Isaías 61:8 - Qheshwa Biblia DC

⁸ Noqa Señorqa imapis cheqampuni kananta munani. Suwakojta, runa wañuchejta ima chejnikuni. Chayrayku runaj ruwasqasninman jina t'inkanta qopusaj, paykunawantaj wiñaypaj tratota ruwasaj.

DIOSPA QHELQACHISQAN DEUTEROCANONICAL

⁸ Noqa Tata Dios justiciata munakuni. Suwayta, millay ruwayta imarí chejnikuni. Noqaqa nisqayta junt'asajpuni, ruwasqankuman jinatataj paykunaman t'inkata qosaj, paykunawantaj wiñaypaj tratota ruwasaj.

DIOSPA QHELQACHISQ

⁸ Noqa Tata Dios justiciata munakuni. Suwayta, millay ruwayta imarí chejnikuni. Noqaqa nisqayta junt'asajpuni, ruwasqankuman jinatataj paykunaman t'inkata qosaj, paykunawantaj wiñaypaj tratota ruwasaj.

Isaías 61:8 ပူးပေါင်းရင်းမြစ်များ

Génesis 17:7

Kay tratota qanwan ruwasqayqa mirayniykej mirayninman ima chayanqa; noqa qampa Diosniykipuni kasaj, jinallataj paykunajtapis.

2 Samuel 23:5

Chayrayku mirayneyqa Diospi sinch'i sayasqa kashan. Payqa noqawan uj wiñay tratota ruwarqa, sumaj cheqan ruwasqa sumaj segurasqataj. Pay tukuynin atipayta qowan, tukuy munasqasniy imastataj junt'achimpuni.

Salmos 105:10

Kamachiyta jina Jacobman qorqa, Israelman wiñaypaj trato kanampaj.

Salmos 11:7

Señorqa cheqan sonqo, cheqan kajtataj munakun. Chayrayku, cheqan sonqoyojkunaqa paypa uyanta rikonqanku.

Salmos 32:8

Señorqa nin: Ñawisneyqa qanta qhawashasunku, yachachisqayki, yuyaychasqayki, mayqen ñantachus allinta rinaykita yachachisqayki ima.

Salmos 33:5

Señorqa cheqan kajta allin kajtawan munakun. Khuyakuynintaj tukuy kay pachata junt'aykun.

Salmos 37:28

Señorqa cheqan kajta munakun, manataj qonqapunchu paypi yuyaj runamanta, sajra runatataj tukuchin, manataj saqenchu wawasniyoj kanankuta.

Salmos 45:7

Cheqan kajta munakunki, sajratataj chejnikunki. Chayrayku Dios ajllakusorqa. Diosniyki kusikuywan junt'achisunki, kausaqesniykimanta astawan.

Salmos 50:5

Noqata qhatiwajkunata tantaychej, uywa wañuchisqata jaywawaspa tratota ruwawajkunata.

Salmos 62:10

Ama maqanakupeqa atienekuychejchu. Amataj suwakuypipis jatunchakuychejchu. Qhapaj kaspapis ama qolqellaykichejpi sonqoykichejta churaychejchu.

Salmos 99:4

Qan atiyniyoj rey kanki, cheqan kaj ruwayta munanki, qan kikiyki cheqan kajta sayacherqanki. Cheqa kajta, cheqan kajtataj, Jacobpa miraynimpi ruwarqanki.

Proverbios 3:6

Tukuy ima ruwasqaykipi Señormantaqa yuyarikuy. Paymin pusasonqa cheqan ñantaqa.

Proverbios 8:20

Noqaqa cheqan ñanta purini, justicia ñanta.

Isaías 28:17

Cheqan kajtaqa plomadata jina churasaj, maychus kajtataj hilota jina churasaj. Llullakojpa pakakunanta chejchi chinkachenqa, chay pakakunaykichej cheqatataj yakus apanqanku.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 5:16

Tukuy Atiyniyoj Señorqa cheqan kajta atiyninwan rikuchenqa, Santo Diosqa llimphu kayninta rikuchenqa cheqanta ruwaspa.

Isaías 54:10

Khuyakoj Señorniykeqa nisunki: Tukuy orqosqa kuyurenqanku, lomaspis kharkatitenqanku; munakuyniyrí qanmantaqa manapuni t'aqakusonqachu, sonqo tiyakuy tratota ruwasqanchejpis manapuni p'akikonqachu.

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Isaías 56:1

Señorqa nin: Cheqan kaj ruwayta ruwaychejpuni, imatapis cheqanta ruwaychej, imaraykuchus salvanay p'unchayqa qayllapiña kashan, cheqanchayniypis chayamushanña.

Isaías 66:22

Mosoj janaj pachata, mosoj kay pachatawan ruwasqayqa ñaupaqeypipuni kanqanku. Ajinata mirayniykichejqa unayta kanqanku, sutiykichejpis wiñaypaj mana chinkaj kanqanku.

Jeremías 32:40

Paykunawan uj tratota wiñaypaj ruwasaj: Paykunaman nisaj, manaña jayk'ajpis saqenayta, allinwan rikuyta, yupaychawayta munaywantaj sonqonkuman junt'achisaj ama noqamanta t'aqakunankupaj.

Jeremías 9:24

Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

Ezequiel 16:60

Noqataj sipas kashajtiyki qanwan tratota ruwasqayta yuyarikusaj, chantá uj tratota qanwan wiñaypaj ruwasaj.

Ezequiel 34:25

Sonqo tiyaykuchej tratota paykunawan ruwasaj, jallp'amantaqa tukuy millay khurusta wijch'usaj, ovejasniy mana ima llakiyniyoj ch'in pampaspi tiyakunankupaj. Orqospitaj mana ima llakiyniyoj puñukonqanku.

Malaquías 1:13

Qankuna ninkichej: Kay yupaychanaswanqa sayk'usqas kanchej, nispa. Chay jinata qhesachawankichej. Chanta yuyankichejraj kusikunayta, maypachachus noqaman jaywaj jamunkichej suwasqa uywata, chakin p'akisqata, chayri onqosqatapis, nin Tukuy Atiyniyoj Señorqa.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

2 Tesalonicenses 3:5

Señortaj sonqoykichejta Diospa munakuyninman pusachun, Cristoj jamuyninta pacienciawan suyanaykichejpaj.