj.

Isaías 28:15

Qankunaqa ninkichej: Uj tratota wañuywan ruwayku, wañusqaspa tiyakunankuwan tratoyoj kayku; manchay jasut'i jamojtenqa mana chayamuwasqaykuchu. Chay pakakuyniykutaqa llullakuypi mask'ayku, jinallataj ch'aukiyaypi ima.

Isaías 28:17

Cheqan kajtaqa plomadata jina churasaj, maychus kajtataj hilota jina churasaj. Llullakojpa pakakunanta chejchi chinkachenqa, chay pakakunaykichej cheqatataj yakus apanqanku.

Isaías 28:2

Señorpa kachamusqan kallpasapa runa tiyan; chayqa chejchi paraj sonaynin jina, uj sinch'i wayra jina, llojlla para jina, ashkha yaku llump'imoj jinataj; makinwan jap'ispataj pampaman wijch'onqa.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

Isaías 7:17

Señorqa mana allin p'unchaykunata apachimusonqa, qanman aylluykiman, tataykej wasinman ima. Chay jinata ni jayk'aj karqachu Efraín ayllu, Judá ayllumanta t'aqakusqanmantapacha. Chayta parlashan Asiria reymanta.

Isaías 7:20

Chaypacha Señorqa Eufrates mayu chimpasmanta Asiria reyman, mañarisqa cuchillowan jina, israelitasta ruthonqa tukuy chujchasninta, sunkhasninta, tukuy ukhunta ima.

Jeremías 47:2

Señorqa ajinata nin: Wichaynejmanta yaku junt'aykamun, imaynatachus mayumanta wasaykuspa tukuynin jallp'ata, tukuynin chaypi kajmantaj llump'irispa llajtasman, chaypi kajkunamampis junt'aykun ajinata. Tukuy chay jallp'api tiyakojkuna qhaparinku, runaspis nanaywan ayqonku,

Jeremías 51:42

Mar qochaqa Babiloniaman junt'aykorqa, chay jatuchaj qhollchoqeyasqasninwan p'ampaykorqa.

Ezequiel 26:19

Señorqa kay jinata nin: Ch'in llajtaman tukuchisqayki, ni pejpa tiyakunan llajtaman jinataj. Jatun qocha ukhumanta ashkha yakuta llojsichimusaj, manchay ashkha yakutaj chinkachisonqa.

Daniel (hebreo) 11:10

Wichaypi kaj reypa wawasnintaj ch'ajwapaj wakichikonqanku, ashkha tropa soldadostataj tantaykuchenqanku. Paykunamanta ujnin kajtaj tropasninwan khuska ch'ajwata ruwaj yaykonqa uraypi kaj nacionman, uj phullchiraj mayu jina tukuyninta t'unaykuspa. Chaymanta ujtawan maqanakullanqataj, reypa sumaj jark'asqa wasinman chayanankama.

Daniel (hebreo) 11:22

Contrampi sayaykoj atiyniyojkunata tukuyninta t'unaykonqa. Jinallatataj tratota ruwaj atiyniyoj kamachejtapis.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Amós 8:8

Manachu jallp'aqa ikhakonqa kay tukuy imasmantaqa? Manachu chay jallp'api tiyajkunaqa waqanqanku? Chay jallp'ataj oqharikonqa tiyaykonqataj, imaynatachus Nilo mayu yaku ashkhayantaj pisiyantaj jinata.

Amós 9:5

Tukuy Atiyniyoj Señor Diostaj jallp'ata llankhaykonqa, jallp'ataj unuyarparenqa, chaypi tiyakojkunataj mayta waqanqanku; jallp'ataj oqharikonqataj tiyaykonqataj, imaynatachus Egipto Nilo mayu ashkhayantaj, pisiyantaj, jinata.

Miqueas 1:9

Imaraykuchus Samariaj nanachikusqanqa mana jayk'aj jampinapaj jina: Chaytaj chayarqa Judakama chantá maypichus aylluy tiyakun chay Jerusalén llajtakamataj chayarqa.

Miqueas 5:4

Reyqa jatarikonqa michinampaj chay Israel ayllunta tukuy atiywan, Señor Diospa jatun kaynimpitaj, paykunataj sonqo tiyasqa kaypi tiyakonqanku, imaraykuchus Señor jatunchasqa kanqa tukuy jallp'aj cantosninkama.

Miqueas 5:5

Paymin sonqo tiyasqa kayta apamonqa. Maypachachus asirios jallp'anchejman junt'aykamojtinku palaciosninchejmantaj yaykuykamojtinku, chaypacha kachasunchej paykunaj contrankupi qanchis kurajkunata pusaj sumachej runastataj.

Nahúm 1:8

Jinapis imaynatachus yaku junt'aykuspa q'alata apakapun ajinatamin tukuy Paywan churanakojkunataqa pichaponqa, may llakiykunaswan laqhayaylla qhatirenqa tukuy enemigosnintapis.

San Lucas 6:48

Chay runaqa rijch'akun wasita ruwakojman; pichus ñaupajta sumaj ukhuta allan chhankata taripanankama, chaypitaj rumi cimientota churan. Yaku chayamojtintaj, mayoqa manchayta junt'aykuspa wasiman wajtakamorqa, manataj waseqa imanakorqachu, imaraykuchus chhanka patapi ruwasqa karqa.

Apocalipsis 17:15

Paytaj niwarqa: Chay ashkha yaku rikusqaykeqa, maypichus chay qhenchachakoj warmi tiyasqa kashan chayqa, llajtas kanku, ashkha runakuna, jatuchaj naciones, tukuy laya parlayniyojkuna ima.