Isaías 54:3 - Qheshwa Biblia DC

³ Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

DIOSPA QHELQACHISQAN DEUTEROCANONICAL

³ Ajinata ruway, imaraykuchus lloq'emantaj pañamantaj jatunyanki. Mirayniykeqa waj suyukunaj jallp'ankuta jap'enqanku, saqerasqa ch'in llajtakunapitaj tiyakonqanku.

DIOSPA QHELQACHISQ

³ Ajinata ruway, imaraykuchus lloq'emantaj pañamantaj jatunyanki. Mirayniykeqa waj suyukunaj jallp'ankuta jap'enqanku, saqerasqa ch'in llajtakunapitaj tiyakonqanku.

Isaías 54:3 ပူးပေါင်းရင်းမြစ်များ

Génesis 26:22

Isaacqa chay cheqamanta karunejman rispa waj pujyutañataj allacherqa. Chaypeqa manaña maqanakorqankuchu; chayrayku chay pujyuta suticharqa, allimpi kausay, nispa. Kunanqa Señor saqewanchej allimpi, chayrayku tukuy imapi ñaupajman rinanchej tiyan, nispa nerqa.

Génesis 28:14

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Génesis 49:10

Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

Isaías 14:1

Señorqa Jacobpa ayllunmanta khuyakonqa, israelitastaqa ajllakonqaraj, jallp'ankupitaj watejmanta tiyachenqa. Karu llajtayojkuna paykunaman ujchakonqanku, Jacobpa ayllunwantaj tiyakonqanku.

Isaías 14:2

Ashkha naciones israelitastaqa yanapanqanku, jallp'ankumantaj pusaponqanku. Chay runastataj israelitasqa Señorpa jallp'ampi kamachisninkupaj jap'enqanku. Chanta israelitasñataj pikunachus ñak'aricherqanku, chaykunata presochanqanku, munayninkupitaj apaykachanqanku, paykunata llakichej kanku chaykunata.

Isaías 26:15

Qanqa, Señor, chay nacionta jatunyachinki; qampa sutiyki jatunchasqa kanampaj jatunyachinki. Chay jallp'aj mojonesnintapis jatunman tukuchinki.

Isaías 45:14

Chanta israelitasman nillantaj Señorqa: Egiptoj campo runas, Etiopía qhatojkunapis, Sabá llajtamanta kaj; jatuchaj runas ima qanman k'umuykusonqanku, qampata kamachisniyki kanqanku. Qhepaykita cadenaswan watasqas renqanku. Cheqamanta ñaupaqeykiman qonqoriykukuspa mañakusonqa: Cheqamanta qampi Diosqa kashan, chay Diosmanta astawan waj Diosqa mana kanchu.

Isaías 48:19

Mirayniykipis t'iyu jina mana yupay atina kanman karqa. Qanmanta llojsejkunaqa t'iyu jinapuni kanman karqa. Noqaqa mana jayk'ajpis chinkachiykichejmanchu, manataj ñaupaqeymantapis wijch'uymanchu karqa.

Isaías 49:12

Kaykunaqa karumanta jamunku, jaqaykunataj patanejmanta jamunku, wakintaj inti yaykuymanta, wakintaj Asuán jallp'asmanta jamunku.

Isaías 49:8

Señorqa nin: Khuyakuy p'unchaypi uyarerqayki, salvación p'unchaypitaj yanaparqayki, noqa waqaycharqayki, qannejta uj tratota tukuy aylluywan ruwasaj, chay llajtata watejmanta sayarichinaykipaj, saqerpayasqa jallp'asta watejmanta rak'iranaykipaj;

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

Isaías 53:10

Chay tukuywampis, Señorqa ñak'arichiyta munarqa. Pay kikin kausayninta jucharayku rikuchikuta jina jaywaykukorqa. Chayrayku payqa mirayninta rikonqa, unaytataj kausanqa, paynejtataj Señorpa munaynenqa junt'akonqapuni.

Isaías 55:5

Qanqa mana rejsisqa runasta wajyanki, qanta mana rejsisoj runaspis corremusonqanku, Señor Diosniykirayku, noqa Israelpa Santo Diosnin qanta allimpaj qhawasusqayrayku.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Romanos 10:18

Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama.

Romanos 11:12

Juchachakusqankuchus kay pachaj allinnimpaj, urmasqankupis gentilespa allinnimpaj kanman chayqa, may jina allinrajchus kanqa tukuy judíos Diosman kutirisqankoqa.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.