Isaías 57:2 - Qheshwa Biblia DC

² Sonqo tiyasqa kayman yaykun; Diospa ñaupaqempi tukuy allinta purejkunaqa wañuypi samarikuyta tarenqanku.

DIOSPA QHELQACHISQAN DEUTEROCANONICAL

² Paykuna wañuspa, allinpi kayman ripunku. Diospa ñawpaqenpi cheqanta purejkunaqa wañuspa, samarikuyta tarinku, nispa.

DIOSPA QHELQACHISQ

² Paykuna wañuspa, allinpi kayman ripunku. Diospa ñawpaqenpi cheqanta purejkunaqa wañuspa, samarikuyta tarinku, nispa.

Isaías 57:2 ပူးပေါင်းရင်းမြစ်များ

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

2 Crónicas 16:14

P'ampaykorqankutaj Davidpa llajtampi, ñaupajmantaña covachata ruwachikusqa chaypi. Ayantataj uj cajonman churaykorqanku, chaymantataj q'apaj jampista, tukuy laya q'apaj jampistawan churaykorqanku, chay imasta ruwayta yachajkunaj wakichisqankuta. Chaymantataj paypa sutimpi may jatun ninata larwacherqanku.

Job 3:17

P'ampasqamantaqa manaña imatapis ruwayta atinkuchu sajra runasqa, manaña kausayta atejkunapis wañuspaqa sumajta samarikunku.

Salmos 37:37

Cheqan runata, llimphu kausayniyoj runatawan qhawariy; paypajqa sonqo tiyakuy kanqa.

Eclesiastés 12:7

Chaypacha, ñut'u jallp'aqa, jallp'allamantaj tukonqa ñaupajta karqa ajinaman, runaman qosqan almataj Diosllaman kutiponqa.

Isaías 14:18

Tukuy nacionesmanta reyesqa sumajta samarikunku, sapa ujninku sepulturasninkupi.

Isaías 26:7

Cheqan runaj ñannenqa cheqampuni; allinta ruwaj kaj runaj ñannintaqa qanlla allinyachinki.

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Ezequiel 32:25

Elampajqa wañusqa soldadosnimpa chaupimpi puñunata wakichiporqanku, sepulturampa muyuynimpitaj tukuy soldadosnin p'ampasqas karqanku. Tukuy paykunaqa mana circuncidasqaschu espadawan wañurachisqas karqanku. Paykunaqa kausajkunata manchacherqanku. Kunantaj paykunaqa p'enqayta ukhu pachapi wañusqakunaj chaupimpi pisipaj qhawasqas kashanku. Paykunaqa wañusqaspa chaupimpi churasqas karqanku.

Daniel (hebreo) 12:13

Qantaj, Daniel, purillaypuni tukukuykama, chanta samarikunkitaj. Qhepa p'unchaykunapitaj jatarikunki t'inkaykita jap'ikapunaykipaj.

San Mateo 25:21

Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy.

San Lucas 1:6

Qhari warmi karqanku llimphu kausayniyoj runas Diospa ñaupaqempi; Señorpa nisqanman jina kausakuspa, ni pejpa ima ninan.

San Lucas 16:22

Chantá wajcha runaqa wañuporqa; angelestaj pusarqanku maypichus Abraham kasharqa chayman. Qhapaj runapis wañupullarqataj, paytataj p'ampamorqanku.

San Lucas 7:50

Jesustaj warmiman nerqa: Creesqayki salvasunki, sonqo junt'asqa ripuy, nispa.

2 Corintios 5:1

Yachanchej kay jallp'api wasinchejqa, kay cuerponchej. Chaychus thuñikunman chayqa, tiyapuwanchej uj wasi Diospa ruwasqan janaj pachapi wiñaypaj, mana runaj makimpa ruwasqanchu.

2 Corintios 5:8

Chaywampis, astawan kallpachakunchej. Astawanqa munasunman kay cuerpomanta t'aqakuyta, Señorwantaj kausamuyta.

Filipenses 1:23

Chay iskayninmantaqa mana ajllayta atinichu; astawanqa munayman wañupuyta, rispa Cristowan kanaypaj. Chaytaj astawan sumaj noqapajqa.

Apocalipsis 14:13

Janaj pachamanta uj wajyamuwajta uyarerqani, nispa: Escribiy: Kusikuyniyojmin kanku kunanmanta qhepaman Señorpi wañojkunaqa. Arí, nin Espiritoqa, sayk'uyninkumanta samakonqanku, imaraykuchus ruwasqasninkoqa paykunawan kashanku.