Isaías 6:10 - Qheshwa Biblia DC

¹⁰ Kay runaspa sonqonkuta rumiyachiy; ningrisninkuta wisk'aykuy, ñawisninkutapis ciegoyachiy, chay jinamanta ama rikunankupaj, ama uyarinankupaj, nitaj unanchanankupaj; ama kutirikunankupaj, noqa paykunata mana thañichinaypaj.

DIOSPA QHELQACHISQAN DEUTEROCANONICAL

¹⁰ Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

DIOSPA QHELQACHISQ

¹⁰ Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

Isaías 6:10 ပူးပေါင်းရင်းမြစ်များ

Salmos 119:70

Yuyayninkoqa wisq'asqa kashan, noqataj kamachisqasniykipi kusikuni.

Salmos 17:10

Wira kayninkuwan jatunchakunku; wapu wapulla oqharikuspataj parlarinku.

Salmos 69:23

Ñawisninkuta chharpuyachiy ama rikunankupaj. K'uru wasa k'uru wasalla kharkatichunku.

Éxodo 10:27

Señorqa ujtawan faraompa sonqonta rumiyacherqa, israelitasta ama llojsejta saqenampaj.

Éxodo 11:10

Moiseswan Aaronwan chay t'ukuna imasta ruwarqanku faraompa ñaupaqempi. Señortaj faraompa sonqonta rumiyacherqa, chayrayku israelitasta mana saqerqachu llajtanmanta llojsinankuta.

Éxodo 14:17

Noqataj egipciospa sonqosninta rumiyachisaj, qhepaykichejta qhatimunasuykichejpaj. Chaypitaj noqa atiyniyta rikuchisaj faraompa soldadosnimpi, carrosnimpi, caballosnimpi, maqanakoj soldadosnimpi ima.

Éxodo 7:3

Noqataj faraompa sonqonta rumiyachisaj, astawantaj ashkhayachisaj may t'ukunasta ruwayta, milagrostawan ruwayta Egipto jallp'api.

Proverbios 16:30

Sajra imaspi yuyanampajqa ñawisninta ch'irmiykun; kirusninta khaniykurikun sajra imasta ruwasqanmanta.

Eclesiastés 3:3

Uj tiempoqa wañuchinapaj, uj tiempotaj jampinapaj. Uj tiempoqa thuñinapaj, uj tiempotaj wasichanapaj.

Isaías 19:22

Señorqa Egipciosta jasut'enqa, chanta thañichenqa. Paykunataj Señorman kutirikonqanku, chaymantataj Señorqa paykunata khuyakuspa thañichillanqataj.

Isaías 28:13

Chayrayku Señorqa juch'uy wawasman jina parlanqa, palabramanta palabra, watejmanta watej, pisimanta pisi. Ajinata purishaspataj wasamanta wijch'ukonqanku, chaypitaj nanachikonqanku, ch'ipaman urmaspataj, presos qhepakonqanku.

Isaías 29:10

Señorqa qankunaman uj sayk'uy puñuyta apachimusunkichej. Profetasniykichejtapis Señorqa puñurparichin, ñawisninkuman velowan jina qhataykuspa.

Isaías 29:14

Chayrayku, kay runastaqa jatuchaj t'ukuna imasta ruwaspa t'ukushajta saqesaj. Yachayniyojkunasniyoj yachaynenqa chinkaponqa, yuyayniyojkunaj yuyayninkupis manaña kanqachu.

Isaías 29:9

Israelitas, wampusllapuni kaychej, ciegos kaychej mana imata rikuspa. Machasqas jina chankaykachallaychejpuni, mana machachej ujyanata ujyashaspapis.

Isaías 44:18

Chay runasqa mana yachankuchu, manataj unanchankuchu imatachus ruwashasqankuta, imaraykuchus qhawaykachashaj ciegos kanku, manataj yuyayninkupipis imachus kasqanta jap'inkuchu.

Isaías 63:17

Imajtintaj, Señor, ñankunasniykimanta pantachiwaykuri, qanta manchachikunaykumantapis sonqoykuta rumiyachiwaykuri? Kay kamachisniykita munakusqaykirayku, chayaqeyki aylluykitawan, qhawarimuwayku ari.

Jeremías 17:9

Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

Jeremías 5:21

Kayta uyariy wampu, rumi sonqo Israel ayllu. Ñawisniyoj kanki, manataj rikunkichu, ningrisniyoj kanki, manataj uyarinkichu.

Jeremías 6:10

Noqataj kuticherqani: Pitaj kutichiwanman kay parlasqayta willamojtiyri? Señor, paykunaqa joq'arasman tukunku, manataj uyariyta atinkuchu, palabrasniykimanta asiykukunku, mana paykunamanqa allinchu rijch'an.

Lamentaciones 3:65

Sonqosninkuta astawan rumiyachiy, ima mana allintachus nisqaykeqa paykunaman chayachun.

Zacarías 11:15

Señor niwarqa: Kunanqa uj wampu michejpa p'achasninwanñataj p'achalliykukuy.

Zacarías 7:11

Runastaj mana kasuta ruwarqankuchu. Tukuyninku wasanchakorqanku mana uyarejtaj tukorqanku.

San Mateo 13:15

Kay runaspa sonqonqa rumiyasqa. Nak'ayllata uyarinku. Ñawisninkuta, ningrisninkutapis wisq'anku. Paykunachus ñawisninkuwan qhawankuman, ningrisninkuwan uyarinkuman, sonqonkuwantaj kutirimuwankuman chayqa, chaypacha noqaqa paykunata thañichiyman.

San Juan 12:40

Ñawisninkuta ciegoyacherqa, sonqonkutataj rumiyacherqa; ñawisninkuwan ama rikunankupaj, nitaj sonqonkuwan unanchaspa, noqaman kutirimunankupaj, noqataj paykunata thañichinaypaj.

Hechos 28:27

Kay runasqa rumi sonqos kanku, ñak'ayllata uyarinku, ñawisninkutataj wisq'anku. Sitajchus ñawisninkuwan, ningrisninkuwantaj uyarinkuman, sonqonkuwantaj noqaman kutirimuwankuman chayqa, noqa paykunata thañichiyman, nin Dios Tataqa.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.

2 Corintios 2:16

Cheqamanta chinkajkunapaj, wañuypa q'apaynenqa, wañuypaj. Jaqay ujkunapajtaj kausaypa q'apaynin, kausaypaj. Pitaj chaypaj atej jinari?

Deuteronomio 2:30

Hesbonmanta rey Sehonqa mana pasachiyta munawarqanchejchu chay jallp'annejta. Chay jina kanampajqa Señorpuni paypa sonqonta rumiyacherqa, ajinamanta makiykichejman payta churarqa. Kunampis jinarajpuni kashan.

Deuteronomio 29:3

Qankunaqa chay imasta rikorqankichej, jatuchaj rikuchiykunasta, señalesta, milagrosta ima.

Deuteronomio 29:4

Kunankama Señorqa entiendej sonqota manaraj qosunkichejchu, ni ñawista chay imasta rikunaykichejpaj, nitaj ningristapis uyarinaykichejpaj.

Deuteronomio 31:20

Paykunataqa ima jallp'atachus ñaupa tatasniykichejman juraspa qonayta nerqani chayman pusaykusaj. Chay jallp'apeqa lechewan, misk'iwan yaku jina corrishan. Chaypi sumajta sajsaykuytawan, wirayaykuytawantaj, waj dioskunaj qhepanta rispa, chaykunata yupaychanqanku. Noqatataj qhesachawanqanku, ruwasqay tratotataj p'akenqanku.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.