Isaías 60:2 - Qheshwa Biblia DC

² Kay pacha tukuynejta laqhaykonqa, jinallataj nacionestapis. Chaywampis Señorpa k'anchaynenqa pataykipi kanqa. Chay Señorpa k'anchaynenqa qannejta k'ancharenqa.

DIOSPA QHELQACHISQAN DEUTEROCANONICAL

² Laqhayayqa kay pachata qhataykun, tuti laqhayaytaj suyukunata p'ampaykun. Chaywanpis Tata Diospa k'anchaynenqa pataykipi kanqa, jatun kayninpa lliphipiynintaj rikhurimusonqa.

DIOSPA QHELQACHISQ

² Laqhayayqa kay pachata qhataykun, tuti laqhayaytaj suyukunata p'ampaykun. Chaywanpis Tata Diospa k'anchaynenqa pataykipi kanqa, jatun kayninpa lliphipiynintaj rikhurimusonqa.

Isaías 60:2 ပူးပေါင်းရင်းမြစ်များ

1 Reyes 8:11

Sacerdotestaj manaña chaypi yupaychanankupaj qhepakuyta aterqankuchu phuyu kasqanrayku, imaraykuchus Señorpa k'anchaynin chay wasiman junt'aykusqa.

Salmos 102:16

Sionta watejmanta Pay sayachejtin, may atiyniyoj rikhurimojtin.

Salmos 80:1

Israelta michej, uyariy, José aylluta tropaykita jina pusanki, querubinespa patampi tiyakoj k'anchaykamuy.

Isaías 2:5

Jakuchej, Jacobpa ayllun, Señorpa k'anchaynimpi purinachej.

Isaías 4:5

Señorqa tukuynin Sión orqota, tantasqa runasmampis, p'unchaypi yana phuyuwan phuyuykuchenqa laqhapachata, tutantaj nina lauray k'anchayta rikhurichenqa. Señorpaj atiynintaj chay tukuy patampi kanqa.

Isaías 58:10

Sichus yarqhasqasman mikhuchinki, ñak'arichisqa runamanchus mikhuchinki chayqa, laqhayajpipis k'anchayniykeqa k'ancharenqa, laqhayayniykeqa chaupi p'unchayman jina tukonqa.

Isaías 58:8

Chanta k'anchayniykeqa sut'iyamushanmampis jina llojsimonqa. Chaypacha nanasqasniykeqa usqhayta thañiranqanku; tukuy imata cheqanta ruwasqasniykipis sut'iman llojsenqanku, Señorpa k'anchaynintaj qhepamanta jark'akusonqa.

Isaías 62:1

Sión llajtata munakusqayrayku mana ch'inyakusajchu, Jerusalenta munakusqayrayku mana samarikusajchu, cheqanchaynin lliphirimunankama, Salvacionnin k'anchay jina k'anchaykamunankama.

Isaías 66:11

Chay jinamanta payta ñuñunaykichejpaj, kusiyninwan sajsakunaykichejpaj; lechenta ujyaspa, chay jina k'anchaynin ukhupi kakunaykichejpaj.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Jeremías 13:16

Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

Ezequiel 10:4

Chantá Señorpa k'anchaynenqa querubinespa patanmanta, Diosta yupaychana wasiman yaykuna chaynejman purirerqa. Phuyutaj Diosta yupaychana wasiman junt'aykorqa. Señorpa k'anchaynintaj patio junt'ata k'anchaykorqa.

Levítico 9:23

Chaymantataj Moisesqa Aaronwan Dioswan tinkukuna toldoman yaykorqanku, llojsimuspataj israelitasta bendicerqanku. Chaymanta Señorqa jatun lliphipej k'anchaywan tukuyninkuman rikhurerqa.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

Números 16:19

Chaypaj Coreqa tukuy paywan kajkunawan ñapis tantasqasña karqanku Dioswan parlana toldo punkupi paykunaj contrankupi. Chaymantaj ujllata Señorpa manchay k'anchaynin rikhurimorqa tukuy israelitaspa ñaupaqempi.

San Mateo 15:14

Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

San Mateo 23:19

Wampus, ciego runas! Mayqentaj aswan allinri: Rikuchikuchu, chayrí rikuchikuta llimphuchaj altarchu?

San Mateo 23:24

Pusaykachajkuna, ciego runas, ch'uspita ch'umankichej, camellotataj oqoykunkichej.

San Juan 1:1

Tukuy imaj qallariynimpi Palabraqa karqapuni. Chay Palabraqa Dioswan kasharqa, Palabrataj Dios karqa.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 1:18

Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

San Juan 8:55

Qankunaqa mana payta rejsinkichejchu, noqataj rejsini. Noqachus mana rejsinichu niyman chayqa, qankuna jina llulla kayman. Noqa payta rejsini, palabrantataj waqaychani.

Hechos 14:16

Ñaupajtaqa, Dios saqerqa tukuy runasta ñanninkuta purinankuta.

Hechos 17:23

Llajtaykichejpi puriykachashaspaqa, rikuni lanti yupaychanaykichejta. Uj altartapis tarini kay jina escribisqayojta: “Mana rejsisqa diosman”. Chay Diosmanta, pitachus mana rejsispalla yupaychankichej, noqaqa willaykichej.

2 Corintios 3:18

Chayrayku tukuy noqanchej qhawashanchej uya qhatarasqa uj espejopi jina, Señorpa lliphipiyninta. Noqanchejpis k'anchaymanta k'anchayman, kikin rijch'ayninman tukunchej Señorpa Espiritunman jina.

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

1 Pedro 2:9

Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman.