Isaías 6:11 - Qheshwa Biblia DC

¹¹ Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

DIOSPA QHELQACHISQAN DEUTEROCANONICAL

¹¹ Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

DIOSPA QHELQACHISQ

¹¹ Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Isaías 6:11 ပူးပေါင်းရင်းမြစ်များ

Salmos 74:10

Diosníy, mayk'ajkamataj enemigos toreawasqaykuri? Mayk'ajkamataj sajrata qanmanta parlanqankuri?

Salmos 79:5

Señorníy, mayk'ajkamataj phiñasqa kankiri? Phiñakuyniykeqa nina jinallapunichu lauranqa?

Salmos 90:13

Señor, noqaykuman kutirimpuy. Mashkha unaytataj suyankiri? Kay kamachiykitaqa khuyakuy.

Salmos 94:3

Jayk'ajkamataj Señor, jayk'ajkamataj sajra kayniyoj runas kusikonqankuri?

Isaías 1:7

Jallp'aykichejqa ch'inman tukun, llajtaykichejtaqa ninawan q'olaykuchinku, kikin qankunaj ñaupaqeykichejpi enemigosniykichej tarpusqasniykichejta mikhunku. Tukuy ima qhepakun ch'impacha, imaynatachus Sodoma chinkachisqa karqa jina.

Isaías 13:12

Runastaqa qorimantapis astawan pisi tarikojta ruwasaj, Ofirpi qorimantapis astawanraj.

Isaías 3:26

Runasniyki mayta waqanqanku, llakiy p'achayojtaj kanqanku, llajtataj ch'impacha qhepakonqa, uj warmi q'ara pampapi chukushaj jina.

Isaías 3:8

Cheqamanta Jerusalenqa urmaykapun, Judapis thuñiykukun, imaraykuchus chaypeqa mana parlanasta parlanku, millay imasta Señorpa contranta ruwanku, Señorpa jatun kayninta qhesachaspa.

Isaías 32:14

Reypa palacionqa ch'in pacha qhepakonqa, chay chhika runayoj llajtapis ch'in pacha kanqa, qhawana torreswan, pakakuna wasiswanqa wiñaypaj saqerpasqas qhepakonqanku. Chaypeqa k'ita burroslla mayta kanqanku, wakas ima chaypi mikhonqanku.

Isaías 35:1

Q'omeryaspataj rosas jina qhallallarishaj t'ikanqa.

Isaías 5:9

Tukuy Atiyniyoj Señorqa niwan, ashkha wasis thuñisqas kananta; manañataj pipis chay wasispi tiyakunanta, jatuchajpis kachun, k'achituspis kachun.

Isaías 60:15

Qanqa chay jina wijch'usqa chejnisqataj karqanki, qan chaynejta mana pipis pasayllatapis munajchu. Kunanqa sumajyachisqayki tukuy kusikunankupaj.

Isaías 64:10

Ajllakusqayki llajtasqa chay jina ch'impacha. Sión llajtaqa ch'impacha, Jerusalempis raqaykunalla kashan.

Jeremías 22:6

Noqa Señor chayta nini, Judamanta reypa palacionqa kay jina kananta: Qan noqapajqa Galaad orqo jina kanki, Líbanoj orqo puntan jinataj. Kunantaj jurani uj ch'in pampaman tukuchinasuyta, mana pejpa tiyakuynin cheqaman.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 52:27

Chaypitaj Babiloniamanta reyqa wañurachinankuta kamacherqa. Ajinatamin Judá aylloqa jallp'anmanta wijch'usqa karqa.

Ezequiel 6:6

Tukuynej cheqapi tiyakunkichej chaykunapi llajtasqa thuñisqasllataj kanqanku. Altaresniykichejqa tukuynin t'unaykusqaspuni kanqanku. Lantisniykichej, intiman rijch'akoj lantisniykichejpis phirisqas kanqanku, inciensota ruphachinaykichej altarespis urmachisqasllataj kanqanku, tukuy ima ruwasqasniykichejpis chinkachisqas kanqanku.

Daniel (hebreo) 8:13

Chay qhepata uyarerqani, uj angelqa waj angelta tapurishajta: Mayk'ajtaj tukukonqa sapa p'unchay jaywana altarpi rikukushan chayrí? Mayk'ajkamataj kanqa kay millay jucharí? Mayk'ajkamataj Señorpa wasinta, chanta, Señorpi creejkunatawan saronqankuri?, nispa.

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Miqueas 2:4

Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

Miqueas 5:11

Llajtasniykitapis raqaykunasman tukuchisaj, chay tukuy jark'akunasniykichejtapis urmarachisaj.

Miqueas 6:13

Chayrayku jasut'isqayki, phirisqaykitaj juchasniykirayku.

Miqueas 7:13

Kay pacha jallp'aqa ch'in pampaman tukuhisqa kanqa chaypi tiyakojkunaspa juchasninkurayku tukuy sajra kajta ruwasqankuman jinataj.

Deuteronomio 28:62

Qankunaqa, israelitas, mana yupay atina estrellas jina kasqaykichejmantaqa pisiman tukunkichej Señor Diosniykichejta mana kasusqaykichejrayku.

Deuteronomio 28:63

Imaynatachus ñaupajta Señor kusikorqa yanapasuspa, mirachisuspataj, ajinallatataj kunanqa tukuchisuspa chinkachisuspa ima kusikonqa. Ujllata orqhosqas kankichej chay jallp'aman tiyakoj yaykunkichej chaymanta.