Isaías 6:3 - Qheshwa Biblia DC

³ Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.

DIOSPA QHELQACHISQAN DEUTEROCANONICAL

³ Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

DIOSPA QHELQACHISQ

³ Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Isaías 6:3 ပူးပေါင်းရင်းမြစ်များ

Esdras 3:11

Ujkuna alabanzasta takerqanku, wajkunataj yupaycharqanku Señorman graciasta qospa kay jinata: Payqa may k'achapuni, Israeltaqa wiñaypaj munakun. Runasqa llajtantin kusiywanqa qhaparerqanku, yupaycharqankutaj Señorta, paypa templonta watejmanta ruwayta qallarishajta rikusqankurayku.

Salmos 57:11

Diosníy, janaj pachamanta aswan patapi kanki. K'anchayniykitaj kay pachata junt'an.

Salmos 66:2

Paypa jatun sutinman takiychej. Yupaychaspa k'achata takiychej.

Salmos 72:19

Wiñaypaj jatun sutenqa yupaychasqa kachun. Mundontimpi jatun kaynin junt'a kachun. Ajina kachun, ajina kachun.

Salmos 8:2

Juch'uy wawas ñuñojkunapis atiyniykita qhaparinku. Chay qhaparisqaykutawanqa, qan enemigosniykoj ñaupaqempi jark'anata sayachinki, chejnisojkunata, contraykipi oqharikojkunatawan ch'inyachinaykipaj.

Salmos 90:16

Kamachisniykiman ruwasqaykita rikuchiy, atiyniykitataj wawasniykuman rikuchiy.

Salmos 97:6

Janaj pachapeqa cheqan kayninta willashan; tukuy runastaj atiyninta rikunku.

Salmos 99:3

Jatun manchana sutiykeqa yupaychasqa kachun. Diosninchejqa santomin.

Salmos 99:9

Señor Diosninchejta jatunchaychej, ajllakusqan orqompi k'umuykukuychej. Señor Diosninchejqa llimphumin!

Éxodo 15:11

Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

Isaías 24:16

Kay mundoj k'uchusninmantapacha takejta uyariyku: Cheqanchajqa jatunchasqa kachun, nispa. Noqataj nerqani: Ay, kay llakiy kasqaymanta. Ay, kay llakiy kasqaymanta! Wasanchajkunaqa mana sayk'uspa wasanchanku.

Isaías 40:5

Chaypi Señorpa atiynin rikuchisqa kanqa. Tukuy runataj rikonqanku, imaraykuchus kaytaqa kikin Señormin nin.

Isaías 54:5

Qanta ruwasorqa chaymin qampa qosaykeqa; sutintaj Tukuy Atiyniyoj Señor; Israelpa Santo Diosninmin kacharichisojniykeqa. Payqa tukuy kay pachapi kajkunaj Diosninku.

Ezequiel 43:2

Rikorqani inti llojsimuy ladomanta Señorpa k'anchaynin jamushajta. Uj jatun sonay uyarikorqa jatun mayoj sonaynin jina, jallp'ataj lliphiperqa chay k'anchaywan.

Ezequiel 44:4

Chaymanta runaqa wichaynej punkuman Diosta yupaychana wasej ñaupajninta pusawarqa. Chaypi qhawarerqani, Señorpa k'anchaynin Señorpa wasimpi junt'aykusqata. Pampakamataj k'umuykorqani.

Habacuc 2:14

Chaypachataj, Señor gloriayoj kasqanmanta yachayqa tukuy jallp'antinman junt'anqa, imaynatachus mama qochaman yaku junt'aykun jinata.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Números 14:21

Chay tukuywampis, cheqamanta noqa kausashani. K'anchayniyta tukuy jallp'asman junt'asqata rikunku.

Efesios 1:18

Yuyayniykichejpa ñawisninta k'anchaspa, yachanaykichejpaj ima suyaymanchus wajyasqas kasqaykichejta; mayqentajchus janaj pachapi qhapaj kaynimpa chayaqen ajllasqaspaj kasqanta.