Isaías 66:16 - Qheshwa Biblia DC

¹⁶ Señorqa ninawan espadawantaj tukuyta cheqanchanqa, jinamanta Señorpa wañurachisqasnenqa ashkha kanqa.

DIOSPA QHELQACHISQAN DEUTEROCANONICAL

¹⁶ Tata Dios tukuyta juzganqa, jinataj may chhika runakunata ninawan, espadawan ima wañurachenqa.

DIOSPA QHELQACHISQ

¹⁶ Tata Dios tukuyta juzganqa, jinataj may chhika runakunata ninawan, espadawan ima wañurachenqa.

Isaías 66:16 ပူးပေါင်းရင်းမြစ်များ

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 27:1

Chay p'unchaypi Señorqa, manchay atiyniyoj espadanwan manchayta phawaj Leviatán katarita jasut'enqa, manchayta ch'aukiyaj Leviatán katarita. Chantá mar qochapi kashaj dragontapis wañuchenqa.

Isaías 3:13

Señorqa cheqanchanampaj wakichisqaña kashan, jinallataj tukuy runasta cheqanchanampajpis.

Isaías 30:30

Señorqa jatunmanta parlasqanta uyarichenqa, makimpa sajmasqanta rikuchenqa, manchay phiñasqa kayninta rikuchispa, manchayta q'olarparej ninawan, llojlla parawan, manchay muyoj wayrawan, jatuchaj rumi jina chejchiwan ima.

Isaías 31:8

Chaypacha Asiriaqa maqanakupi tukuchisqa kanqa, manataj runaj espadanwanchu. Asiriosqa maqanakumanta ayqenqa, sumachaj maqanakoj wayna runasninkupis presochasqas kanqanku.

Isaías 34:2

Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.

Isaías 65:12

Chayrayku, noqapis qankunaman espadata kachaykamusqaykichej. Tukuyniykichej ñak'asojkunaman qonqorikunkichej. Chhikata wajyashajtiy qankunaqa mana uyariwankichejchu. Qankunaqa parlapayashajtiy astawanraj mana uyarej tukunkichej, rikunayta tukuy ima sajrata ruwankichej. Imachus noqaman mana allinchu rijch'awan, chaytapuni qankunaqa ajllakunkichej.

Jeremías 25:31

Chay ch'ajwayqa kay pachaj cantosninman chayanqa, imaraykuchus Señorqa uj naciompa contrampi juiciota oqharenqa. Pay tukuy runasta cheqanchanampaj wajyanqa, chay juchayojkunatarí wañuyman wijch'uykunampaj. Señormin chaytaqa nin.

Jeremías 25:33

Pistachus Señor chay p'unchaypi wañuchenqa chaykunaqa, kay jallp'aj uj cantonmanta uj cantonkama mast'alla kanqanku. Manataj pipis paykunamantaqa waqanqachu, manataj pipis ayasninkuta p'ampaykamunankupaj oqharenqachu, pampallapi wanu jina qhallasqas kanqanku.

Jeremías 45:5

Qampajqa may jatun k'acha imastachu mañakunki? Ama mañaychu. Noqa tukuy runaspa patanman ñak'ariykunasta apachimusaj, kausayniyoj qhepakunaykita saqesqayki maymampis risqaykipi. Noqa Señor chayta nini.

Jeremías 46:15

Imaraykutaj yupaychana Apis toroykichej ayqerqari? Imaraykutaj sayasqallapi mana kakuyta aterqachuri? Imaraykutaj noqa Señor payta urmacherqaniri?

Ezequiel 28:18

May chhikatapuni juchallerqanki. Qhatunasniykita mana cheqa kajman jina apaykachasqaykipitaj ch'ichichakorqanki. Chayrayku, noqa qanllamantataj ninata rikhuricherqani, chaytaj q'olaykusorqa. Jallp'a patapi ushphallata saqerparerqayki tukuy runaj rikunanta.

Ezequiel 38:17

Atiyniyoj Señorqa kay jinata nin: Qanmanta noqa sut'inchacherqani ñaupa tiempopi Israelpi kay kamachisniy profetaspa siminnejta. Paykuna parlarqanku ñaupa tiempospi, qanta noqa paykunaj contrankupi yaykuchimusunayta.

Ezequiel 5:15

Maypachachus noqa qanta jasut'isqayki, k'ajaj phiñakuyniywan sinch'ita ñak'arichisqayki chaypacha, tukuy runakuna alqochakusonqanku, mana allimpajtaj qhawasonqanku. Muyuyniykipi kaj naciones millachikusonqanku, jatun manchachikuyninkupajtaj kanki. Noqa Señormin kaytaqa nini.

Joel 3:2

Tukuy nacionesmanta runasta tantaykusaj, chanta Josafat Valleman paykunata apasaj. Chaypitaj noqa paykunamanta cuentata mañasaj, imatachus Israel aylluywan ruwasqankumanta. Paykunaqa israelitasta mundontinman ch'eqeracherqanku, chanta jallp'ayta partinakorqanku.

Amós 7:4

Kayta Señor Diosqa rikuchiwarqa: Rikorqani nina jap'iykukojta, mar qochachataj ukhukama ch'akerparichejta, jallp'atapis uj cantonta q'olaykushajta.

Nahúm 3:15

Ladrillosta ruwanaykipajtaj wakichikuy espadapitaj t'ukuychakunki, jinataj langosta khuruta jina tukuchisonqa. Langostas jina mayta miraychej! Chay phawaykachaj monte khuru jinataj miraychej!

Nahúm 3:3

Caballospi runas junt'aykunku! t'ojsinasninkoj k'anchaynin, lanzasninkoj liuj liuj niynin! Waranqas parte wañusqas Qollu qollustaj ayasmantapis! Wañusqas mana tukukuyniyoj! Runaspis chay wañusqaspi misk'akunku!

Zacarías 14:5

Qankunarí ayqenkichej, chay orqos chaupipi kanqa chay vallenejta chayaspa chay uj ladopi kashan chay Azalkama. Ayqenkichej qankunapis ñaupa tatasniykichej, maypachachus rey Uzías Judapi kamachishajtin jallp'a ikhakuy kajtin, ayqerqanku ajinata. Chaypachamin jamonqa Señor Diosneyqa tukuy payta qhatejkunawan khuska.