Isaías 66:13 - Qheshwa Biblia DC

¹³ Imaynatachus mamaqa wawanta kusichin, ajinallatataj noqapis qankunataqa kusichisqaykichej; chay kusiytaqa Jerusalempi tarinkichej.

DIOSPA QHELQACHISQAN DEUTEROCANONICAL

¹³ Imaynatachus mamaqa wawanta sonqocharin, ajinallatataj noqapis qankunata sonqocharisqaykichej. Sonqochasqa kaytaqa Jerusalenpi tarinkichej, nispa.

DIOSPA QHELQACHISQ

¹³ Imaynatachus mamaqa wawanta sonqocharin, ajinallatataj noqapis qankunata sonqocharisqaykichej. Sonqochasqa kaytaqa Jerusalenpi tarinkichej, nispa.

Isaías 66:13 ပူးပေါင်းရင်းမြစ်များ

Salmos 137:6

Ukhu simiyman qalluy k'askaykuchun qanmanta mana yuyarikuyman chayqa; mana qanmanta kusikuyman chayqa tukuy imamanta astawan.

Salmos 94:19

Sonqoy ukhupi ashkha llakiyniyoj kashajtiy, sonqochawanki, kusichiwankitaj.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 40:1

Qankunaj Diosniykichejqa nin: Sonqochakuychej, sonqochakuychej, israelitasníy.

Isaías 40:2

K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Isaías 51:3

Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

Isaías 66:10

Jerusalenwan khuska mayta kusirikuychej, payta munakojkuna. Tukuy payrayku llakiywan waqajkuna kusisqa kakuychej.

2 Corintios 1:3

Yupaychasqa kachun Dios Señorninchej Jesucristoj Tatan; imaraykuchus payqa khuyakoj Tata, tukuy imapi sonqochakoj Diostaj.

2 Corintios 1:4

Paytaj sonqochawayku tukuy ima llakiyniykupi, noqaykupis sonqochanayku, llakiypi, ñak'ariypi kajkunata, imaraykuchus noqaykupis sonqochasqas karqayku Diosmanta.

1 Tesalonicenses 2:7

Qankuna ukhupeqa llamp'u sonqos karqayku; imaynatachus uj sumaj mama wawasninta munakuywan uywan, ajinata.