Isaías 57:18 - Qheshwa Biblia DC

¹⁸ Imaynatachus purisqankuta rikuni, chaywampis noqaqa thañichisaj, michisaj, sonqochasaj, paykunata kusichisaj, jinallataj llakiywan waqajkunatapis.

DIOSPA QHELQACHISQAN DEUTEROCANONICAL

¹⁸ Imaynatachus kawsasqanta rikuni. Chaywanpis noqa payta qhaliyachisaj, pusaykachaspataj sonqochasaj, kusichisaj ima.

DIOSPA QHELQACHISQ

¹⁸ Imaynatachus kawsasqanta rikuni. Chaywanpis noqa payta qhaliyachisaj, pusaykachaspataj sonqochasaj, kusichisaj ima.

Isaías 57:18 ပူးပေါင်းရင်းမြစ်များ

Salmos 23:2

Q'omer pampaspi michiwan, sumaj yakusmantaj pusawan.

Salmos 51:12

Watejmanta rikuchiway salvacionniykimanta kusikuyta. K'acha espirituyojta sayachiway,

Salmos 94:19

Sonqoy ukhupi ashkha llakiyniyoj kashajtiy, sonqochawanki, kusichiwankitaj.

Eclesiastés 9:4

Chay tukuywampis kausashajkunapajqa uj imata ruwanampaj suyaynin kanraj. Uj kausashaj alqoraj aswan allin, uj wañusqa leonmantaqa.

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 19:22

Señorqa Egipciosta jasut'enqa, chanta thañichenqa. Paykunataj Señorman kutirikonqanku, chaymantataj Señorqa paykunata khuyakuspa thañichillanqataj.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Isaías 49:10

Mana yarqhachikonqankuchu nitaj ch'akichikonqankuchu, manataj q'oñipis, intipis llakichenqachu; imaraykuchus munakuyniywan paykunata pusaykachanqa, maykunamantachus yaku phullchimushan chaykunaman.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Isaías 52:12

Ama usqhay usqhaytaqa llojsinkichejchu, ama ayqekoj jinaqa rinkichejchu; imaraykuchus Señormin ñaupaqeykichejtaqa renqa, Israelpa Diosnin ujtawan tantaykapusonqachej.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 58:11

Señorqa pusaykachasonqapuni. Ch'in pampaspi sumajta mikhuchisonqa. Tullusniykita sumajta kallpachasonqa. Qanqa sumaj qarpasqa huerta jina kanki, mana jayk'aj ch'akej yaku juturi jina.

Jeremías 13:17

Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

Jeremías 30:17

Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.

Jeremías 31:3

Noqa unaymantapacha paywan rikuchikorqani. Nerqanitaj: Noqa munakorqayki wiñay munakuywan, chayrayku khuyakuynillaywampuni qanta pusaykachayki.

Jeremías 33:6

Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

Zacarías 1:13

Noqaman parlaj chay angelmantaj Señor kuticherqa, sonqochakoj palabraswan, kaytataj Señorpa angelnenqa kamachiwarqa sut'inchanayta, nispa: Kay jinata nin Tukuy Atiyniyoj Señorqa: Noqa sinch'ita munakuni Jerusalenta, Sión orqotapis.

San Lucas 15:20

Kikimpacha sayariytawantaj kutiporqa tatampaman. Karullapiraj kashajtintaj, tatanqa payta rikorqa. Khuyakuspataj taripaj rerqa, kunkanmanta ojllaykuytawantaj much'aykorqa.

Romanos 5:20

Leyqa churasqa karqa, astawan jucha yapakunampaj. Juchastawan yapakojtinrí, Diospa khuyakuynimpis astawanraj yapakorqa.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.