Isaías 66:14 - Qheshwa Biblia DC

¹⁴ Chayta rikuspa mayta kusikunkichej; tullusniykichejqa sumajta kallpachakonqanku, imaynatachus qhoras q'omeryanqanku ajinata. Señorpa makimpa atiyninta kamachisnenqa sumajta rejsinku, enemigosninmantaj phiñakuyninta rikuchenqa.

DIOSPA QHELQACHISQAN DEUTEROCANONICAL

¹⁴ Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

DIOSPA QHELQACHISQ

¹⁴ Chayta rikuspa, mayta kusikunkichej. Ukhuykichejpi sumajta kallpachasqa kankichej, qhallallarishaj qhora jina. Tata Diospa kamachinkunaqa atiyninta sumajta rejsenqanku, awqankunamantajrí phiñakuyninta rikuchenqa.

Isaías 66:14 ပူးပေါင်းရင်းမြစ်များ

Esdras 8:18

Gracias Diosman kachun, Serebiasta pusamuwarqayku, sumaj yachayniyoj runata. Payqa Mahli sutiyoj levitaj mirayninmanta karqa. Wawasninwan wauqesninwantaj chunka pusajniyoj runas karqanku.

Esdras 8:22

P'enqakorqani reymanta mañakuyta caballospi purej soldadosta, ñampi enemigosniymanta waqaychanawampaj. Imaraykuchus reyman nerqaykuña Diosqa waqaychaj kasqanta payta mask'ajkunata, urmachimusqantataj atiyninta phiñakuynintawan, payta saqerajkunaj patanman.

Esdras 8:31

Ahava mayumanta purirerqayku, ñaupaj kaj killapi chunka iskayniyoj p'unchay kashajtin Jerusalén cheqaman rinaykupaj. Diosniyku yanapawarqayku, waqaychawarqaykutaj ñampi sajra runakunamanta wañuchinawaykupaj wateqajkunamantawan.

Salmos 107:42

Chayta cheqan runas rikunku, kusikunkutaj, tukuy runastaj siminkuta wisq'anku.

Proverbios 17:22

Sonqo kusisqa kayqa uj sumaj jampi, llakisqa kanarí, kallpata llauch'iyachin.

Proverbios 3:8

Chaymá ukhuykipaj sumaj jampeqa, tukuy tullusniykitapis kallpachanqa.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 13:5

Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

Isaías 26:19

Chaywampis, wañusqasniykeqa kausarimonqanku, ayasninkupis kausarimponqanku. Jallp'a ukhupi puñojkunaqa rijch'arimonqanku, kusiywantaj mayta qhaparispa kusikonqanku. Qanqa k'anchayta chhulla parata jina apachimunki, chanta wañusqasqa jallp'a ukhumanta sayarimonqanku.

Isaías 26:20

Kunanqa, ayllúy, riy ari, wasiykiman yaykuy, punkuykitataj wisq'aykakamuy. Chaypi uj pisita pakakuy, Señorpa k'ajaj phiñakuynin tukukunankama.

Isaías 30:27

Señorqa pay kikin karumantapacha jamun; uyanqa nina larway imatapis ruphaykoj jina; simimpis manchay phiñakuywan junt'a kashan; qalluntaj q'olaykoj nina jina kashan.

Isaías 33:20

Qhawariy Sionta mayta kusikunanchej llajtata. Qhawariy Jerusalén jark'asqa tiyakuna llajtata. Chayqa sumaj sayachisqa toldo jina kanqa, chay jap'ichina ch'akarpusnimpis mana sik'ikonqankuchu, nitaj jap'ichina waskasnimpis p'itikonqachu.

Isaías 34:2

Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqanku. Líbano orqo jina may k'achitu kanqa, Carmelo jallp'as, Sarón jallp'as jinataj sumajta poqoj jallp'as kanqa. Ajinamanta paykunaqa Señorpa atiyninta rikonqanku, Diosninchejpa k'acha kaynintawan.

Isaías 41:20

Chayta ruwasaj tukuy runas rikunankupaj, allinta reparaspa umachakunankupaj, noqa Señor, atiyniywan kay imasta ruwasqayta, noqa Israelpa Santo Diosnin kay imasta rikhurichisqayta.

Isaías 42:13

Señorqa atipaj runa jina rikhurimonqa, ch'ajwapi maqanakoj runa jina phiñakonqa, jatunmanta manchayta qhaparispa enemigosninta atipanampaj.

Isaías 58:11

Señorqa pusaykachasonqapuni. Ch'in pampaspi sumajta mikhuchisonqa. Tullusniykita sumajta kallpachasonqa. Qanqa sumaj qarpasqa huerta jina kanki, mana jayk'aj ch'akej yaku juturi jina.

Isaías 59:18

Chayta churakorqa sapa uj enemigosninman ruwasqankuman jina qopunampaj. Mayta phiñakuspa enemigosninta jasut'enqa, astawanqa mar qocha cantospi kajkunata.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

Zacarías 10:7

Efraenqa uj soldado jina kanqa. Sonqonqa vinowampis kashanman jinata kusikonqa. Chayta rikuspari wawasnimpis kusirikullanqankutaj. Sonqonqa kusikonqa Señorrayku!

Malaquías 3:18

Chaypacha qankuna ujtawan reparakunkichej, imachus allin, imatajchus mana allin kasqanta, reparakunkichejtaj pichus Diosta yupaychasqanta, pitajchus Diosta mana yupaychasqantawan.

San Juan 16:22

Ajinata qankunapis kunan llakikushankichej. Uj kutitawan rikusqaykichej, sonqoykichejtaj kusikonqa; manataj pipis chay kusiyta qankunamanta qhechuyta atenqachu.

Hebreos 10:27

Uj jinamantaqa, mancharina juicio suyayllaña, ninaj k'ajaynintaj enemigosta q'olaykonqa.