Isaías 61:6 - Qheshwa Biblia DC

⁶ Qankunaqa Señorpa sacerdotesnin nisqa kankichej, Diospa kamachisnin nisqataj. Qankunaqa karu llajtasniyojpa kapuyninta mikhunkichej, qhapaj kapuyninkuwantaj kusikunkichej.

DIOSPA QHELQACHISQAN DEUTEROCANONICAL

⁶ Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

DIOSPA QHELQACHISQ

⁶ Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Isaías 61:6 ပူးပေါင်းရင်းမြစ်များ

Éxodo 19:6

Tukuy qankunaqa kapuwankichej uj sumaj llimphuchasqa sacerdote aylluy. Kaykunata qan israelitasman willamuy.

Isaías 23:18

Chay vendekusqanmanta ganasqasnenqa Señorpaj kanqa. Chayqa mana waqaychasqachu kanqa, nitaj jallch'asqachu kanqa, manachayqa, Señorpaj kanqa, paykuna sajsakunankukama mikhunankupaj, sumajtataj p'achallikunankupaj.

Isaías 54:3

Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

Isaías 66:12

Señorqa ajinata nin: Noqa chay llajta ukhunman sonqo tiyakuyta churani uj mayuta jina, tukuy nacionespa kusiynintawan mayu yakupis llump'irishanman jina. Chaynejta qankunaqa ñuñoj wawas jina kusikunkichej, makisninwan ichurikusonqachej, arphin patapitaj chhukusonqachej.

Isaías 66:21

Paykunamanta wakinta ajllasaj sacerdotes, levitas kanankupaj, nispa nin Señorqa.

Jeremías 33:18

Chaypeqa jayk'ajpis Leví ayllumanta sacerdotesqa kallanqapuni, sapa p'unchay ruphachisqa rikuchikuta jaywanawankupaj, noqaj sutiypi ch'aki mikhuykuna poqoykunasta ruphachinankupaj, waj rikuchikustapis jaywanawankuta.

Ezequiel 14:11

Ajinamanta Israel aylloqa ama jayk'ajpis noqamanta t'aqakunampaj, amataj runata wañurachispa ch'ichichanankupaj. Paykuna aylluy kanqanku, noqataj paykunaj Diosninku kasaj. Noqa Señormin kaytaqa nini.

Romanos 12:1

Ajinaqa, hermanos, mañakuykichej, Diospa khuyakuyninrayku kausanaykichejta, kausashaj rikuchikuta jina jaywanaykichejpaj, llimphuta, Diosta kusichejta. Chaymá cheqan yuyaywan Diosta yupaychayniykichejqa.

1 Corintios 3:5

Kunanqa, pitaj Pablori? Pitaj Apolosri? Noqayku Diospa kamachisnin kayku, qankunataj noqaykunejta creerqankichej; chaytataj sapa ujniykuman Señor atiyta qowasqaykuman jina.

1 Corintios 4:1

Ajina ari, Cristoj kamachisninta jina runas qhawawachuyku; imaraykuchus mayordomos kayku, Diospa pakasqa imasninta sut'inchanaykupaj.

2 Corintios 11:23

Cristoj kamachisninchu kanku? Locopis kayman jina parlashani, noqa astawan Cristoj kamachin kani paykunamantaqa. Noqa ashkhata llank'arqani, may chhika kutita jasut'ichikuspa. Carcelpi wisq'asqa, ashkha kutitataj wañunaypaj jina karqani.

2 Corintios 6:4

Astawanqa munayku tukuy imapi rikuchikuyta Diospa kamachisnin jina, ancha pacienciawan ñak'ariykunapi, pisichikuypi, llakiykunapi; jasut'isqas, carcelman churasqas, ch'ajwas chaupipi, llank'aykunapi, mana puñusqas, mana mikhusqastaj.

Deuteronomio 18:2

Paykunaqa mana chayaqeyojchu kanqanku israelita masisninku ukhupi. Paykunaj chayaqenkoqa Señorllamin, imaynatachus nisqanman jina.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

Apocalipsis 1:6

Cristoqa reyesta, sacerdotestataj kamachimpaj Dios Tatampaj churawarqanchej. Payman janaj pacha k'anchay, atiytaj, wiñay wiñaypaj kachun. Amén.

Apocalipsis 20:6

Kusikuyniyojmin ajllasqataj ñaupaj kaj kausarimuypi chayaqeta jap'ejqa. Iskay kaj wañoyqa manaña paykunapaj atiyniyojchu, astawanqa, paykuna Diospaj, Cristopajwan sacerdotes kanqanku, paywantaj waranqa watata kamachenqanku.

Apocalipsis 5:10

Diosniykupajtaj paykunata reyesta, sacerdotesta ima churarqanki, jallp'a patapi kamachinankupaj.