Isaías 8:13 - Qheshwa Biblia DC

¹³ Tukuy Atiyniyoj Señorllata Santopaj qhawaychej; payllata manchachikuychej, payllata kasuychej.

DIOSPA QHELQACHISQAN DEUTEROCANONICAL

¹³ Aswanpis Tukuy Atiyniyoj Tata Diosllata may llimphupaj qhawaychej. Payllata may jatun respetowan qhawaychej, payllatataj kasuychej.

DIOSPA QHELQACHISQ

¹³ Aswanpis Tukuy Atiyniyoj Tata Diosllata may llimphupaj qhawaychej. Payllata may jatun respetowan qhawaychej, payllatataj kasuychej.

Isaías 8:13 ပူးပေါင်းရင်းမြစ်များ

San Lucas 12:5

Noqa nisqaykichej pitachus manchachikunaykichejta. Manchachikuychej, pichus wañuchiytawankama, atiyniyoj kashan infiernoman wijch'unampaj, chayta. Arí, manchachikuychej payllata.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

San Mateo 10:28

Ama manchachikuychejchu cuerpota wañuchejkunata, imaraykuchus almataqa mana wañuchiyta atinkuchu. Astawanqa, pichus cuerpota, almatapis infiernoman wijch'uykuyta atin, chayta manchachikuychej.

Salmos 76:7

Qanqa manchachikunamin kanki. Pitaj ñaupaqeykipi sayayta atinmanri? K'araj phiñasqa kashajtiykiri?

Malaquías 2:5

Tratoy karqa Levipajqa kausay, sonqo tiyakuytaj. Chaykunata qorqani noqata respetanawampaj, manchachikunawampajtaj. Paytaj manchachikuwarqa, sutiymantaj k'umuykukorqa.

Isaías 29:23

Wawasniykeqa paykuna ukhupi imastachus ruwasqasniyta rikonqanku. Paykuna nenqanku noqaqa Santo kasqayta, Israelpa Diosnintataj kasuwanqanku.

Génesis 31:53

Abueloyki Abrahampa Diosnin, abueloyki Nacorpatawan Diosnin cheqanchawasunchej. Chaymanta Jacobqa jurarqa, mayqen Diostachus tatan Isaac yupaycharqa chaypa sutimpi.

Romanos 4:20

Manallataj iskayrayarqachu mana feniyojpis kanman jina, creerqapuni Dios qosqayki nisqampi. Astawantaj fepi kallpachakorqa diosta yupaychaspa tukuy sonqo.

Números 27:14

Qankunaqa iskayniykichej sutiyta mana jatuncharqankichejchu kamachisqasniyta mana kasuwaspa israelitaspa ñaupaqempi, Zin ch'in pampapi yakuta mañakuspa contrayta rimashajtinku. Kay yakoqa Meriba nisqa cheqapi karqa Zin ch'in pampapi.

Levítico 10:3

Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.

Éxodo 20:20

Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

Deuteronomio 14:23

Chayqa kanqa trigomanta, vinomanta, aceitemanta, kuraj kaj waka uñasmanta, kuraj kaj oveja uñasmanta ima. Chaykunata qankunaqa mikhunkichej Señor Diosniykichejpa ñaupaqempi, may cheqatachus sutin kanampaj ajllakorqa chay cheqapi, Señor Diosniykichejta tuta p'unchay yupaychayta yachanaykichejpaj.

Isaías 5:16

Tukuy Atiyniyoj Señorqa cheqan kajta atiyninwan rikuchenqa, Santo Diosqa llimphu kayninta rikuchenqa cheqanta ruwaspa.

Ezequiel 38:16

Llojsimunkitaj Israel aylluypa contrampi, yana phuyus jina jallp'ata urphuykuspa. Chay qhepa p'unchaykunapi pusamusqayki jallp'aypa contrampi, waj jallp'asmanta kaj runas qannejta noqata rejsinawankupaj, llimphu kayniyta noqa rejsichisaj ñaupaqenkupi chaypacha.

Levítico 22:32

Ama llimphu sutiyta p'enqaypi qhawachinkichejchu, imaraykuchus ajinamanta noqaqa israelitaspa chaupimpi jatunchasqa kasaj. Noqamin Señorqa kani, pichus t'aqarqaykichej chay, Diosniykichej kanampaj Egipto jallp'amanta orqhomusorqachej, chay. Noqamin Señorqa kani.

1 Samuel 11:7

Chantaqa iskay bueyesta jap'ispa cuchillowan t'unarqa. Kachaswantaj apacherqa chay khuchurasqa aychasta tukuynin Israel jallp'aman. Chay kachastaj nerqanku: Pikunachus mana renqankuchu Saulwan, Samuelwan ima chayqa, chaykunaj bueyesninku ajina khuchurasqas kanqanku. Chayta uyarejtinkutaj Señormanta uj sinch'i manchariy chay runasman jamorqa, uj runa jinallataj paykunawan ujchakoj rerqanku.