Isaías 7:14 - Qheshwa Biblia DC

¹⁴ Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

DIOSPA QHELQACHISQAN DEUTEROCANONICAL

¹⁴ Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

DIOSPA QHELQACHISQ

¹⁴ Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Isaías 7:14 ပူးပေါင်းရင်းမြစ်များ

Génesis 16:11

Qanqa onqoj kashanki, uj qhari wawa tiyapusonqa, sutichankitaj Ismaelta; imaraykuchus Señor uyarisunki llakiyniykita.

Génesis 29:32

Leaqa wijsayoj rikhurerqa Jacobpaj, nacejtintaj suticharqa Rubenta, Señor rikuwan llakisqa kasqayta. Chayrayku qosayqa kunan munakuwanqapuni, nispa.

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

Génesis 30:6

Chaymanta Raquelqa nerqa: Dios uyariwan mañakusqayta, cheqan kajtataj ruwapuwan wawata qowaspa, chayrayku sutin kanqa Dan.

Génesis 30:8

Raquelqa nerqa: Ñañaypa contranta maqanakuni, atipanitaj; chayrayku kay wawaj sutenqa kanqa Neftalí.

Génesis 4:25

Adampa warmin ujtawan onqoj rikhurerqa. Ajinamanta uj wawan kallarqataj, suticharqankutaj Setta. Nerqataj: Dios qowan uj wawatañataj Abelpa cuentanmanta, pitachus Caín wañucherqa chaymanta.

1 Reyes 13:3

Chay kikin p'unchaypitaj profetaqa payman uj señalta qorqa, nerqataj: Señorpa parlasqanmanta kaymin chay señalqa kanqa; altarqa p'akikonqa, chay patampi ushpha kashan chaypis qhallerparikonqa.

Salmos 46:8

Jamuychej, Señorpa t'ukuna ruwasqasninta qhawarej, kay pachata Señorninchej ch'in pachata saqesqanta.

Isaías 38:7

Kay señalta Señorqa qosonqa, nisusqanta junt'anampaj. Qhawariy, Acazpa inti relojnimpi chunka thaskiytawan kutirichisaj intej llanthunta qhepaman. Chaymantataj, intej llanthonqa chay uraykamusqanmanta chunka thaskiytawan qhepaman kutirerqa.

Isaías 8:10

Sumajtapis yachachinakuychej qhasi manakajpaj kanqa. Imatapis parlasqaykichejqa, manapuni junt'akonqanku, imaraykuchus Diosqa noqaykuwan kashan.

Isaías 8:8

Chaytaj Judakama chayanqa, tukuynintataj p'ampaykonqa, kunkankama chayaspa. Emanuelníy, tukuynin jallp'aykita lijrawan qhataykonqa.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Jeremías 23:6

Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

Jeremías 31:22

Mayk'ajkamataj purinki ujnejmanta ujnejmanri? Ayllúy, qanqa uj mana kasukoj sipas jina kanki. Noqa Señor, kay pachapi uj mosoj imata ruwani, uj warmeqa uj qharita muyupayanampaj.

Jeremías 44:29

Noqa Señor qankunaman kay señalta qosqaykichej yachanaykichejpaj, kay tukuy nisqasniy junt'akunampaj kay jallp'api qankunata jasut'inaypaj.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

San Mateo 1:23

Uj sipas, manaraj qharita rejsej, wijsallikonqa, nacichikonqataj uj qhari wawata. Paytataj Emanuel sutiwan sutichanki. Kay sutitaj niyta munan: Dios noqanchejwan kashan.

San Lucas 1:31

Kunanqa wijsayoj rikhurinki. Nacichikunki uj qhari wawata, Jesustataj sutichanki.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

San Lucas 2:12

Qankunapaj señal kanqa: Wawata tarinkichej janantaspi k'irusqa, uywa qaranapi sirikushajta.

San Lucas 20:44

Chantá, imaraykutaj Davidpa Churin kanman Cristori, Davidllataj Señor nishaspari?

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

Romanos 9:5

Ajinaqa, paykunaj ñaupa tatasnin karqanku; aychaman jinataj paykunamanta Cristo jamorqa. Payqa tukuy imapi, paytaj Dios, yupaychasqataj kachun wiñaypa wiñayninkama. Amén.

1 Timoteo 3:16

Cheqamanta jatumpuni Diosta yupaychanamanta pakasqa yachayqa: Dios rejsichikorqa aychallikuspa; Espiritunejta cheqa runapaj rejsisqa, angelespa rikusqan, gentilesman willasqa, mundontimpi creesqa, janaj pachaman oqharisqa.

Jueces 6:36

Gedeonqa Diosman nerqa: Sichus cheqamanta qan wajyawanki israelitasta salvamunaypaj, imaynatachus niwasqaykiman jina chayqa, churasaj uj ovejaj millmanta maypichus trigota oqharina chayman. Sichus tutamanta millma chhullawan joq'ochasqa kanman, tukuy pampataj ch'aki kanman chayqa, chaypi yachasaj cheqamanta qan ajllawasqaykita niwasqaykiman jina israelitasta salvanaypaj.

1 Samuel 1:20

Ajinamanta Anaqa wijsallisqa rikhurerqa. Nacechikunan tiempo chayamojtinñataj, uj qhari wawata nacechikorqa, suticharqataj Samuelta, nerqataj: Kaytaqa Señormanta mañakorqani, nispa.

1 Samuel 4:21

Wawatataj Icabodta suticharqa, chay niyta munan: Israelqa mana allimpaj qhawasqa qhepakun, Diospa trato cajonninta qhechuchikusqankurayku. Chaywanqa niyta munan Diospa trato cajonnin qhechusqa kasqanta, suegrompa wañusqanta, jinataj qosampa wañusqantapis.