Isaías 54:5 - Qheshwa Biblia DC

⁵ Qanta ruwasorqa chaymin qampa qosaykeqa; sutintaj Tukuy Atiyniyoj Señor; Israelpa Santo Diosninmin kacharichisojniykeqa. Payqa tukuy kay pachapi kajkunaj Diosninku.

DIOSPA QHELQACHISQAN DEUTEROCANONICAL

⁵ Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

DIOSPA QHELQACHISQ

⁵ Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 54:5 ပူးပေါင်းရင်းမြစ်များ

Job 19:25

Noqa yachani salvadorniy kausashasqanta, pay noqamanta kutikuwanqa kay jallp'a patapi.

Isaías 11:9

Chay Santo orqoypeqa mana ima sajratapis ruwanqankuchu, imaraykuchus tukuy jallp'aqa Señorta rejsenqa, imaynatachus marman yaku junt'aykun ajinata.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 43:14

Israelpa Santo Diosnin salvasojniyki Señorqa ajinata nin: Qankunata libranaypaj Babiloniaman runasta kacharqani, babiloniostataj tukuyninkuta ayqecherqani. Jinallataj runaykachaspa buquespi purej caldeostapis may llakiypi rikhuricherqani.

Isaías 45:11

Israelitasta Ruwaj Señor Santo Diosqa kay jinata nin: Kunanqa tapuriway qhepaman imachus jamunan kashan chaymanta, wawasniy imatachus ruwanankumanta kamachiway, makisniywan imastachus ruwasqasniymantawan.

Isaías 48:17

Israelpa Santo Diosnin, salvajniyki Señorqa ajinata nin: Noqa Señor Diosniyki kani; noqa yachachiyki imachus qampaj allin kasqanta. Noqa may ñantachus rinaykita rikuchiyki.

Isaías 48:2

Diospa llajtanmanta kayku ninkichej, Israelpa Diosninman atienekuyku nispa. Chay Diospa sutenqa Tukuy Atiyniyoj Señormin.

Isaías 51:15

Noqa kani Señor Diosniyki, suteyqa Tukuy Atiyniyoj Señor. Noqa Señormin mar qochataqa aytiykachachini, maytataj qhollchoqeyachini.

Isaías 54:8

Uj pisita phiñakuspa qanmanta uyayta pakarqani; chaywampis wiñaypaj munakuyniywan qantaqa khuyarqayki. Ajinata salvajniyki Señorqa nisunki.

Isaías 6:3

Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.

Isaías 65:16

Pichus kay jallp'a patapi tukuy imayojpis kayta munan chayqa, cheqa kaj Diosmanta jap'in. Pichus jurayta munan chayqa, cheqa kaj Diospa sutimpi juranqa. Qallariymantapacha ima llakiykunaschus karqa chaykunaqa, qonqasqas kanqa. Mana ujtawan rikunaypaj pakasqas kanqanku.

Jeremías 10:16

Waj jinapuni kay tukuy imasta ruwajqa, chaymin Jacobpa Diosnenqa. Paymin Israel aylluta paypata kanampaj ajllakorqa. Tukuy Atiyniyoj Señormin sutenqa. Profetaqa nin:

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Jeremías 51:19

Jacobpa Diosenqa mana jinachu. Payqa ruwan tukuy kay pachapi kaj imasta. Paymin Israelta ajllakorqa paypata kanampaj; sutenqa Tukuy Atiyniyoj Señormin.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Oseas 2:16

Chaypacha, Baalníy nispa ninawantaqa, qosáy, niwanqañataj. Noqa Señor chayta nini.

Oseas 2:18

Jaqay tiempopeqa Israelman kutisqata uj tratota ruwasaj, montepi kaj animaleswan, phawaj p'isqoswan, katariswan ima, jinallatataj kay jallp'amanta qhechusaj, wach'inasta, t'ojsinasta, maqanakustapis, jinamanta llajtayqa ni imata manchachikuspa sumajta samarikunampaj.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

San Lucas 1:32

Payqa jatun kanqa, sutichasqataj kanqa patapi kajpa Churin; Señor Diostaj, tatan Davidpa reinonta payman qonqa.

San Juan 3:29

Pichus warmiyoj kajqa qosa; paypa qayllampi kaj kausaqentaj, qosaj parlasqanta uyarispa maytapuni kusikun. Ajinamanta kay kusikuyniy kunan junt'akun.

Efesios 5:32

Kay pakasqa yachayqa jatunmin. Kayta nini Cristomanta, iglesiamantawan.

Josué 3:11

Qhawaychej, Señorpa trato ruwasqan cajón Jordán mayuta ñaupaqeykichejta chimpanqa.

Josué 3:13

Maypachachus sacerdotes tukuy jallp'amanta kaj Señorpa cajonninta apashajkuna yakuman saruykojtinkukamaqa, yaku iskayman t'aqarpayakonqa, patamanta jamoj yakoqa kikimpi sayaponqa qocha jina.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.