Isaías 61:2 - Qheshwa Biblia DC

² Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

DIOSPA QHELQACHISQAN DEUTEROCANONICAL

² Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

DIOSPA QHELQACHISQ

² Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Isaías 61:2 ပူးပေါင်းရင်းမြစ်များ

Isaías 1:24

Chayrayku Tukuy Atiyniyojqa, Israelpa yanapajnin Señorqa nin: kutichikusaj enemigosniywan, paykunawantaj pagachikusaj.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 2:12

Chaypachaqa Tukuy Atiyniyoj Señorpa p'unchaynin jamonqa, runaykachajkunaj contrampi, jatunmanta qhawaykachajkunaj contrampi, may kasqankuta yuyakojkunaj contrampi, chinkachisqa kanampaj;

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Isaías 34:2

Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.

Isaías 34:8

Chay p'unchaypi Señorqa Sionta ñak'arichisqankumanta pagachikonqa.

Isaías 35:4

Manchachikojkunaman niychej: Kallpachakuychej, amataj manchachikuychejchu; qhawariychej Diosniykichej jamushan salvasunaykichejpaj enemigosniykichejmantaj pagota qonampaj.

Isaías 40:1

Qankunaj Diosniykichejqa nin: Sonqochakuychej, sonqochakuychej, israelitasníy.

Isaías 49:8

Señorqa nin: Khuyakuy p'unchaypi uyarerqayki, salvación p'unchaypitaj yanaparqayki, noqa waqaycharqayki, qannejta uj tratota tukuy aylluywan ruwasaj, chay llajtata watejmanta sayarichinaykipaj, saqerpayasqa jallp'asta watejmanta rak'iranaykipaj;

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Isaías 57:18

Imaynatachus purisqankuta rikuni, chaywampis noqaqa thañichisaj, michisaj, sonqochasaj, paykunata kusichisaj, jinallataj llakiywan waqajkunatapis.

Isaías 58:5

Noqaqa ajinatachu ayunota ruwanaykichejta munarqani, runa llakisqa kasqanta rikuchinan p'unchaypi? Qankunapajqa niytachu munan totora qhora jina k'umuykunata, chayri qhashqa p'achata churakuspa ushpha patapi puñunata? Chaytachu qankunaqa ayuno nispa sutichankichej, Señorpajtaj allin kananta yuyankichej?

Isaías 60:10

Jinamanta karu llajtayojkuna perqasniykita ruwapusonqanku, reyesninkupis kamachisqaykita ruwanqanku; imaraykuchus phiñakuspa jasut'erqayki. Chaywampis khuyakoj sonqoyoj kasqayrayku qanta khuyasqayki.

Isaías 66:14

Chayta rikuspa mayta kusikunkichej; tullusniykichejqa sumajta kallpachakonqanku, imaynatachus qhoras q'omeryanqanku ajinata. Señorpa makimpa atiyninta kamachisnenqa sumajta rejsinku, enemigosninmantaj phiñakuyninta rikuchenqa.

Jeremías 31:13

Chaypacha sipaskunaqa kusikuywan tusurenqanku, jinallataj waynakunapis, unayniyoj runakunapis. Noqa paykunata sonqochaykusaj: Waqayninkutaqa kusiyman tukuchisaj. Noqataj kusiyninkuta qopusaj nanayninkumanta aswan ashkhata.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Miqueas 3:8

Noqatatajri Diospa espíritun atiywan junt'achiwan, justiciawan, kallpawantaj, uyanchanaypaj Israelpa mana kasukoj, juchayojtaj kasqanta.

San Mateo 5:4

Kusikuyniyoj kanku waqajkunaqa, imaraykuchus paykunataqa Dios sonqochanqa.

San Lucas 6:21

Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.

2 Corintios 6:2

Escribisqapeqa nishan: Khuyakuy tiempopi uyarerqayki; salvakuna p'unchaypitaj yanaparqayki. Kunanqa kaymin khuyakuna p'unchay. Kunanqa kaymin salvakuna p'unchay.

1 Tesalonicenses 2:16

Paykunaqa jark'awayku gentilesman evangeliota willanaykuta salvasqas kanankupaj. Juchankoqa tupuman junt'aykunña, phiñakuytaj patankuman jamushanña, wiñaypaj jasut'isqas kanankupaj.