Isaías 56:3 - Qheshwa Biblia DC

³ Karu llajtayojqa Señorta qhatikun chayqa, ama nichunku: Señorqa llajtanmanta t'aqarpayawanqa, nispa. Kapasqa runapis ama nichunchu: Noqaqa ch'aki sach'a jina kani, nispa.

DIOSPA QHELQACHISQAN DEUTEROCANONICAL

³ Tata Diospi atinikoj waj llajtayojqa ama nichunchu: Tata Diosqa ayllunmanta t'aqarpariwanqachari, nispa. Amallataj capasqa runapis nichunchu: Noqaqa ch'aki sach'a jinalla kani, nispa.

DIOSPA QHELQACHISQ

³ Tata Diospi atinikoj waj llajtayojqa ama nichunchu: Tata Diosqa ayllunmanta t'aqarpariwanqachari, nispa. Amallataj capasqa runapis nichunchu: Noqaqa ch'aki sach'a jinalla kani, nispa.

Isaías 56:3 ပူးပေါင်းရင်းမြစ်များ

2 Crónicas 6:32

Waj llajtayoj, mana Israel aylluykimanta kajpis, jamunman karu jallp'asmanta qampa jatun sutiykirayku, jatun atiyniykiraykutaj kay yupaychana wasipi qanmanta mañakusunampaj.

Isaías 14:1

Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

Isaías 39:7

Mirayniykimanta kajkunata wakinta Babiloniamanta kajkunaqa, kapaspa Babilonia reypa palaciompi kamachismanta churanqanku.

Isaías 56:5

noqa wasiypi uj cheqata qosaj, perqaswan muyuykuchisqata, churismanta, ususismantapis aswan sumaj sutita qosaj. Chay sutitaqa wiñaypaj qosaj ama jayk'aj chinkanampaj. Karu llajtayojkuna Señorta qhatejkunaman, Señorpa sutinta munakojkunaman, samakuna p'unchayta sumajta waqaychajkunaman, trato ruwasqayta mana p'akejkunaman ima, noqa paykunata Santo orqoyman pusasaj, Diosmanta mañakuna wasiypi paykunata kusichisaj, uywa wañuchisqankuta ruphachinankupaj altarniyman apamusqankutaqa jap'isaj. Waseyqa Diosmanta mañakuna wasi sutichasqa kanqa tukuy aylluspaj.

Jeremías 50:5

Sión orqoman rina ñanta tapukonqanku, chaymantaj renqanku: Rinachej, Señorwan ujchakamunachej chay wiñay mana jayk'aj qonqana tratopi, ama jayk'aj noqanchejmanta qonqapunampaj, nispa.

Levítico 25:45

Chantapis atillankichejtaj rantikuyta qankunawan karu llajtasniyoj tiyakojkunamanta, qankunaj jallp'asniykichejpi kashajtinku nacenku chay wawasninkuta. Chaykunata qankunaqa rantikuyta atinkichej qankunajtapuni kanampaj.

Sofonías 2:11

Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

Números 18:4

Qanwan khuska ruwanqanku Dioswan tinkukuna toldopi ruwanas kashan chaykunata; qankunamantaj ni pipis waj runasqa qayllamusonqachejchu chaykunata ruwashajtiykichej.

Números 18:7

Chantaqa qan, wawasniyki imalla ruwankichej sacerdotej ruwananta, altarpi imaschus ruwana kajta, veloj qhepampi, chay imasta qankuna allinta purichinaykichejpaj. Ajinata qankunata noqa churaykichej sacerdotej ruwanasninta ruwanaykichejpaj. Sichus pipis mana sacerdote kashaspalla sacerdotej ruwananta ruwanqa chayqa, wañonqa.

Hechos 10:34

Chaymantataj Pedro parlayta qallarerqa: Cheqamanta yachani, Diosqa mana runaj rijch'ayninta qhawaspachu runataqa ajllan, manachayqa, ima laya runa ukhupipis, pichá Diosta manchachikoj, cheqa kajtataj ruwaj runamin Diospajqa munasqa.

Hechos 17:4

Paykunamanta wakinkunataj creerqanku, tantakorqankutaj Pablowan Silaswan. Ajinata ashkha griegos Diosta yupaychajkuna, ashkha atiyniyoj warmis ima, creellarqankutaj.

Hechos 18:7

Ajinata nispataj, Ticio Justo sutiyojpa wasinman riporqa. Payqa Diosta yupaychaj, wasintaj sinagoga qayllapi karqa.

Romanos 15:16

Jesucristoj kamachin kaspa, Diospa evangelionta gentilesman willanaypaj, paykuna sumaj rikuchiku jina, llimphuchasqas Santo Espiritunejta kanankupaj.

1 Corintios 6:17

Ajinata pichus Señorwan ujchakojqa, paywan uj espiritullapi kashan.

Efesios 2:12

Chayrayku mana Cristoyojchu karqankichej, Israel llajtayoj kaymanta karunchasqas, Diospa qosqayki nisqan tratotapis mana rejsispa; mana suyayniyoj, mana Diosniyojtaj kay pachapi karqankichej.

Efesios 2:22

Ajinallatataj qankunapis Cristowan khuska wasichasqas kankichej, Dios qankunapi Espiritunejta tiyakunampaj.

Deuteronomio 23:9

Mayk'ajchus enemigosniykichejwan maqanakoj rinkichej chayqa, amapuni ima sajratapis ruwankichejchu.

1 Pedro 1:1

Noqa Pedro, Jesucristoj apostolnin kani. Kay cartata escribimuni llajtasninkumanta qharqosqas ch'eqerasqasman; pikunachus tiyakunku Pontopi, Galaciapi, Capadociapi, Asiapi, Bitiniapi ima chaykunaman.