Isaías 66:12 - Qheshwa Biblia DC

¹² Señorqa ajinata nin: Noqa chay llajta ukhunman sonqo tiyakuyta churani uj mayuta jina, tukuy nacionespa kusiynintawan mayu yakupis llump'irishanman jina. Chaynejta qankunaqa ñuñoj wawas jina kusikunkichej, makisninwan ichurikusonqachej, arphin patapitaj chhukusonqachej.

DIOSPA QHELQACHISQAN DEUTEROCANONICAL

¹² Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

DIOSPA QHELQACHISQ

¹² Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

Isaías 66:12 ပူးပေါင်းရင်းမြစ်များ

Isaías 14:2

Ashkha naciones israelitastaqa yanapanqanku, jallp'ankumantaj pusaponqanku. Chay runastataj israelitasqa Señorpa jallp'ampi kamachisninkupaj jap'enqanku. Chanta israelitasñataj pikunachus ñak'aricherqanku, chaykunata presochanqanku, munayninkupitaj apaykachanqanku, paykunata llakichej kanku chaykunata.

Isaías 26:3

Pichus qampi sonqo churajtaqa, sonqo tiyakuypi kachiy, imaraykuchus payqa qampipuni atienekun.

Isaías 33:21

Señorqa chaypimin atiyninta rikuchiwasun. Chay cheqaqa mayus jina kanqa, sumajta correshaj ashkha yakus jina; enemigosqa chayman mana yaykuyta atenqankuchu, juch'uy barcoswan, nitaj jatun barcoswampis.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 48:18

Allin kanman karqa sichus kamachisusqayta kasuwankiman chayqa. Kusiyniykeqa uj mayu yaku jina ashkhayanman karqa, atipasqaykipis mar qochaj yaku oqharikusqasnin jina kanman karqa.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Isaías 54:3

Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

Isaías 59:19

Inti chinkaykuymantapacha naciones Señorpa sutinta manchachikonqanku, jinallataj inti llojsimuymantapacha k'anchayninta manchachikonqanku. Enemigosqa yaku mayu jina manchayta jamonqanku, Señorpa Espirituntaj bandera jina ñaupaqenkupi contrankupi sayaykonqa.

Isaías 60:16

Waj nacionespaj lechenta ujyanki, reyespa kapuyninwan kausanki. Chaypacha rejsiwanki noqa Señor salvajniyki, imamantapis orqhosojniyki, Jacobpa kallpachajnin ima kasqayta.

Isaías 61:6

Qankunaqa Señorpa sacerdotesnin nisqa kankichej, Diospa kamachisnin nisqataj. Qankunaqa karu llajtasniyojpa kapuyninta mikhunkichej, qhapaj kapuyninkuwantaj kusikunkichej.

Isaías 66:11

Chay jinamanta payta ñuñunaykichejpaj, kusiyninwan sajsakunaykichejpaj; lechenta ujyaspa, chay jina k'anchaynin ukhupi kakunaykichejpaj.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Jeremías 33:6

Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

Hageo 2:9

Kay qhepa kaj temploqa aswan sumaj kanqa, ñaupajta karqa chay templomanta nisqaqa. Chaypachataj kaypi runasman sonqo tiyakuyta noqa qosaj. Noqa, Tukuy Atiyniyoj Señor kaytaqa nini.