Isaías 61:3 - Qheshwa Biblia DC

³ Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

DIOSPA QHELQACHISQAN DEUTEROCANONICAL

³ Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

DIOSPA QHELQACHISQ

³ Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 61:3 ပူးပေါင်းရင်းမြစ်များ

Ester (hebreo) 8:15

Mardoqueoqa reypa ñaupaqenmanta reypa churakunan azulwan yurajwan color p'achasta churaykusqa, umampi jatun qori pillu churaykusqa, linomanta ruwasqa uj jatun puka mantawan qhataykusqataj. Chayta rikuspataj Susa llajtapi tukuy tiyakojkunaqa maytapuni kusikorqanku.

Ester (hebreo) 9:22

Chay imastaqa ruwananku karqa chay p'unchaypi paykunapaj kusikuy kasqanmanta, chay jina llakiymanta, enemigosninkumanta kacharichisqas kasqankumanta. Chay jina llakiywan kashajtinku kusiy p'unchaypi rikhurisqankumanta. Chay p'unchaykunastaqa yuyarikunanku karqa kusikuy fiestata ruwaspa, ujkuna ujkunawan purajmanta waqerinakuspa, jinallataj wajchasmampis imankuchá tiyan chaykunata waqerispa.

Salmos 104:15

vinota sonqonta kusichinampaj, aceiteta uyanta lliphipichinampaj, t'antatarí kallpachakunampaj.

Salmos 149:4

Diosqa ayllumpi kusikuyta tarin, Wajchastataj atipaywan k'achanchan.

Salmos 23:5

Qan mikhuyta wakichipuwanki enemigosniypa ñaupaqempi, sumaj q'apaywan umayta jawiwanki. Vasoytataj phullchirichinki.

Salmos 30:11

Llakiyniyta kusiyman tukuchinki. Qhasqa p'achata orqhowaspa, kusiywan p'achallichiwanki.

Salmos 30:12

Chayrayku, Señor Diosníy, mana ch'in kayta atiymanchu. Yupaychasuspa takisajpuni wiñaypaj wiñaynintinkama.

Salmos 45:7

Cheqan kajta munakunki, sajratataj chejnikunki. Chayrayku Dios ajllakusorqa. Diosniyki kusikuywan junt'achisunki, kausaqesniykimanta astawan.

Eclesiastés 9:8

Tukuy tiempopi yuraj p'achasllatapuni churakuy, umaykiman k'acha q'apaj jawinawan jawiykuypuni.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 26:2

Punkusta kichariychej chayninta cheqan runas yaykunampaj, imaraykuchus paykunaqa cheqan sonqoyoj kanku.

Isaías 44:23

Janaj pachaqa, kusiywan takiy, imaraykuchus kaytaqa Señor ruwan. Jallp'aj ukhusnin kusiywan qhapariychej. Qankuna orqos, montes, chaypi kaj tukuy sach'as ima kusikuywan takiychej. Señorqa atiyninta rikucherqa Jacobpa ayllun israelitasta salvaspa.

Isaías 46:13

Noqaqa cheqanchayniyta qayllachimusaj. Mana karunchakonqachu, salvacionniypis mana kikimpichu sayanqa. Sionman noqaqa salvacionniyta churasaj, atiyniytaj israelitaswan kallanqapuni.

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Jeremías 31:13

Chaypacha sipaskunaqa kusikuywan tusurenqanku, jinallataj waynakunapis, unayniyoj runakunapis. Noqa paykunata sonqochaykusaj: Waqayninkutaqa kusiyman tukuchisaj. Noqataj kusiyninkuta qopusaj nanayninkumanta aswan ashkhata.

Ezequiel 34:29

Tukuymanta aswan sumajta poqoj chajrasta churapusaj, manataj ujtawan yarqhaywan chay jallp'apeqa tukukonqankuchu, nitaj waj llajtayojkunapis paykunataqa astawan asipayanqankuchu.

Ezequiel 47:7

Kutichishaspataj mayoj puraj cantompi ashkha sach'asta rikorqani.

Zacarías 3:5

Qhepampi kamacherqa, kamachisninta chay llimphuchasqa ch'uluta Josuéj umanman churanankuta. Paykunataj chay mosoj p'achawanñataj p'achalliykucherqanku. Chaykamataj angelqa sayashallarqapuni.

San Mateo 15:13

Jesustaj kuticherqa: Ima yurallapis, janaj pacha Tataypa mana plantasqanqa, saphinmantapacha sik'isqa kanqa.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

San Lucas 15:22

Chantá tatanqa runasninta kamacherqa: Kunampacha orqhomuychej aswan sumaj p'achata, p'achallichiychejtaj. Anillotapis makisninman churaychej, zapatostataj chakisninman.

San Juan 15:8

Qankuna ashkha poqoyta apajtiykichej, Tatayqa jatunchasqa kanqa; ajinamanta yachachisqasniy kankichej.

San Juan 16:20

Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

1 Corintios 3:9

Paykunapis noqaykupis Diospaj llank'ayku, qankunataj Diospa chajran kankichej, chayri Diospa ruwasqan wasi jina kankichej.

1 Corintios 6:20

Diosqa preciowan rantisorqachej. Diosta yupaychaychej cuerpoykichejwan, espirituykichejwan ima; chaykunaqa Diospata kanku.

Filipenses 1:11

Cheqan ruwanaswan sumaj poqoyniyoj jina junt'asqa kaychej, Jesucristonejta, Dios jatunchasqa, yupaychasqataj kanampaj.

2 Tesalonicenses 1:10

Maypachachus Señor jamonqa ajllasqasninwan yupaychachikoj chaypacha, tukuy creejkuna mayta t'ukonqanku. Qankunataj jaqay p'unchaymanta willasqaykuta cheqamanta creerqankichej.

Hebreos 1:9

Cheqan kajta munakorqanki, sajra kajtataj chejnerqanki. Chayrayku Dios, qampa Diosniyki, kusiy aceitewan jawisorqa, astawanraj kausaqesniykimanta nisqaqa.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.

1 Pedro 4:14

Cristoj sutinraykuchus k'amisqas kankichej chayqa, kusikuyniyoj kankichej, imaraykuchus Diospa k'anchaj Espíritun qankunapi tiyakun. [Cheqamanta, paykunaqa Diospa contranta rimanku, qankunataj payta yupaychankichej.]