Isaías 60:3 - Qheshwa Biblia DC

³ Tukuy naciones qampa k'anchayniykipi purenqanku, reyestaj chay k'anchayniykej lliphipiynimpi.

DIOSPA QHELQACHISQAN DEUTEROCANONICAL

³ Chantá tukuy suyukuna qanpa k'anchayniykiman jamonqanku, kuraj kamachejkunapis chay k'anchayniykej lliphipiyninpi purenqanku.

DIOSPA QHELQACHISQ

³ Chantá tukuy suyukuna qanpa k'anchayniykiman jamonqanku, kuraj kamachejkunapis chay k'anchayniykej lliphipiyninpi purenqanku.

Isaías 60:3 ပူးပေါင်းရင်းမြစ်များ

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Salmos 102:16

Sionta watejmanta Pay sayachejtin, may atiyniyoj rikhurimojtin.

Salmos 102:22

Tukuy runas naciones tantakuspa, Señorta yupaychajtinku.

Salmos 138:4

Señor mundontinmanta reykuna yupaychasonqanku, ruwasaj nisqaykita uyarispa.

Salmos 2:10

Kay pachapi reykuna, juezkuna ima, uyariwaychej, kayta yachakuychej, cheqanchakuychejtaj.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Salmos 68:29

Jerusalempi kaj santo wasiykimantapacha, tukuy reyes t'inkata apamusunku.

Salmos 72:11

Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Isaías 49:12

Kaykunaqa karumanta jamunku, jaqaykunataj patanejmanta jamunku, wakintaj inti yaykuymanta, wakintaj Asuán jallp'asmanta jamunku.

Isaías 49:23

Reyqa kanqanku uywaqe tatayki jina, reinapis mamayki jina. Paykunaqa pampaman umankuta chayachinankukama qanman qonqorikusonqanku, chakisniykipi jallp'as kajtapis qallunkuwan llajwasonqanku. Ajinapi qanqa yachanki noqa Señor kasqayta, noqapi atienekuwajkunaqa mana jayk'ajpis p'enqaypi rikhurerqankuchu.

Isaías 56:8

Tukuy ch'eqerasqa israelitasta tantamoj Señorqa nin: Kay tukuy tantakamojkunamanqa astawanraj wajkunata tantamusaj.

Isaías 60:10

Jinamanta karu llajtayojkuna perqasniykita ruwapusonqanku, reyesninkupis kamachisqaykita ruwanqanku; imaraykuchus phiñakuspa jasut'erqayki. Chaywampis khuyakoj sonqoyoj kasqayrayku qanta khuyasqayki.

Isaías 60:16

Waj nacionespaj lechenta ujyanki, reyespa kapuyninwan kausanki. Chaypacha rejsiwanki noqa Señor salvajniyki, imamantapis orqhosojniyki, Jacobpa kallpachajnin ima kasqayta.

Isaías 62:2

Chaypacha runasqa cheqanchayniykita rikonqanku, reyespis imaynachus atiyniyki kasqanta rikonqanku. Mosoj sutiwan sutichasqa kanki, chaytataj kikin Señorpuni sutichasonqa.

Isaías 66:12

Señorqa ajinata nin: Noqa chay llajta ukhunman sonqo tiyakuyta churani uj mayuta jina, tukuy nacionespa kusiynintawan mayu yakupis llump'irishanman jina. Chaynejta qankunaqa ñuñoj wawas jina kusikunkichej, makisninwan ichurikusonqachej, arphin patapitaj chhukusonqachej.

Amós 9:12

Edommanta puchojkuna, tukuy llajtasmantawan puchojkuna noqajta karqa, chaypi Israelqa watejmanta llajtachakonqa. Señormin ajinataqa nin, chaytaj junt'akonqapuni.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

San Juan 12:32

Noqachus jallp'amanta oqharisqa kasaj chayqa, chaypacha tukuy runata noqaman pusamusaj.

Hechos 13:47

Señorqa kay jinata kamachiwarqayku: Waj llajtayoj runaspa k'anchaynin kanaykipaj churayki, tukuy kay pachapi runasman salvacionmanta willanaykipaj.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 21:24

Nacionesqa Diospa k'anchaynimpi purenqanku. Jallp'api reyes kajkunataj, yupaychayta chayman apamonqanku.