Isaías 54:7 - Qheshwa Biblia DC

⁷ Noqaqa pisi p'unchaykunasllata saqerparerqayki, chaywampis jatun khuyakuyniywan jap'ikapullasqaykitaj.

DIOSPA QHELQACHISQAN DEUTEROCANONICAL

⁷ Noqa mana unaytachu saqerparerqayki. Chaywanpis jatun khuyakuyniywan jap'ikapullasqaykitaj.

DIOSPA QHELQACHISQ

⁷ Noqa mana unaytachu saqerparerqayki. Chaywanpis jatun khuyakuyniywan jap'ikapullasqaykitaj.

Isaías 54:7 ပူးပေါင်းရင်းမြစ်များ

Salmos 106:47

Salvawayku Señor Diosniyku! Oqharikapuwayku tukuy nacionesmanta, santo sutiykita yupaychanaykupaj, kusisqas qanta upaychanaykupaj.

Salmos 107:3

pikunatachus Señorqa tantarqa tukuy nacionesmanta, inti llojsimuymanta, inti yaykuynejmantapis, ura ladomanta, pata ladomantawan.

Salmos 30:5

Phiñakuynenqa uj ratollapaj, k'acha kaynintaj tukuy kausaypaj. Ch'isin waqasun chayqa, tutamanta kusikusun.

Salmos 30:6

Sinch'ita sayaykorqani, yupaycharqanitaj: Ni jayk'aj imapis urmachinawanta.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.

Isaías 12:1

Chay p'unchaypi ninki: Graciasta qoyki, Señor, qanqa noqapaj maytapuni phiñakorqanki, chaywampis chay jina k'ajaj phiñakuyniykeqa manaña kanchu, astawampis sonqochawanki.

Isaías 14:1

Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

Isaías 26:20

Kunanqa, ayllúy, riy ari, wasiykiman yaykuy, punkuykitataj wisq'aykakamuy. Chaypi uj pisita pakakuy, Señorpa k'ajaj phiñakuynin tukukunankama.

Isaías 27:12

Jaqay p'unchaypi Señorqa erata jina trillanqa Eufrates mayumanta, Egipto mayukama. Qankuna Israelpa wawasnintaj ujmanta tantasqas kankichej.

Isaías 27:8

Diosqa jasut'in ayllunta karu llajtaman apachispa. Payqa apachin wayrawan jina, inti llojsimuymanta sinch'i wayraway jina.

Isaías 40:11

Uj michej jina ovejasninta michin, corderosta makisninwan marq'arikun, uñayoj kajkunatataj allinta pusanqa.

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

Isaías 49:18

Umaykita oqharispa muyuyniykita qhawariy; runasniyki tukuynejmanta tantaykukuspa jamusunku. Señorqa nin: Noqa kausayniyrayku nini. Chay tukuyninkuwan qanqa novia p'achaswan jina sumajta p'achallikunki, chaykunawantaj sumaj k'achanchasqa kanki.

Isaías 49:21

Qantaj sonqoykipi ninki: Pitaj kay wawasta yumapuwarqari? Noqajtaqa manapuni wawasniy karqachu, noqatarí sapayta saqewarqanku. Pitaj kaykunata uywanman karqari? Noqataqa sapayta wijch'umuwarqanku. Chaykama kaykunaqa maypitaj kankuman karqari?

Isaías 50:1

Señorqa nin: Ama yuyaychejchu mamaykichej Israel aylluyta qharqosqayta, uj runa warminta wijch'un jinataqa. Chayrí, yuyankichejchu mayqen manu runayman vendeykususqayta? Qhawariychej, qankunaqa sajra juchaykichejrayku vendechikunkichej. Diospa contranta oqharikusqaykichejrayku mamaykichej Israelqa wijch'usqa karqa.

Isaías 56:8

Tukuy ch'eqerasqa israelitasta tantamoj Señorqa nin: Kay tukuy tantakamojkunamanqa astawanraj wajkunata tantamusaj.

Isaías 60:10

Jinamanta karu llajtayojkuna perqasniykita ruwapusonqanku, reyesninkupis kamachisqaykita ruwanqanku; imaraykuchus phiñakuspa jasut'erqayki. Chaywampis khuyakoj sonqoyoj kasqayrayku qanta khuyasqayki.

Isaías 60:4

Muyuyniykita qhawarikuy. Kaykunaqa ujllaman tantaykukuspa qanman kutimpusunku. Wawasniykeqa karu llajtasmanta jamusunku, warmi wawasniykitapis mark'api apampushanku.

Isaías 62:4

Manaña jayk'ajpis saqerpayasqa nisonqankuchu, jallp'aykipis manaña ch'in pachachu kanqa, manachayqa kusikuy nispa sutichasonqanku, jallp'aykitataj runayojña nenqanku. Señorpa munakuynin qampi kanqa. Jallp'aykeqa casarasqa jina kanqa.

Isaías 63:7

Noqaqa Señorpa khuyakuyninmanta yuyarikusajpuni, Señorta yupaychanasmanta, Señorpa kamachiwasqanchejman jina; chay jina atiyninta israelitasman rikuchisqanmanta, jatun khuyakuyninta, munakuynintataj rikuchiwasqanchejmantawan.

Isaías 66:18

Rejsini paykunaj ruwasqasninkuta, imatachus yuyasqankutapis. Uj p'unchay chayamonqaña tukuy nacionesta, ima parlayniyojchus kajkunatapis ujllaman tantanapaj. Chaypi jamuspa noqaj k'anchayniyta rejsenqanku.

Jeremías 51:5

Jinapis Israel aylluwan, Judá aylluwanqa contraypi juchallerqanku, tukuy jallp'amantaj juchata junt'acherqanku. Noqa Tukuy Atiyniyoj Señor, Israelpa Santo Diosnintaj paykunata manaraj qonqarparinichu.

Lamentaciones 3:31

Señorqa mana wiñaypajchu qhesachawasunchej.

Lamentaciones 3:32

Llakichejtimpis, khuyakun, may chhikan khuyakuynin kasqanrayku.

Ezequiel 36:24

Qankunataqa noqa waj llajtasmanta orqhomusqaykichej, tukuy jallp'asmanta tantaykuspataj jallp'aykichejman kutirichisqaykichej.

Miqueas 4:6

Kayta nin Señor: Jaqay p'unchaypeqa ovejasniyta tantaykusaj jasut'erqani chaykunata; wist'usta, sayk'usqasta, jinataj ch'eqerasqasta. Chaykunawan, chay qhepakojkunawantaj uj atiyniyoj llajtata ruwasaj. Noqa, Señor, Sión orqomantapacha Israel aylluyta kamachisaj, kunan wiñaypajtaj.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

2 Corintios 4:17

Kunanqa pisilla ñak'areyqa. Kay kausayniykutaj usqhayta tukukun. Chay ñak'ariytaj apamuwayku wiñay kusiyta, astawan jatunta, ashkhatataj.

Efesios 1:10

Cristopi tukuy imata tantayta munarqa, churasqa p'unchaykuna junt'akojtinku, janaj pachapi kajkunata, jinallataj kay pachapi kajkunatapis.

Deuteronomio 30:3

Chaypacha Señor Diosniykichejqa kutichimonqa karu llajtasman apasqasta, khuyakusonqachejtaj. Ujtawantaj tantamusonqachej chay tukuy nacionesmanta, maykunamanchus wijch'usorqachej chaykunamanta, kay mundoj cantonkamapis ch'eqerasqa kashajtiykichej. Chaykunamantapacha Señor Diosniykichejqa kutirichimusonqachej.

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.

2 Pedro 3:8

Munakusqasníy, ama qonqaychejchu kayta: Señorpajqa uj p'unchay waranqa watawan ninakun, waranqa watataj uj p'unchaywan ninakun.