Isaías 66:2 - Qheshwa Biblia DC

² Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

DIOSPA QHELQACHISQAN DEUTEROCANONICAL

² Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

DIOSPA QHELQACHISQ

² Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Isaías 66:2 ပူးပေါင်းရင်းမြစ်များ

2 Reyes 22:10

Ajinallatataj qelqeri Safanqa reyman tukuy imata willarqa: Kuraj sacerdote Hilcias uj librota jaywawan. Safantaj reypa ñaupaqempi leerqa.

2 Reyes 22:11

Chay librota leejta uyariytawan reyqa p'achasninta llik'ikorqa.

Esdras 10:3

Tratota ruwasqayku waj llajtamanta kaj warmismanta wawasninkumanta t'aqakunankuta maychus leypa nisqan junt'akunampaj; imaynatachus qan, chanta pikunachus Señorpa kamachisqanta kasunku chaykuna yuyaychawarqanku chayman jina.

Esdras 9:4

Noqaman tantakamorqanku presochasqamanta kutirimojkunaj juchankurayku Israelpata Diosnimpa jasut'iyninta manchachikojkuna. Noqataj tiyaspallapuni karqani manchay phutisqa, ch'isiyaykuyta Diosman uywa wañuchisqata jaywana horaskama.

Salmos 119:120

Qanta manchachikuspa tukuy ukhuy kharkatitin, kamachisqasniykitataj munakuywan kasuni.

Salmos 119:161

Atiyniyoj runas qhasillamanta qhatiykachawanku, sonqoyrí parlasqaykita allinta waqaychan.

Salmos 138:6

Aswan patapipis Señorqa kachun, llamp'u sonqosta qhawamumpuni, may kasqankuta yuyakoj runastataj karumanta rejsin.

Salmos 34:18

Señorqa qayllallapi salvanampaj kashan, llakisqa sonqoyojkunata, umphuyasqa sonqoyojkunatawan.

Salmos 51:17

Diosmanqa pesachikoj sonqota jaywana. Qanqa Diosníy, llakiymanta t'unasqa sonqota, mana qhesachankichu.

Salmos 51:19

Chaymantaraj jap'ikunki cheqan kaj jaywasqasta, uywasta, waj jaywanas tukuynin q'olasqasta. Chaypacha altarniyki patapi novillosta jaywasonqanku.

Proverbios 28:14

Kusikuyniyojmin Señorta manchachikojpuni runaqa. Pichus mana allinta kasukojrí mana allinman chayanqa.

Proverbios 29:23

Machu machu kayqa runata mana allin kayman chayachin, llamp'u sonqoyojtaj allimpaj qhawasqa.

Isaías 40:26

Patata cielota qhawariychej. Pitaj kay tukuy qoyllurkunata ruwarqa? Pichus chaykunata orqhomuspa yupan, tukuyninkutataj sutisninkumanta wajyan; mana ujta puchuchispa. Chay jinapuni kamachinampaj atiyninwan kallpanwanqa.

Isaías 41:20

Chayta ruwasaj tukuy runas rikunankupaj, allinta reparaspa umachakunankupaj, noqa Señor, atiyniywan kay imasta ruwasqayta, noqa Israelpa Santo Diosnin kay imasta rikhurichisqayta.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

Oseas 11:10

Paykuna Señorta qhatenqanku, Señortaj uj león jina qhaparenqa. Paypata kajkunata inti llojsimuy ladomanta qharkatitispa jamonqanku.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Habacuc 3:16

Kay tukuy imasta uyarispa manchachikorqani. Parlasqaypipis simiy kharkatiterqa; chakisniypis mana sayayta aterqachu chantá tukuy ukhuynintin llauchhuyaporqa. Chaywampis alliywan suyallasaj, maypachachus Dios chay ñak'arichiwajninchejpa soldadosninta ñak'ariyman churanqa chay p'unchayta.

San Mateo 12:6

Noqarí niykichej: Kaypi astawan kuraj kashan templomanta nisqaqa.

Hechos 7:50

Manachu kay tukuy imasta makiy ruwarqa?, nin Señorqa.

Hechos 9:6

Saulotaj mancharisqa kharkatitispa nerqa: Señor, imatataj munanki ruwanayta? Jesustaj payman kuticherqa:] Jatarispa llajtaman yaykuy, chaypitaj nisonqanku imatachus ruwanaykita.

Filipenses 2:12

Munakusqasníy, imaynatachus qankuna kasuwajpuni kankichej chaypi kashajtiy; chantá mana chaypi kashajtillaychu, astawanqa karupi kashajtiypis kasuwankichej. Chayrayku kunanqa astawan llank'aychej salvacionniykichejpi Diosta manchachikuspa.

Colosenses 1:17

Cristoqa karqapuni manaraj imapis kashajtin. Paytaj tukuy imata sayachishan.