Isaías 57:13 - Qheshwa Biblia DC

¹³ Yanapata mañakuspa qhaparejtiyki chay lantiyki librasuchun. Chaywampis paykunata wayralla aparanqa, uj phukuyllapi chaykunaqa chinkarichisqas kanqanku. Pichus noqapi atienekojrí, chay jallp'ata chayaqempaj jap'ikonqa, Santo orqopitaj tiyakonqa.

DIOSPA QHELQACHISQAN DEUTEROCANONICAL

¹³ Yanapanayta mañakuspa qhaparejtiyki, chay tantasqayki lantikunamin librasuchunku. Chaywanpis paykunata wayralla aparanqa, uj phukuyllawan chinkarichisqa kanqanku. Pichus noqapi atinikojrí, kay jallp'ata chayaqenpaj jap'enqa, noqapaj t'aqasqa orqopitaj tiyakonqa, nispa.

DIOSPA QHELQACHISQ

¹³ Yanapanayta mañakuspa qhaparejtiyki, chay tantasqayki lantikunamin librasuchunku. Chaywanpis paykunata wayralla aparanqa, uj phukuyllawan chinkarichisqa kanqanku. Pichus noqapi atinikojrí, kay jallp'ata chayaqenpaj jap'enqa, noqapaj t'aqasqa orqopitaj tiyakonqa, nispa.

Isaías 57:13 ပူးပေါင်းရင်းမြစ်များ

2 Reyes 3:13

Chanta Eliseoqa Israelpa reyninman nerqa: Noqa ima ruwanay tiyan qanwanri? Riy ari tapukamuy ñaupa tatasniykej, profetasninta, nispa. Israelpa reynintaj kutichispa mana nerqa: Imaraykuchus kay kinsantin reyesta Señorqa tantaykun Moabitasman jaywaykunampaj.

Job 21:18

Mayk'ajtaj paykuna paja jina t'aqasqas kasqankuri, muyoj wayra jamuytawan apan jinari?

Salmos 1:4

Sajra runasrí mana jinachu kanku, paykunaqa wayrawan apachikoj ichhu jina kanku.

Salmos 118:8

Aswan sumajmin Señorpi atienekunaqa, runapi atienekunamantaqa.

Salmos 125:1

Señorpi atienekojkunaqa, Sión orqo jina sumaj sayasqa kanku, mana kuyuchiy atina.

Salmos 37:11

Llamp'u sonqoyojkunaqa, jallp'asta chayaqepaj jap'enqanku, sonqo tiyasqastaj kakonqanku.

Salmos 37:22

Mayqenkunatachus Señor bendicin, chaykunaqa jallp'ata chayaqepaj jap'enqanku. Pikunachus maldicin chaykunaqa wijch'usqas kanqanku.

Salmos 37:29

Cheqan runastaj jallp'ata chayaqenkupaj jap'enqanku, chaypitaj wiñaypaj kausanqanku.

Salmos 37:3

Señorpa atienekuy, allin kajtataj ruway. Kay jallp'api kausakuy, sonqo junt'asqataj tiyakuy.

Salmos 37:34

Señorta kasukuy, paypi suyay; pay jatunyachisonqa, jallp'atataj chayaqeykipaj qosonqa. Ñawisniykiwan qhawanki sajra runasta wijch'usqankuta.

Salmos 37:9

Cheqamanta sajra runasqa jawaman wijch'usqas kanqanku. Señorpi suyajkunarí, kay jallp'ata chayaqepaj jap'enqanku.

Salmos 58:9

Manaraj reparakushajtinku khishkas jina ruphaykuchunku. Q'omer qhora jinataj t'irasqas kachunku.

Salmos 84:12

Tukuy Atiyniyoj Señor, may kusisqas kanku qampi atienekojkunaqa.

Proverbios 28:25

Pichus anchata imatapis munapayajqa maqanakusta oqharichin, pichus Señorpi atienekojrí tukuy imapi ñaupajman renqa.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

Isaías 14:32

Nacionesmanta willajkuna jamojtinkoqa ima ninkichejtajri? Sión llajtataqa Señormin ruwarqa. Chayrayku llakisqasnenqa chay llajtapipuni pakakonqanku.

Isaías 25:4

Qanqa wajchaj pakakunan kanki, llakisqa pisichikojpaj jark'ajnin, para wayramanta jark'aj, ruphaymanta llanthojtaj. Sajra runaspa samayninkoqa, chiri tiempopi llojlla para perqaman seq'on ajina.

Isaías 40:24

Paykunaqa chaypachallaraj plantasqa sach'aman rijch'akunku, manaraj allinta saphinchakojman. Paykunaman sinch'ita Dios wayrachimojtenqa ch'akipunkupacha, muyu wayrapis jamuytawan q'opata jina apakapun.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Isaías 45:20

Tantakuspa jamuwaychej. Tukuy nacionespi kausashajkuna qayllamuwaychej. Maderamanta ruwasqa lantisninkuta oqharispa apajkunaqa mana yachankuchu imatachus ruwasqankuta. Mana salvayta atej diosmanta qhasi manakajllata mañakunku.

Isaías 49:8

Señorqa nin: Khuyakuy p'unchaypi uyarerqayki, salvación p'unchaypitaj yanaparqayki, noqa waqaycharqayki, qannejta uj tratota tukuy aylluywan ruwasaj, chay llajtata watejmanta sayarichinaykipaj, saqerpayasqa jallp'asta watejmanta rak'iranaykipaj;

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 65:11

Qankuna Señorta qonqajkunari, ajllakusqay orqota qonqapunkichej, suertesta choqanaykichejpaj mesasta churankichej, mana rejsisqa diosman vinowan ch'allankichej.

Isaías 65:25

Atojwan ovejawanqa uj michejniyojlla kanqanku. Leonqa waka jina ichhuta mikhonqa. Katareqa ñut'u jallp'ata mikhonqa. Chay ajllakusqay lomapeqa manaña pipis llakichenqachu, manañataj ñak'arichenqankuchu paykunata, nispa nin Señorqa.

Isaías 65:9

Jacobpa mirayninta sayarichisaj. Judá ayllumanta ajllasaj lomasninta chaypi chayaqenkupaj qonaypaj. Chay ajllasqasneyqa chayaqenkupaj jallp'asta jap'ikonqanku. Chaypi kamachisneyqa tiyakonqanku.

Isaías 66:20

Paykunallataj tukuy nacionesmanta tukuy ayllusniykichejta, pusampusonqachej, uj rikuchikutapis Señorman apamushankuman jina; caballospi, carretaspi, litera ruwasqa carretaspi, mulaspi, camellospi ima, Jerusalén santo ajllasqay orqoyman, nispa nin Señorqa. Kikillantataj israelitaspis chay jampoj jinaqa Señorpa wasinman rikuchikusta apamonqanku, allin llimphu vasospi.

Jeremías 2:28

Judá, maypitaj chay ruwakusqasniyki dioskuna kashankuri? Mashkhachus llajtasniyki chay chhikallataj dioskunasniyki tiyapusunku. Ñak'ariyman chayajtiyki paykuna jamuspa salvasuchunku.

Jeremías 22:20

Qan, Judá, Líbano, orqoman wichariy, qhapariytaj. Jatunmanta Basán orqospi waqay. Abarim lomasmantapacha qhapariy, imaraykuchus tukuy kausaqesniyki tipasqasña kanku.

Jeremías 22:22

Tukuy kurajkunasniykita wayralla oqharenqa, munasqasniykitaj waj jallp'asman wijch'usqas kanqanku. Qantaj p'enqaypi k'umuykachashaj rikhurinki chay tukuy juchasniykirayku.

Jeremías 30:14

Tukuy munapayasojkuna qonqapusorqanku; manañataj pipis qanmanta llakikunchu. Noqa qantaqa nanaykucherqayki enemigosniykipis kayman jina, manchay sinch'ita jasut'erqayki may chhika sajra ruwasqasniykimanta, mana yupay atina juchasniykimanta ima.

Ezequiel 20:40

Señorqa kay jinata nin: Ajllakusqay orqopi, Israelpa jatun lomampi tukuynin Israel aylloqa yupaychawanqa. Chaypi noqa tukuy sonqowan jap'ikapusqaykichej. Chayllapitaj qankunamanta mañasqaykichej rikuchikusniykichejta jaywanawaykichejta, ñaupajta poqojkunata apamunawaykichejta, imastachus qonawaykichejpaj t'aqankichej chaykunatawan.

Oseas 13:3

Chayrayku paykuna kanqanku sut'iyaymanta phuyus jina, tuta tutamanta chhullaqa inti llojsimusqantawan chinkapuna ajinata, chantá imaynatachus pajata wayralla apakapun ajinataj, imaynatachus q'osñi chimeneamanta llojsipun ajinallataj.

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Jueces 10:14

Riychej, mañakamuychej chay ajllakusqaykichej dioskunamanta. Paykunawan kunanqa ñak'ariykunamanta salvachikuychej.