Isaías 61:7 - Qheshwa Biblia DC

⁷ Chay jina p'enqaypi kasqaykichejmanta, chay jina chejnisqa mana allimpaj qhawasqa kasqaykichejmanta, may jina allimpaj qhawasqas kankichej, wiñaypaj kusikuyniyojtaj,

DIOSPA QHELQACHISQAN DEUTEROCANONICAL

⁷ Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

DIOSPA QHELQACHISQ

⁷ Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Isaías 61:7 ပူးပေါင်းရင်းမြစ်များ

2 Reyes 2:9

Mayuta chimpaytawan Eliasqa Eliseoman nerqa: Mañakuway imatachus munasqaykita qampaj ruwapusunaypaj, amaraj qanmanta Señor t'aqashawajtin. Eliseotaj nerqa: Noqa mañakuyki espirituykimanta uj jinatawan qonawaykita.

Job 42:10

Job ajinata Señormanta kausaqesnimpaj mañapusqanmanta, Diosqa Jobman kutichiporqa ñaupaj kapusqanmanta iskay jinatawan.

Salmos 126:5

Waqaspa tarpojkunaqa, kusiywan cosechata oqharenqanku.

Salmos 16:11

Kausayman pusaj ñanta rikuchiwanki. May jatun kusikuy tiyan ñaupaqeykipi, qanwanqa wiñaypaj sonqo qhallallariy tiyan.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 40:2

K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

Isaías 51:11

Cheqamanta Señorpa orqhomusqasnenqa kutimonqanku, may kusiywan takirispa Sión llajtaman chayamonqanku; kusiyllapipuni kanqanku. Paykunaqa kusikonqanku. Nanaywan, waqaywantaj chinkaponqanku.

Isaías 54:4

Ama manchachikuychu ari. Qanqa mana ch'aukiyasqachu kanki. Ama qanqa p'enqakuychu, manamin p'enqachisqachu kanki. Qanqa qonqapunki sipas kashaspa p'enqakoj kasqaykita, jinallataj viuda kashajtiyki qhesachasusqankutapis.

Isaías 60:15

Qanqa chay jina wijch'usqa chejnisqataj karqanki, qan chaynejta mana pipis pasayllatapis munajchu. Kunanqa sumajyachisqayki tukuy kusikunankupaj.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 65:13

Chayrayku Señorqa nin: Kamachisneyqa sumajta mikhonqanku, qankunataj yarqhaymanta wañunkichej. Kamachisneyqa sumaj yakusta ujyanqanku, qankunataj yaku ch'akiywan wañunkichej. Kamachisneyqa kusikonqanku, qankunataj p'enqaymanta wañunkichej.

Sofonías 3:19

Jaqay p'unchaypi noqa sayarisaj ñak'arichisunku chaykunaj contrampi. Chakinmanta onqosqa ovejata yanaparisaj. Chinkasqa kajtataj jap'ikapusaj tukuy jallp'api, mayqempichus qhesachasqa karqa chaykunapi honrasqa, alabasqataj kanampaj.

Zacarías 8:12

Imaraykuchus sonqo tiyasqallapi kausakoyqa paykuna ukhupi tarpusqa kanqa. Uvas chajraspis poqonqanku tukuy jallp'api kaj chajraspis poqollanqankutaj, janaj pachapis tukuy jallp'ata chhullachenqa. Noqataj chayta qopusaj chayaqenkupaj jina kay ayllumanta tukuy qhepakojkunapaj.

Zacarías 9:12

Qankunapis, waj llajtamanta wijch'usqas, suyayniyojraj kajkuna chay pakakuna sumaj wasisniykichejman kutipuychej! Niykichejña bendicionesniyta qonasuykichejta may chhika ñak'arisqaykichejmanta uj jinatawanraj.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

2 Corintios 4:17

Kunanqa pisilla ñak'areyqa. Kay kausayniykutaj usqhayta tukukun. Chay ñak'ariytaj apamuwayku wiñay kusiyta, astawan jatunta, ashkhatataj.

Deuteronomio 21:17

Chaytapuni qhawanan tiyan kuraj wawanta jina. Tukuy kapuyninmantataj payman iskay t'aqata qonan tiyan. Paypuni ñaupaj kaj yumasqa wawan kasqanrayku, kuraj kaj chayaqeta jap'inan tiyan.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.