Isaías 53:6 - Qheshwa Biblia DC

⁶ Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

DIOSPA QHELQACHISQAN DEUTEROCANONICAL

⁶ Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

DIOSPA QHELQACHISQ

⁶ Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 53:6 ပူးပေါင်းရင်းမြစ်များ

Génesis 22:6

Abrahamqa Diospaj q'olachinankupaj apasharqanku chay llant'ata Isaacman q'epiriyucherqa, paytaj cuchillota ninatawan oqhariykukorqa; jinaspataj iskaynillanku kachaykukorqanku.

Salmos 119:176

Chinkasqa oveja jina purerqani; kamachiykita mask'away, imaraykuchus kamachisqasniykitaqa mana qonqanichu.

Salmos 69:4

Ashkha kanku qhasillamanta chejnikuwajkunaqa, umaypi chujchasniymantapis astawan. Yanqhallamanta chejnikuwaj runasqa, aswan atiyniyojman tukunku. Mañawankutaj mana suwasqayta qopunayta.

Isaías 40:2

K'acha simiwan Jerusalenmanqa parlaychej. Kamachi kanaykichej p'unchayqa tukukapun, juchasniykichejqa pampachasqaña. Chay juchasniykichejmanta jasut'itaqa uj jinatawanña Señorpa makinmanta jap'inkichej.

Isaías 53:10

Chay tukuywampis, Señorqa ñak'arichiyta munarqa. Pay kikin kausayninta jucharayku rikuchikuta jina jaywaykukorqa. Chayrayku payqa mirayninta rikonqa, unaytataj kausanqa, paynejtataj Señorpa munaynenqa junt'akonqapuni.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Isaías 53:12

Chayrayku atiyniyojkunamanwan khuska chayaqenta qopusaj. Chaymanta payqa atipajkunaj t'inkanta jap'ikaponqa, pay kikin wañuyman jaywakusqanrayku. Payqa juchasapaswan khuska yupasqa karqa, tukuypa juchasninta apaspa, Diosmantataj chay juchasapaspaj mañapuspa.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Isaías 53:7

Payqa may jina maqasqa, llakichisqataj karqa, mana simillantapis kicharerqachu. Payqa oveja jina ñak'anaman apasqa karqa; imaynatachus oveja millmanta ch'inllamanta ruthuchikun, ajinata mana siminta kicharerqachu.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Isaías 55:8

Señorqa nin: Noqaj yuyasqasneyqa, mana qankunaj yuyasqaykichej jinachu; manataj ñanniykichejpis noqaj ñanniy jinachu.

Isaías 56:11

Alqos jina mana sajsayta atej kanku. Paykuna michejkuna kashaspapis mana yuyayniyoj wampus kanku; sapa ujninku imatachá munasqankuta ruwaspa purinku, sapa ujninku imachá paykunapaj allin kajllata mask'anku munasqankuman jina.

Isaías 6:7

Chaywan simiyman churawaspataj niwarqa: Qhaway, kay ninaqa simiykiman chayan. Kunanqa juchaykeqa qhechusqa, juchaykimanta llimphuchasqataj kanki.

Isaías 66:3

Pichus uj wakata ñak'aspa rikuchikuta apamuwajqa, uj runatapis wañuchishanman jina. Uj ovejata wañuchispa rikuchikuta apamojqa, alqotapis apamunman jina. Rikuchikuta apamojqa, khuchej yawarnintapis apamunman jina. Inciensota q'osñichejqa, lantimampis jaywashanman jina. Paykunaqa sapa ujninku imatachus munasqankuta ajllakunku, sonqonkoqa sajrallatapuni munan.

Jeremías 50:6

Aylloyqa oveja chinkasqa jina karqa, michejkunasninkoqa mana allintachu michej kanku, manachayqa orqosnejpi chinkajta qhawallarqanku. Uj orqomanta waj orqoman purikoj rerqanku, puñuna kanchankumanta qonqakapunankukama.

Ezequiel 3:18

Maypachachus noqa juchasapaman niyman: Cheqamanta wañunki nispa, qantaj mana k'amiwajchu, nitaj parlawajchu sajra kausayninmanta reparachispa, payqa chay juchanrayku wañonqa, noqataj paypa kausayninmanta cuentata mañasqayki.

Daniel (hebreo) 9:5

Noqayku juchalliyku, millay imasta ruwayku, sajra kajta ruwayku, qanta mana kasuspataj kausayku. Kamachisqasniykimanta, imatachus ruwanaykuta nisqasniykimantawan karunchakuyku.

Romanos 4:25

Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.

1 Pedro 2:25

Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Jueces 21:25

Chay tiempospeqa Israelpi manaraj rey karqachu, chayrayku sapa ujninku munasqankuman jinalla ruwaj kanku.