Isaías 57:4 - Qheshwa Biblia DC

⁴ Pimantataj qankunaqa alqochakunkichejri? Pejpa contrantataj chhikan chhikanmanta parlankichej, qalluykichejtapis sik'inkichejri? Manachu qankunaqa juchaj wawasnin kankichej, llullakojkunaj miraynin?

DIOSPA QHELQACHISQAN DEUTEROCANONICAL

⁴ Pimantataj qankuna alqochakushankichejri? Pejpa contrantataj leqhopayaspa parlankichej, pimantaj qalluykichejtapis sik'inkichejri? Manachu qankunaqa contraypi oqharikojkunaj wawanku kankichej, llullakojkunaj mirayninkutaj?

DIOSPA QHELQACHISQ

⁴ Pimantataj qankuna alqochakushankichejri? Pejpa contrantataj leqhopayaspa parlankichej, pimantaj qalluykichejtapis sik'inkichejri? Manachu qankunaqa contraypi oqharikojkunaj wawanku kankichej, llullakojkunaj mirayninkutaj?

Isaías 57:4 ပူးပေါင်းရင်းမြစ်များ

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Salmos 22:13

Phiña leones jina qhaparinku, siminkuta kicharinku, phinkimuwankutaj oqoykunawankupaj.

Salmos 22:17

Tullusniyta yupakuyta atini, chaykamataj paykunaqa qhawamuspallapuni kanku.

Salmos 22:7

Rikuwajkunaqa gestopayawanku, umankutataj khiwinku.

Salmos 35:21

Contraypi siminkuta jatunta kicharispa ninku: Qhawaychej ñawisninchej rikun, nispa.

Salmos 69:12

Punkupi tiyajkunaj rimakunanku kani, machasqaspaj takipayanantaj.

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Isaías 1:4

Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

Isaías 10:15

Hachaqa k'utoj runamanta may sumaj kasqanta yuyakunmanchu? Sierrapis khuchoj runamanta may kasqanta yuyakunmanchu? Chayqa kanman uj k'aspi chayri tojnupis runata apaykachanman jina.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Isaías 30:9

Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.

Isaías 37:23

Pipaj qanqa rimankiri, pimantataj alqochakunkiri? Pejpa contrantataj chhika jatunmanta qhaparinki, jatun jatunmanta qhawaykachaspari? Israelpa Santo Diosnimpa contranta ruwanki.

Isaías 37:29

Qanqa noqaj contrayta oqharikorqanki, noqaj contraypi mayta phiñakusqaykita uyarini. Kunanqa senqaykiman uj muyu fierrota warkhusqayki, simiykiman frenota churasqayki; chantaqa may ñantachus jamorqanki chayllatataj kutirichisqayki.

Isaías 48:8

Arí, kay imasmantaqa mana jayk'ajpis uyarerqankichu, manataj yacharqankichu chay imasmantaqa. Cheqamanta ñaupajtaqa mana uyariyta munajchu kanki. Noqaqa yacharqanipuni qanqa wasanchanawaykita. Chaynejta nacesqaykimantapacha mana kasukojpaj rejserqayki.

Isaías 57:5

Qankunaqa thansa sach'a uraspi lantisniykichejta yupaychankichej sajra imasta ruwaspa. Qankunaqa vallespi, qaqa jusk'uspi wawasniykichejta rikuchikuta qospa ruphachinkichej.

Jeremías 20:8

Parlani chayqa, ñak'ariymanta, jinataj wañuymantapuni parlani, chayraykutaj sapa kuti toreawanku, asiykakamuwankutaj, palabrasniykita willarasqayrayku.

Ezequiel 2:4

Wawasninkupis mana q'ewiy atina jina, rumi sonqostaj kanku. Paykunaman parlamunaykipaj qanta kachasqayki, kay jinata paykunaman niy: Señorqa kayta nin.

Oseas 10:9

Señor nin: Israelqa mana saqenchu juchalliyta, maypachachus Gabaapi juchallerqa chaymantapacha. Juchallampipuni kashan! Chayraykumari guerrapis Gabaapi chay sajra runasman chayanqa.

Números 16:11

Pitaj Aaronqa paypa contranta parlanaykichejpaj. Qanrí yanapajkunasniykiwan Señorpa contranta oqharikushankichej.

San Mateo 13:38

Jallp'aqa mundo. Sumaj mujutaj janaj pacha reinoj wawasnin. Cizañataj supaypa wawasnin.

San Mateo 27:29

Umanmantaj, uj simp'asqa khishka pilluta churaykorqanku; paña makinmantaj uj soqosota. Ñaupaqenman qonqoriykukuspataj, mayta asipayarqanku: Kausachun, judiospa reynin!, nispa.

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

Hechos 9:4

Paytaj pampaman urmaspa parlamojta uyarerqa: Saulo, Saulo, imaraykutaj qhatiykachashawankiri?

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

Colosenses 3:6

Kay imasrayku Diospa k'ajaj phiñakuynin jamun, mana kasojkunaj patanman.

Josué 10:21

Israelitastaj tukuyninku walejpacha kutimporqanku Macedapi jarankuman, maypichus Josué kasharqa chayman. Chaymantaqa ni pi, ni mayqen israelitaspa contranta parlarej karqachu.

2 Pedro 2:13

Chay t'inkatataj jap'inku mana cheqan kajta ruwasqankumanta. Paykunaqa misk'ichikunku, sapa p'unchaypa kusiyninwan. Chaykunaqa millay, ch'ichitaj kanku. Qankunawan khuska mikhushaspa, pantasqa ruwasqasninkupi kusikunku.